الحلقه التاسعه...
روايه نيجار الحب ...
.#سماح_محمود
.#samah_mahmoud so Mà
----------
دخلت منال بي الاكل لفاطمه وجمبه العلاج ...
منال -ايه يابطوط انتي صاحيه؟
فاطمه-اه منمتش يااماما والله لسه.
منال-طب ياحبيبتي خدي كلي حاجه وخدي العلاج ونامي وانا هقوم امشي بقي.
فاطمه-هتمشي ليه ما هو لسه بدري.
منال-همشي قبل ما جوزك الزفت ده يجي حتي لو مقولتلوش انك تعبانه ايه محسش عليكي ولا البعيد مبيحسش.
فاطمه بتعب -هو بس مضغوط ياماما في الشغل اليومين دول معلش متجبلوش سيره حاجه انا هاخد العلاج بعد الاكل وهصحي كويسه اوي ياحبيبتي متقلقيش.
منال باست دماغها-ماشي انا همشي بقي وخلي بالك من نفسك ياحبيبتي وهتصل بيكي اطمن عليكي.
فاطمه ابتسمت -ماشي ياحبيبتي
-----
هادي كان بيلف بي العربيه مش عارف يروح فين ولا يجي منين ثم انه منمش بقاله يومين قاعد موجوع علي فاطمه عايز يروح يموت هشام حتي لو هيتحبس فيه عايز يموته ويخلص منوا ...ضميره هيموته ان فاطمه بتتكلم عليه كده وهو مفهمها عكس كل حاجه بيفرح التانيه وفاطمه عيانه مرميه في البيت لا وبتفكر هتخدمهم ازاي.
هادي لاقي نفسه قصاد المزرعه من تاني..نزل هادي ودخل المرزعه بضيق كانت تقي قاعده بره لسه مدخلتش.
تقي بستغراب-رجعت بسرعه نسيت حاجه ولا ايه؟
هادي -مخنوق لاقيت نفسي هنا مخنوق اووي اوي.
تقي -امم تحب تحكيلي متخافش مليش حد احكي ليه لا صاحب ولا قريب يعني احكي واعتبر سرك في بير .
هادي بصلها كتير عايز يحكي يفضفض. ..من يومين كانت بتاعت شاي وقهوه وبلطجي اتعرض ليها وحكايتها كلهاا ..ايه اللي يخليني احكيلها بس انا عايز احكي..
هادي بتنهيده -هحكيلك اقعدي.
تقي-احكي!
هادي-واحد صاحبي ومراته ...الاتنين دول اقرب حد ليا في الدنيااا تمام .
تقي -تمام وبعدين؟
هادي-مراته دي حاجه كده من الخيال ملاك ماشي علي الارض
تقريبا كل حاجه تقوله حاضر وطيب مع ان في زمنا ده بقيت كل واحده ليها شخصيتها ...ثم دي متخرجه من كليه اعلام سابت شهادتها عشانه من كتر حبها فيه...مديالو جميع الثقه...راحته اهم من راحتهاا..
تقي -طب بدل بتحبه الحب ده كله اكيد هو بيعشقها يعني.
هادي -هههههههه بيعشقها موت من كتر العشق بتاعه اتجوز عليها واخد مراته البيت عندها ومفهمها ان مرات صاحبه اللي مات وسابها حامل ملهاش حد ومخلي فاطمه تخدمهااا.
تقي بصدمه-ايه !!! ده حيوان معندوش دم معلش يعني اسفه اني بقولك كده بس صاحبك ده زباله قسما بالله لو اعرفها هروح اقولها ولا تعيش في خداع زي ده...بس استني حضرتك بدل انت عارف كل ده وهيا صحبتك برضه ليه مش تحكيلها ده حتي حرام عليك..
هادي-ما ده اللي موتني هقولها ازاي كل ما اكلمها تفضل تقول فيه شعر النهارده عيانه اوي بتموت في البيت وهو مفهمها انه مضغوط في الشغل وانا شوفته مع مراته التانيه من شويه حاضنين بعض وبيتمشوا مفكرش في العيانه واخد التانيه وفاطمه بتفكر تعمل اكل ايه ليهم عشان البنت الحمل اللي جوزها مايت فاطمه مخدوعه اوي...وانا بموت عشانها...
تقي -روح قولهاا اجري مستني ايه !! قولهاا الحقيقه انا لو مكانك مش هتردد لحظه تتصدم في الاول احسن ما تعيش في خداع منوا لله اشكال قذره ...
هادي بتنهيده طويله-شكرا انك سمعتني .
تقي-متشكرنيش اناا مبسوطه اننا هنكون اصحاب واللهي بس ياريت تروح تعرف فاطمه دي..
