*انثئ في معتقل الحب*
بقلم ( zainab )عطر الورد
........................................
*گالتلي هنيال التحب مثلك ولف. _
گلتلها يعني بمختصر هنيالچ
گالتلي ترضى أتغزلك
گلتلها غير أنتي الغزل يحلالچ
گالتلي بس عندي طلب
گلتلها گولي وكلشي بي يبرالچ
گالتلي تنطيني وعد
گلتلها أوقع ع البياض أگبالچ
گالتلي سري بذمتك
{گلتلها مو زلمة اليخون أسرارچ }
( منقول)
...........................................
مساء الورد....
(تصويت ::تفاعل)
.............ديمة.....
اطورت علاقتي بسيف..خلال العطلة صرت اعرف شنو يحبه واليكرهة ..اكو هواي اشياء اكتشفتها
عن سيف ..يومي ما يخلى اذا ما اسمع صوته صرت مدمنه عليه ..اليوم ما اخابرة بيه احس روحي مضيعة شي واخابره..العطلة مرت بلمح
البصر ما حسيت عليها الفهمته من سيف بخصوص
رشا هو مطلكها..سيد وناهي السالفة...
بدء الدوام وتحظيراته طبعا اني قبل أسبوع نزلت
لسوك وكلعادة اشتريت ملابس لسنه الجديدة هلمرة اعرف ششتري مو مثل اول سنه..
سيف بدئ يدخل بلبسي مكياجي .. حجي .
ممنوع وي الولد وماكو كروبات بحيث اني لو
منتظر هيج مدخل ما ابقى لان حيل يظغط
عليه بس اني مستحملته لان احبه ..
رغم كل هذا احب غيرته ومن اشوفه يغار ..
موضوع الزواج احنا حاليا اثنينه رافضين ..
اني بعدني خايفة من مهند وهو يكول خلينه
نشوف رشا ..بلكي تزوج..
رحت لقسم وبداية دوام لازم ادفع فلوس ..
وهوسة ..همين نفس الغرفه اني ورغد وهدى .
وسلار هنه بعدهن ما مداومت رجعت لان شفت
دوام ما مستقر ...مرت عمي جابت ولد ..
ورحنا باركنالهم...عمي خطية فرحان كلش
وما مصدك ..يستاهل هو احسن واحد بيهم
من بيت جدي ...
رجعت لقسم لان دوام استقر ...خابرتني امي..
سمية:وبصوت مخنوك..ديمه بيبتج اتوفت..
ديمة:ما اعرف من سمعت الخبر ما احس بشي
الواحد من يسمع هيج خبر مفروض يحزن..
بس اني حتى هذا الشي ما سويته ايجوز هذا
الحقد ببسبهم خلوني هيج بدون مشاعر..
ماما وانتي ريحتليهم...
سمية:هو اني هسة يمهم بس اتعاركن عماتج وياي
وحتى محد سلمت عليه يحسسني اني موتتها
وايكولن بسبي ما شافت ابنها..
ديمة:انتي شدخلج اصلا لو مو هنه هسة أبويه موجود يمنه وما محتاجين لواحد بس هم السبب
بكلشي عشناها مو هي رادت تبعده عنج هسة
ضلت حسرة ما شافته..
سمية:ماما عيب هذا الحجي مهما يكون تبقى
بيبتج..هسة اني راح ارجع بطريق لبغداد ..
ديمة:يمه تجين لنجف ومنا همين نزور خالي
سمية:اي والله صالي هواي ما رايحتله..
ديمة:خوش لعد ..اني ما راح ارجع وي الخط
انتظرج..
