الحلقه العاشره ..
روايه نيجار الحب..
.#سماح_محمود
.#samah_mahmoud so Mâ
-----------
هشام بغضب من الضرب -ابعد بقي..
هادي سمع صوت حاجه اتخبطت في الارض
هادي بصدمه-فاااااااطمه...
هادي جري عليهاا بخوف يفوق فيهاا ..فاطمه فوقي ردي عليا عشان خاطري فوقي..
سلمي كانت ماسكه ايد هشام-حبيبي انت كويس..
هشام بيمسح وشه-اه كويس ..شايفه هيموت عليها ازاي.
سلمي -باين في حاجه بينهم قولتلك قبل كده دي مش ملاك.
هشام بغضب-هطلقهاا وارميها انا اتضربت من تحت راسهاا المهم انك معايا.
كان في نفس الوقت هادي شايل فاطمه ونزل يجري بيها علي العربيه ....هادي بزعيق لي البواب-قوم افتح العربيه فز ساعدني..
البواب -حاضر يابيه حاضر هياا فاطمه هانم مالهاا.
هادي بعصبيه-ابعد بلاش لوك لوك كتير ابعد ركبهاا هادي وركب ودور العربيه وطار بيهااا ..
هادي فاطمه فوقي ..فوقي متموتيش زي الاء متبقيش انتي وصحبتك اناا عايز حاجه من ريحتهاا اناا بشوف فيكي اختي اللي بتعوضني عنها ارجوك متموتيش عشان حيوان زي ده. ..
هادي وهو مسرع بي العربيه حط ايده علي نفسهاا ..مفيش وقف العربيه وجاب ازازه الميه فضل يكب علي وشها فاطمه فوقي ..فوقي..ابوس ايدك فوقي...
دور العربيه هادي وجري بيها علي المستشفي لان مفيش اي استجابه..
بعد فتره نزل هادي وهو شايلهااا دخل يجري بيها علي جوه دكتور بسرعه بسرررعه.
----
في بيت حسني شلبي.
ناديه -مش قولتلك بنتك دي مش سهله شوفت كانت عارفه انها هتهرب منها بس عملت الورق ده امته مكنتش بتخرج اكيد البت دي كانت تعرف حد وساعدها.
حسني-المهم اني اطمنت عليها وبس والظابط قال صاحبه اللي مشغلها.
ناديه-والفلوس اللي قالك سبتهالك هيا فين ما هيا مش هتشتغل بلوشي واحنا هنفضل كده نسيبها بي كيفهاا.
حسني -هبقي اروح اجيبهم من الظابط بس مهوش هناك انا هدخل انام بقي لاني تعبت...
ناديه-ماشي ادخل ومتنساش حكايه الفلوس .
حسني -مش هنساها احمدي ربنا بس انها كويسه اهم من الفلوس دلوقتي.
ناديه -طيب ياخويا روح نام خليك كده طيب طول عمرك..
----
عند هادي واقف علي اعصابه يستني الدكتور بره هيتجنن مش عارف يعمل ايه ..هشام دمرهااا.
-هادي ازيك ..
هادي بيلف وشه يشوف مين-هادي بصدمه-مروان؟؟؟
مروان ببتسامه-اخبارك ايه ! جاي هنا ليه خير.
هادي -تمام..انت بتشتغل هنا ولا ايه انت مش عندك عياده نفسيه.
مروان-كنت عند صاحبي هنا مالك كده خير؟
هادي بتوتر-اتصل بي ام فاطمه ياا مروان!
مروان بخوف-ليه في ايه؟؟
هادي-فاطمه جوه انا جبتهاا المستشفي والددكتور بقالو ربع ساعه مخرجش.
مروان بخوف -فاطمه حصلها ايه..وهشام فين انت اللي جايبها ليه..
هادي -اتصل بي امها وهفهمك لما تيجي ..
مروان بتوتر وخوف-طيب بس لازم اطمن عليها.
هادي بجديه-اتصل علي اما الدكتور يخرج...
مروان اخد جمب يتصل بي منال والتوتر ظهر عليه ..
وهادي قاعد بيفرك في ايديه كل ما يتفكر اتهام هشام ليه معقول صاحب عمره خاين لي الدرجه دي...كان مخدوع فيه اوي كده...
جه علي باله تقي اتنهد تنهيده طويله و..
طلع هادي تلفونه واتصل بي بيت المزرعه..بس تقي مرضتش...اتصل هادي علي عم عادل..
هادي-عم عادل ادخل خلي تقي اللي جت معايا ترد علي التلفون اللي جوه..
عم عادل-ماشي يابيه.
دخل عم عادل خبط علي بيت المزرعه فتحت تقي ليه-ايوه!
عم عادل- ياهانم بيقولك هادي بيه ردي علي التلفون.
تقي ببتسأمه-حاضر
دخلت تقي ترد عليرالتلفون اللي قاعد يرن..
تقي -الو.