هادي مسك دماغه-طيب.
تقي-مالك؟
هادي-"مفيش حاجه مرهق بس اني منمتش من يومين..
تقي-طب تشاورلي علي المطبخ اعملك قهوه وتشربها وبعدين تمشي ..
هادي ابتسم-ماشي.
------
حسني كان قاعد يلف في القسم يشوف الظابط عملوه ايه ..
امين محمد-ما هيا قعدتك دي مش هتقدم ولا هتاخر هادي بيه بقالو يومين منمش فاكيد مش هيجي..
حسني -بس هو راح يشوفها فين اتصل بيه اساله وهمشي بدل ما الف عليها كتير ..
امين محمد-هتصل بدل عشان البنت اللس كانت في الدكنه يبقي هتصل...اتصل امين محمد.
هادي بيه حسني شلبي اللي بنته اختفت تقي بتاعت الدكنه اكيد حضرتك عارفها بتاعت القهوه.
هادي ماسك دماغه-اه ادهولي ..
امين محمد حاضر ..خد كلم هادي بيه.
حسني شلبي-ايوه يابيه لاقيتها.
هادي-بنتك سافرت تشتغل يااحسني شكلها راحت تشتغل ..
حسني بستغراب-ازاي بطاقتها فوق في البيت وهيا متعرفش حد تشتغل فين ..
هادي لنفسه -الكدب ملوش رجلين ..الله يخربيتك ياهشام ازاي بتقدر تكدب ويوميا انا مش عارف اكدب دقيقه..
هادي بجديه-بنتك باين مهندسه في شركات بتاخدهم هيا شكلها مقدمه معاهم من بدري لان سايبلك فلوس هجبهالك دي معلومات جاتلي من ناس حبايبي.
حسني -طب سافرت انهي بلد وهطمن عليها ازاي .
هادي-هطمنك عليها مني اللي سافرت عنده في الشركه صاحب ليااا والفلوس اللي هتسبهالك هديهالك اثق فياا.
حسني بتنهيده -ماشي يابيه ربنا يكرمك يارب.
هادي-يارب سلام
----
عند مروان قاعد علي السرير يتفكر مقابله فاطمه ليه لدرجه دي خايفه تدخله عندها داناا بتمني اشوفها وبس انا بالنسبالها عبره حب هشام عاميهاا..هشام سند دماغه علي السرير وسرح في ايام ...
فلاش باك ...
مروان كان رايح النادي يشوف فاطمه وهو فرحان خلاص هيعترف بحبه لفاطمه ...لمحها قاعده بتشرب فراوله..
مروان-بخ
فاطمه شهقت-هههه خضتني كان العصير هيقع يا ابن الايه اقعد.
مروان بضحك-شكلك حلو وانتي مخضوضه كده يا بطوط.
فاطمه بفرحه-لا النهارده شكلي حلو عشان مبسوطه اوي يامروان فرحانه جدااا جداااا جداااا.
مروان ابتسم -ربنا يفرحك ديما وانا برضه فرحان وعايز احكيلك علي حاجه بس ابتدي انتي الاول..
فاطمه بفرحه-هشااام هيجي يخطبني.
مروان بصدمه- يخطبك هشام مين!!
فاطمه بفرحه -هحكيلك انا كنت بحب واحد اسمه بقالي 4سنين اسمه هشام بيشتغل ظابط اتعرفت عليه من علي طريق الاء صحبتي كانت بتحب ظابط صاحبه وقربنا من بعض ولاقينا نفسننا بنحب بعض اوي اوي انا مبسوطه يامروان اوي..
مروان بوجع في قلبه ظهر ابتسامه حزينه عكس اللي في قلبه وكسرت قلبه-مبروك يافاطمه ربنا يفرحك.
فاطمه بضحكه-الله يبارك فيك احكيلي انت بقي مبسوط ليه وهتحكيلي علي ايه.
مروان بحزن -لا مفيش كنت مبسوط عشانك اصلي حلمت حلم ليكي حلو اوي واهو اتحقق...وحلمت حلم لياا برضه.
فاطمه-حلم ايه بتاعك يامرمر خير لاقيت عروسه يا واد.
مروان بحزن- لا انا حلمي بقي غيرك حلمي حزين ههه حلمت اني عروستي يوم الفرح اتجوزت غيري شوفتي احلامي سودده.
فاطمه-ههههه ياساتر يارب معلش معلش بكره تحب وتقع علي بوزك زيي وحلمك يبقي حقيقي .
مروان بصلها بوجع-تفتكري يلا ما علينا انا همشي.
