السلام عليكم
شلونكم حبايب
طبعا احب اشكر هالحلوة LameesMukatren3
ع الغلاف الجميل الي اهدته للقصة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
احبكم واحب تعليقاتكم الحلوة وقراءة ممتعة
*********
عماد: السلام عليكم
احس جسمي كله ضل يرجف وعظامي بادن
ما اكدر اوصف شعوري خوف ورعب ع كره ع حقد كلهن يتجمعن من اشوفه
باوعلي وابتسم ابتسامة خبيثة وهوه يباوعلي من فوگ ليجوه: شلونج سرى
عفت الباب وركضت واني اتلفت اخاف منه يلحگني
دخلت للمطبخ وايدي ع گلبي
غسق: ها منو
ضليت بس واگفة ايدي ع گلبي واتنفس بسرعة واباوع من شباك المطبخ اتأكد هوه بعده بره ما دخل
غسق: وجع شبيج مو دا احجي وياج
رسل: شبيج يول ما تحجين منو بالباب
سرى
حجيت والكلمة گوه طلعت مني: عماد... ااااا.. هذا عماد.. عماد اجه هوه بالباب
جنت احجي مخبوصة وأشر بيدي ع الباب بخوف وربكة وخواتي صافنات عليه مستغربات من حالي
غسق: الحمدلله والشكر ولله مخبلة انتي اروح اگل البابا يدخل الرجال حمسته الشمس بهالظهرية
طلعت غسق صاحت البابا وطلع اكرم دخله واني اباوع من شباك المطبخ
حارث: يا هلا ياهلا بعماد شلونك بوية عاش من شافك
صافح ابوي وهوه يضحك
عماد: هلا بيك عمي ولله الدنيا تلاهي
دخلو للهول وضلو كاعدين يسولفون ويضحكون واني اباوعلهم من المطبخ
خواتي طلعن سلمن ودخلن للغرفة ينامن بس اني بقيت محبوسة بالمطبخ اخاف اطلع
اباوعله وهوه يسولف عمره صاير بالثلاثينات صاير ضخم وشواربة ثخان شعره مخففة كلش صاير شكله يخوف اكثر من قبل
كلشي بي متغير الا نظرته نفسها
بعدني من اشوف عيونه گلبي يرجف خوف
مادري ليش الناس مخدوعة بي شلون يگدر يمثل ع الناس ان هوه انسان زين وهوه اكبر حقير شفته بحياتي
أنت تقرأ
أعـــد لــــي حيــــاتي
Romanceهي طفلة تخلت عنها الطفولة وهو فارسٌ جاء لينقذها من أحضان الموت وحوش بشرية تحاوطها من جميع الجهات فتاة كان الخوف رفيق دربها الدائم قد تركها النسيان في منتصف الطريق كل هذا واكثر ستتابعونه في قصة "سرى" من (أعد لي حياتي) مروة المحمداوي
