#حطام_من_الماضي
البارت الثاني
للكاتبة زهراء الشويلي
يقال ان الصدفة خير من الف ميعاد
فكيف اذا كنت أنت صدفتي
**من البارت السابق **
أبوي بقة صافن بوجهي
أنتبهت لنفسي شنو حجيت 😯
حاولت أبرر موقفي " داحسك تريد تتركة هنا ، فبدون ما تبادر أني أكولك موافقة أتركة يمي اليوم وعود باجر تعال أخذة .
هوَ ضحك بخفة يمكن أفتهم تبريري
وابوي ضحك بعالي صوتة قبل لا يحجي " بوية مايصير أصبري ورة الخطبة وخل يجيبة كل مايجي .
أبتسمت لأبوي معناهة موافقة
أخذت الطفل وعفتهم وطلعت
أتفق وي أبوي على كلشي
الأسبوع اليجي حفلة الخطوبة
طبعاً كل هذا ومحد يعرف أسم الثاني
فأني ليش أحرج نفسي لجئت لبدر
" الف الحمد لله ياربي أسم زوجي طلع حلو ، مو مثل أسم بدير حتة الي تاخذة باجر تكعد تقلد عليه وتضحك .
شمر المخدة وعصب " هوَ شهيب شنو أسمة قابل ماكو أحد بهل أسم ثنينة معلكين بالسمة .
طلع وطبك الباب ، كعدت أفكر شنو شهيب مستحيل وين أكو أحد بهل أسم
ألتفتت على أبوي وسألتة " بوية صدك الرجال أسمة شهيب .
ابوي ضحك " لا بوية أسمة شهاب شنو ماتعرفين أسمه ؟
كعدت أبرر إله كله من ورة بدير " لا يابة أعرفة بس بدر خربطني بلأسم كلت خاف صدك أسمة شهيب .
مرت الأيام وصار يوم الخطوبة
جهزت نفسي وشتريت فستان
ذهبي مفتوح الضهر مخصر على
طول جسمي صبغت أطراف شعري بلون ذهبي حتة يتناسق وي البني لونه الأصلي ، شوي مكياج خفيف صرت تمام يلا نزلت
البيت هوسة معرفت أحد منهم
اقاربي كلهم جايين ، أكثر الوجوه ما أرتاحيتلهة بس ما أهتميت لأحد
أجت أمي لبستني العباية
ودخل السيد عقد ألنة وطلع
أنتبهت ل شهاب كاعد على أعصابه
أجت أختة أنطتة الحلقات
لبسني حلقتي ، وحلقتة هوَ لبسهة
شفت بعيونة غصة أبد ما رفع راسة
كلش تندمت على موافقتي
كص الكيكة أيدة ترجف ؟
من راد يوكلني لزمت أيدة
وكدر ياكل من أيدي بس الي أنتبهت عليه أنو ما شرب من العصير
بس طخ شفتة ورجع الكوب
رفع راسة لأختة ، حسيتة يسألهة لان بس هزت راسهة هوَ كام
طلع ركض حسبالك واحد شارد
أول يوم ،،، أسوء من المتوقع !
...........................
* شهاب *