فاطمه- اكيد هتيجي خطوبتي!!
مروان-كان منايا اجي بس لي الاسف اليوم ده مسافر عندي مؤتمر.
فاطمه بستغراب-هو انا لسه قولتلك هيا يوم اي.
مروان -ههه ما الشهر كله مؤاتمرات هشوف واقولك سلام.
مشي مروان بسرعه وقبل ما دموعه تنزل قصادهاا لان خلاص هينفجر ومش قادر يحوشها..
بااااااك.
مروان بضحكه وجع-لسه بحبك علي ايه مش عارف وانا مش في ذاكرتك اصلا...
--------
عند بلال صحي من النوم بصداع فظيع هيضرب نفوخه.
بلال-الله يخربيت الشرب هو شهد كانت هنا ولا انا كنت بحلم اكيد كنت بحلم هيا مش عويدها تلبس فستان لاء..اما اتصل بيهااا
مسك بلال تلفونه واتصل بشهد ..
شهد كانت في مكتبها بتشتغل ولما شافت بلال بيتصل ردت بلهفه.
شهد -الو
بلال الصداع هيموته-صباح الخير.
شهد-صباح الناس اللي مورهاش شغله ولا مشغله..
بلال -مش ناقصاك هيا والله .
شهد -طب ومتصل ليه لما هيا مش ناقصاني.
بلال-مفيش متصل اسالك انتي كنتي عندي في البيت ولا كنت بحلم .
شهد اتفكرت اللي قالو كله بضيق ..
شهد-اكيد كنت بتحلم انا ايه هيجبني عندك .
بلال-انا قولت كده برضه اصلا اللي شوفتها في الحلم مش زيك خالص.
شهد-شوفت ايه؟
بلال-هههه شوفتك بي فستان انا مش فاكر الحوار بي الظبط ايه بس كنتي حلوه عكس الطوبه اللي بكلمها دلوقتي كنتي حلوه بس من غير روح.
شهد ابتسمت لحلوه بس اضيقت من كلمه من غير روح..
شهد بجديه-ليه من غير روح؟
بلال-مش عارف احنا اتقرت فاتحتنا ياشهد بس مش بحسك كده مش عارف ليه.
شهد -وليه متقربش مني تتعرف عليا؟
بلال اتصدم من جملتهاا ..
تقربي مني ؟؟
شهد بتوتر -اقصد يعني عشان نعرف بعض اكتر مش معقول يعني جوازنا هيكون علي ورق ومهعرفش بعض
بلال -اه اه فهمت انا استغربت برضه تقريبا انا وانتي بنكره بعض يعني بنكلم بعض بي العافيه ثم انك اخر اهتمامتي.
شهد بضيق-وانت كمان اخر اهتمامتي اقفل يلا.
بلال-بحبك.
شهد بصدمه-اي..ايه
بلال -هههه بهزر مالك وبعدين لو بحبك هتصدمي ليه دانتي تحمدي ربنا يالوزه يلا سلام ياجميل.
شهد بتوتر وجديه-استني
بلال -هاااه
شهد-متهزرش في الكلام ده تاني ماشي .
بلال-اشمعنا هو الرائد بيتكسف ولا حاجه؟
شهد بتوتر -اسكت بدل ما اعلقك فاهم .
بلال -ههه لا متعلقنيش بس اوعي تقعي في غرامي بس ..
شهد -تطول اقع في غرامك انت مش عارف انا مين ولا ايه.
بلال بثقه-بصي ي بيبي هو في اطول فأطول واطول كمان بس اناا مش عايزك تقعي في غرامي ليه لاني مش هحبك اصلا انا شايفك واحد صاحبي لا فيكي انثي ولا زفت بصي هعزمك علي الغدا بكره وهفهمك اكتر سلام.
قفل بلال.
شهد لنفسها بغيظ-والله اوريك الانثي يازفت انت .
----
فتح هشام الباب وسلمي كانت ماسكه ايده وبتضحك.
هشام-ششش سيبي ايدي بقي لا تكون فاطمه صاحيه مش انبسطي خلاص ياحبيبي .
سلمي بغمزه -بس مشبعتش منك يابيبي.
هشام بهمس-ههه تعالي ادخلي هشوف فاطمه فين وحسب ما تكون بقي هفضل معاكي.
سلمي -اشطه هسبقك انا علي جوه شوفها لو صاحيه عرفني ولو نايمه تعالي ...
دخل هشام فتح الباب ببطء شاف فاطمه نايمه ابتسم ودخل لسلمي..
هشام بغمزه -نايمه تعالي بقي دانتي واحشني..
