#حطام_من_الماضي
البارت الخامس
للكاتبة: زهراء الشويلي
لا تدع خيوط الشك تتشابك في
حياتك ، فتقطع لك روابط الحب
* من البارت السابق *
هي كمزت وبقت صافنة بوجهي
رجعت تكمل أتصالهة ولا أهتمت
" يلا عيني أرجع للحب ، لأن كعد شهاب
صوت الأتصال ناصي ماعرفت شنو جاوب عليهة ، بس هي ردت عليه
" لا بس مادري شنو الي وكع برة
صار صوت عالي وكعد .
سكتت ثواني
وضحكت بهدوء رجعت حاجتة
" اي يلا باي أرجعلهة لا تزعل .
غلقت الخط وألتفت عليّ
بكل فضول سألت " راح تنام هنا .
طبكت الباب ودخلت بعصبية جاوبتهة
" اي .
شو هاي شمرت الفون وكامت وكفت على طولهة
صاحت بصوت ناصي " أوكف .
أشرتلي أشوف شنو جوة الجرباية
دنكت أباوع وهي تباوع من الجهة الثانية رفعت راسي وكتلهة " ماكو شي .
طفرت من الجرباية وكفت يم الباب
" عفية أسحب هذاك الميز وأدفع الجرباية ع الحايط .
رحت سحبتة ودفعتلهة الجرباية
شو هاي طفرت عليهة ولزكت بالحايط
تمتمت بصوت ناصي " صارلي ساعة مانايمة من وراهة .
خلت نقالهة على الشحن ونامت
اني طفيت الأضوية ونمت ع
الجهة الثانية
نومي كلش خفيف ليتحرك بصفي أفز
غفيت وحسيتهة بصفي دتغطي بية
وزحفت ع الفراش نزلت من الجرباية من يم رجلية
فتحت الكنتور وجابت غطوة ثانية
ورجعت نامت بمكانهة
................
* لارة *
كعدت الصبح شهاب نايم بصفي
زحفت ع الفراش ونزلت من طرف الجرباية
طلعت برة الغرفة رغم البيت مغلق
بس اكو ضوة شمس داخل للبيت
فتحت باب الهول حتة يدخل الضوة للبيت . أخذتلي فرة ع الصالة للحوش فتحت باب البيت طلعت للكراج
دخلت للحديقة هم أفتريت بيهة ورديت
رجعت دخلت للبيت
شهاب نزل ركض من الدرج بس شفتة عطت " مو جنت نايم شصعدك ، يمة راح قلبي ، انت صدك شهاب لو جني من صبح الله .
هوَ ضحك بعالي صوتة
واني طفرت للغرفة ،، لايمة هذا مو شهاب ، شهاب دوم معصب ومايضحك
