*انثئ في معتقل الحب*
بقلم(zainab)عطر الورد
............... ............. .................
#اشتاگيتلة
مرني بحلم ويا الفجر😍
وكت الصلاة و اتيممت
كد النبي صليتلة💚
#اشتاكيتلة
ومن كملت بي فكرت 💛
خايف مريض ومختنك💔
بريتي مدري شكم نفس ضميتله
اشتاكيتلة💜
(منقول)
.............. ............... ............
البارت ٢٤
يسعدلي مسائكم 😍😍
(تصوويت::تفاعل)
.........ديمة.....
صارت عيني بعينه انتبهت ع عيونه حمر مورمات اكيد باجي بس هو يبين القوة اني اعرف كلش زين هو متعلق بابوه قبل جان يحجيلي ع ابوه ايكول ابوية نفسي من الدنيا هو سندي وقوتي احسه حيل منكسر ع ابوه باوعلي ضل يخنزر لان جانت كلها ولد واحنا واكفين ع صفحة واني جنت لابسة بنطرون ما يقبل صرت وراء عباية امي لان نظراته موتتني اعرفه من يعصب كل اطباعة اعرفها سلم ع منتظر عود يودعه منتظر اشأر لامي تجي تصعد من السيارة رحت وصلت يمه جان واكف ع صفحة امي اخذت من خاطرة اني ما اجرئت احجي وياه وخصوصا منتظر موجود سلم ع امي اني نزلت راسي لان نظراتي فاضحتني بعدين صعدنه بسيارة اشوف من مراية سيارة اشلون يباوع من جنت يمه احس النفس ضاع من صعدت اخذت نفس عميق بس كلش انقهرت عليه امي تحجي ع النسوان والفاتحة لمنتظر واتكله شفتلك وحدة حبابة من كرايبهم خوش ابنيه وهو يكلها ما اريد هسة ضلو يتناقشون امي اتريد ازوج منتظر اليوم قبل باجر وهو قافل هسة ع السالفة اني
صافنه ع الشارع ما احس الا ادموعي تجري ع حال سيف اتمنيت لو اني يمه واذكرت اشلون عمته اتكول
نرجع رشا مستحيل سيف يسويها...
وصلنه لبيت صعدت لغرفتي فتحت موبايلي الرسايل
مالت سيف كلها موجودة جان كل يوم الصبح يدزلي
رسالة بيها شعر لو يتغزل بيه اشتاقيت لكلشي بيه ويوم بعد ما شفته عرفت نفسي بعدني احبه اجذب ع نفسي واكول نسيته سيف اول حب بحياتي واول رجال دخل لحياتي مستحيل انساه هيج بسهولة ..
رحت نزلت لغرفة ماما لكيتها نايمة تعبانه من الفاتحة
سحبت الموبايل منها كلت اخابر سيف لان بعد ما اتحمل وهو مخليني بقائمة الرفض..رحت طلعت من الغرفة واني امشي ع كيف خاف ماما تكعد صعدت لغرفتي سديت الباب...
سجلت رقم سيف واني حايرة شحجي وياه دست اتصال سمعت صوته اخذت نفس..
ديمة:بقية بحياتك سيف..
سيف:حياتج الباقية..
ديمة:اتنهدت سيف ليش مخليني بقائمة الرفض اني شمسويتلك انته حتى ما سمعتني ولا ثقيت بيه
سيف:ديمة هسة مو وكتج هسة اني تعبان وضهري مكسور ع والدي عوفيني هسة رحمة لاهلج يمي ناس ما اكدر احاجيج...
سده..واني احس روحي انذليت كل مرة اتنازل ع الرغم الخطأ مو من يمي ...رحت رجعت الموبايل لامي ...خابرت رغد وسولفتها ع الصار..
رغد:اتركي هسة خلينه افكر بطريقة ونكشف منو اليوصله الحجي وهيج مسوي بيج..
ديمة:اني تعبت رغد ليش من دون البنات هيج يصير بيه والله ترة طاقتي مال التحمل خلصت ..
رغد:الله كريم هسة انزلي لقسم واني اشوفلج خطة ونعرف منو السبب..
