الزواج هوَ عبارة عن حب
الحب هوَ عبارة عن ثقة
الثقة عبارة عن رابط بين الطرفين
كل زواج لازم ينبني على هل أساس
بس الشك اذا دخل بينهن
راح يدمر كل هذا ..
زواجك .. وحبك .. وثقتك
أني شهاب راح ابدي وياكم قصتي
إلي كانت إلي درس بس للأسف ماتعلمت منه
اني من مواليد 85 عمري 34 سنة
ارمل وعندي طفل عمرة 8 أشهر
تزوجت مرة ثانية بعد ألحاح من أهلي علمود زوجة ثانية تربي الطفل
والزواج الثاني هم على طريق الفشل
اترككم مع لارة هيَ الي تكمل سياق القصة
" أبدي أكتب ؟
" أي أكتبي من البداية .
" بس ما أذكر .
" حاولي تذكرين كلشي وابدي اكتبي بهدوء .
" اممممم بدت قصتي أول مرة من كعدت على وجع سنوني ، اصلا ما نمت
أنتظرت الصبح وقررت اشلعة لهل سن
واخلص من الوجع ، مرات نتوقع أنو هل ألم أقوة شي بالنسبة ألنة ، بس ما طال الوقت وثبتلي زماني أنو ألم القلب أشد من أي ألم
بدة النهار وجهزت نفسي
طلعت للمجمع وأني طول الطريق أشجع بنفسي لأن اريد أشلعة وخايفة من الدكتورة
وصلت وبعد ما كصيت الباص
كعدت أنتظر دوري واني ادعي انو يتأخرون حتة ما الحك ادخل على الدكتورة
مر الوقت أبطئ من الي مضى
من عمري . الأزدحام يخنك وصوتهم العالي يخلي العقل ينفجر ، ولأسوء
من هذا كله أنو الحر يكتل
ألتفتت يمنةشفت مرة كاعدة
بصفي وبيدهة طفل دتهز بي
بدة الفضول يزحف لعقلي بهدوء
وبدون أي قيود سألتهة " جاية تشلعين لو تحشين
جاوبتني وهيَ مبتسمة " لا ما أجيت على ابو الأسنان ، أجيت علمود اللقاح .
وباوعت على الطفل
إلتفتت للأزدحام لان صار صياح ورجعت باوعت ألهة " بس قسم الأطفال مو هنا .
جاوبتني بهدوء " صح بس المجمع كله أزدحام ، مالكيت مكان فارغ أكعد بي بس هنا .
سكتنة لحظات ونغزتني لان من كثر الهوسة لو تصيح ما أسمعهة
" أكولج حبيبة أكو سوك قريب هنا
لأن اني مو من هل منطقة فما أعرف شي عنهة .
جاوبتهة بهدوء " اي أكو على الشارع .
عدلت كعدتهة وملابس الطفل ورجعت باوعتلي " اهاا كلش زين قريب ، بس حبيبة كلشي ما أندل منه واني محتاجة كومة أغراض ، ما تمشين وياي .