سلمي -ههه انت مش الدكتوره قالتلك احنا في الشهور الاولي مينفعش .
هشام بمكر-اظن يعني الدكتوره دي روحنالها من شهرين فاته مش النهارده احنا هنكدب الكدبه ونصدقها بقي احنا النهارده روحنا لي اي دكتور ي بت..
سلمي -ههه طيب بس برضه انا عايزه البيبي ينزل بخير بلاش دلوقتي .
هشام -امم عشان خاطر ابني بس ..بس ده ميمنعش اني اظبطك برضه.
سلمي بمكر-ازاي بقي .
هشام بهمس -هقولك ازاي ياحبيبي.
-
صحيت فاطمه من النوم بكسلان من التعب...شافت الحراره بتاعتهاا...
فاطمه ابتسمت-الحمدلله نزلت اومال انا حاسه اني كسلانه ليه .. بصت في الساعه-ايه ده الساعه7معقول هشام هيرجع مش هيلاقي اكل هقوم اعمله وسلمي معقول رجعت ومصحتنيش ..اما اروح اشوفها جت او لاء.
قامت فاطمه فتحت الباب وراحت ناحيه اوضه سلمي..
فاتحت فاطمه الباب.
فاطمه بصدمه-سل....
كانت سلمي قالعه بلوزتها وهشام جمبها من غير التيشرت اخدها فحضنه.
فاطمه كانت الصدمه موقفه دموعها لا بتنطق ولا بتتحرك.
سلمي بعصبيه-انتي ازاي تفتحي الباب عليناا كده.
هشام بتوتر-سلمي بس...فاطمه استني.
سلمي-هشااااام..
فاطمه كان نفسها بتاخده بسرعه دموعها مبتنزلش جريت علي بره فتحت الباب كان هادي فوشهاا.
هادي بستغراب-فاطمه راحه فين؟
فاطمه بصه لهادي ومبتنطقش جسمها بيترعش وعنيهاا الصدمه موقفهاا.
هادي بخوف-فاطمه ردي عليااا مالك؟؟؟
خرج هشام وهو بيلبس التيشرت وسلمي خرجت ورا..هادي فهم ان فاطمه عرفت..
هادي بصلهم بستحقار..
سلمي كانت خارجه متعصبه اوي وراحه ناحيه فاطمه اللي واقفه جمب هادي بتترعش‘
سلمي بعصبيه-ازاي تفتحي الباب فاكره نفسك مين.
هادي بصلها بغضب-متعليش صوتك عليها انتي فاهمه انتي مين انتي ...تطلعي مين.
سلمي بصوت عالي-لا متبصليش كده ماشي انا ليا زيها واكتر انا مرات هشام مش عشان فهمها حكايه كدب يبقي هسكت لا اسمع اللي بقولك عليه ياشاطر انا كنت نايمه جمب جوزي وابوه ابني مش ذنبي انك مبتخلفيش انا ليا اكتر منك انا كنت هناا عشان تخدميناا فاهمه ولا لاء هشام جبني هنا عشان تخدميني.
فاطمه مسكت ايد هادي الدنياا لفت بيها وجسمها بدأ يتلج.
هادي بزعيق-اخرسي خالص متتكلميش معاها كده انت مبتنطقش ليه انت مش بس جبان واناني وواطي انت حقير .
هشام بعصبيه -متزعقلهاش .
هادي بغضب- مزعقش لمين انت بتقول ايه انت متخلف ..فاطمه اهدي مالك روح غور هات كوبايه ميه ..
هشام بجديه غضب -انت صوتك ميعلاش علي سلمي ماشي مش عشان انت صاحبي ثم انت من امته بتجي بيتي من غير ما اعرف يبقي فيه حاجه بينك وبين فاطمه ..
هناا هادي هاج وساب فاطمه ودخل طار نزل ضرب في هشام ..هادي كان ايده مبتبطلش ضرب في هشام ..هشام مكنش بيدفع عن نفسه لانه نطق كلمه مينفعش تتقال...
سلمي بصوت عالي-سيبه متمدش ايدك عليه هبلغ عنك سيبه ياحيوان..
هادي بزعيق-اتكتمي انتي يا لممه بقي اناا ياا روح بتتهمني في مراتك اللي انت متستهلش حبها ولا ضفرها دانت عارف قصتي مع الاءءء طب انا اتحرق الملاك دي اللي ضحت بي كل حاجه عشان تفرحك ومشغلها خدامه لمراتك تتهمها في شرفها ..
هشام بغضب من الضرب-ابعد بقي..
هادي سمع صوت حاجه اتخبطت في الارض.
هادي بصدمه-فااااااطمه
------
توقعاتكم
