When Our Paths Cross Again

10. The Letter of Truth

LOU's POV

"Bilisan mo Shawntel." tawag ko kay Shawntel mula sa kwarto ko

Kaalis lang nila tita Grace at tito Mark papuntang airport, at kanina pa nagtatago si Shawntel sa kwarto ko. Kaya naman pagkaalis na pagkaalis nila tita Grace ay agad akong umakyat para tawagin na si Shawntel at simulan na namin ang paghahanap.

Paglabas niya ng kwarto ko ay sumilip siya sa may first floor at nakita nga niyang wala na sila tita Grace.

"Wala 'nang tao, ano ka ba?!" sabi ko kay Shawntel, "Ano game ka na?"

"Ready na ko pero parang kinakabahan ako e." sabi ni Shawntel sa'kin at napahawak sa kamay ko, "Sigurado ka na ba na walang makakahuli sa'tin sa gagawin natin?"

Tumango ako, "Papunta na nga ng airport sila tita Grace diba?" sabi ko kay Shawntel, "Kaya walang makakahuli sa'tin. 'Wag ka mag-alala."

"E tara na. Maghanap na tayo para mabilis." at agad na niya akong hinatak papasok sa kwarto nila tita Grace at tito Mark, "Saan tayo magsisimula? E ang daming drawer nitong kwarto ng tita Grace at tito Mark mo. Mamaya niyan kung ano pa makita natin." 

"Basta kailangan nating mahanap 'yung papel na inabot ni Andre kay tita Grace." sabi ko kay Shawntel at nagsimula na kaming maghanap-hanap sa mga drawer 

Si Shawntel ang naghanap sa mga bag at mga damit ni tita Grace, samantalang ako naman ang naghanap sa may desk nila at sa tukador. 

Halos magka-kalahating oras na pero ni-anino ng sulat na 'yun ay hindi man lang namin makita. 

Paglabas ni Shawntel sa closet ay pawis na pawis ito at napaupo na lang siya sa kama sa sobrang pagod sa paghahanap.

"Wala dun Lou e." sabi niya at pinunasan 'yung mukha niya, "Mukhang tagong-tago ng tita Grace mo 'yun ah." 

Umiling ako, "Shawntel alam kong pagod ka na, pero kailangan talaga natin mahanap 'yun e." sabi ko sa kanya, "'Yun ang kasagutan sa lahat ng tanong ko." 

Napakunot ng noo si Shawntel, "Okay lang, pero gaano ka ba kasigurado na mahalaga nga talaga 'yung papel na 'yun?"

"Hindi ko din alam, basta may nagtutulak lang sa'kin para mabasa at makita 'yung papel na 'yun." sagot ko kay Shawntel, "Pero alam mo, kung tinatago niya 'yung papel na 'yun, sa malamang hindi rin alam ni tito Mark 'yun." 

"Ay tama ka diyan." at napatayo si Shawntel, "Saan ba dito tinatago ng tita Grace mo 'yung mga gamit niya na kanya lang?" 

Hindi rin ako nakasagot agad. 

Pero habang inikot ko ang buong tingin ko sa buong kwarto nila ay napako ang tingin ko flower vase na naka-display sa may side-table ng kama nila.

Lumapit ako dun, "Alam mo ba na mga bata palang kaming magpi-pinsan, nakikita na namin na sa ilalim ng mga flower vase tinatago ni tita Grace ang mga mamahalin niyang alahas." sabi ko kay Shawntel at kinuha 'yung flower vase, "Lagi niya rin dun tinatago ang mga bagay na sa kanya lang. Tulad ng alahas niya, susi ng vault at kung ano-ano pa."

Inalis ko 'yung fake na bulaklak na nakalagay sa vase at pagtanggal ko ay agad kong nakita ang isang papel na naka-fold. 

"I told you." at kinuha ko 'yung papel at pinakita kay Shawntel

Lumapit sa'kin si Shawntel at nagkatinginan kaming dalawa 'nang finally mahanap na namin ang matagal na naming hinahanap. 

Naupo kaming dalawa sa kama ni tita Grace at tito Mark at binuksan ko ang papel.