هادي-مبترديش ليه؟
تقي-معلش قولت بلاش ارد علي تلفونات من غير اذنك.
هادي بتنهيده-ماشي ياتقي هبقي اجبلك موبايل عشان تردي عليه انتي كويسه؟
تقي -اه الحمدلله انت كويس.
هادي -اكلتي؟
تقي -اه اكلت بسالك انت كويس
هادي-لا مش كويس خالص ياتقي .
تقي-ليه مالك في ايه حصل حاجه!!!
هادي بضيق-فاطمه شافتهم ياتقي شافتهم مع بعض روحت وهياا في حاله صعبه مش بس كده الحقيره اللي متجوزها هنتها وعيرتها انها مبتخلفش وغير ده وده جوزها الواطي اتهمها في شرفها معايا لما شافني بدافع عنها نسي انهم اصحاب عمري نسي كل حاجه ضربته بس هنا كانت فاطمه غابت عن الوعي ودلوقتي انا وهياا في المستشفي والدكتوور مخرجش انا هموت ياتقي ..
تقي-طب اهدا صلي علي النبي واهدا بإذن الله هتكون كويسه ...كويس انها عرفت حقيقه الحقير ده.
هادي بتنهيده-عليه الصلاه والسلام طب اقفلي لان امها جاي من بعيد تجري اهي ..
تقي بلهفه-هادي!
هادي استغرب لان اول مره تنطق اسمه ومن غير بيه ككمان.
هادي -نعم..
تقي-خلي بالك من نفسك مهما يحصل تأكد ان في رب كبير ومتنساش ان ليك صاحبه زيي هسندك بس في الضيق لان ده اللي هقدر اقدمهولك.
هادي ابتسم ربع ابتسامه-ربنا يخليكي ياتقي انا شكلي محظوظ بي صاحبه زيك سلام دلوقتي..
------
عند سلمي كانت بتحط كامدات ميه بارده علي وش هشام...
سلمي-مين الزباله اللي ضربك ده متقولش ده هادي صاحبك.
هشام-اه هو طلع حقير بيضربني عشانها.
سلمي-اكيد في حاجه بينهم ايه يخليه ينفعل اوي عليها كده .
هشام-اكيد دانا النهارده اتأكدت من ده معاكي حق ثم كمان الهانم مبتخلفش يعني تلعب بي ديلها بي راحتها وهو مستحليها بقي بس كان بيجيلها امته.
سلمي -اكيد ياحبيبي وانت عندي بس انا وانت متجوزين يعني في الحلال ما بالك بقي هيا متجوزه شوف وعامله فيها ملاك انا بقيت بستحقرها اوي.
هشام-معاكي حق ياسلمي ملاك في كل حاجه مبتقولش في اي حاجه لاء حتي لما جبتك هنا برضه ما اكيد عشان هيصه مع غيري لازم تسمع الكلام في كل حاجه.
سلمي-وهتعمل ايه ياحبيبي .
هشام-اكيد هطلقها انا مينفعش اخليها علي ذمتي انا مش عايزاها اصلا.
سلمي -طلقها ياحبيبي وهنعيش انا وانت وابننا سوا هنا ومحدش يضايقنا في حياتنا كويس انها عرفت...
هشام شد سلمي فحضنه وباس دماغها-ربنا يخليكي انتي ليا.
سلمي-ويخليك ليا ياروح قلبي.
-----
في المستشفي...
منال بعصبيه-انت بتقول ايه ياهادي منوا لله ربنا ياخدك ياهشام زي ما ضاعت بنتي وبيتهمها في شرفها كمان يعني كانت اللي بتخدمها مراته ليه يعمل فيها كده ..
مروان بغضب-ابن الكلب والله ما هسيبه بس اطمن علي فاطمه.
هادي بضيق-يتحرق بس خد بالك انا ضربته بس دلوقتي اهم حاجه فاطمه لو ليك حد يامروان تعرفه هنا خليه يطمن عليها.
منال كانت قاعده تعيط -ان بنتها الوحيده وصلت لي الدرجه دي ...
منك لله ياهشام منك لله كانت بتحبه اكتر من روحهاا .
مروان بوجع-خلاص ياعمتو بقي اهدي انا هتصرف .
شويه وخرج دكتور احمد..
مروان-احمد فاطمه عامله اي.
احمد-انت تعرفها يامروان .
مروان بتوتر -اه بنت عمتي عامله اي ياا احمد انطق.
احمد-متعرضه لصدمه عصبيه انا اديتهاا محلول مهدء وخصوصاً شكلها كانت تعبانه الوريد بتاعها كان مددوخنا جوه علي اما لاقينا فيها وريد ضعيفه جدا يا مروان خصوصا الصدمه دي ممكن تدخلها في متهات هنتعب لحد ما تخرج منها تقريبا انا فوقتها ضايق كانت بتترعش وزي ما يكون حد اذيهاا بتصلي بصدمه وجسمها كله بيترعش وعايز يتشنج ايه السبب مين عمل فيها كده لازم تنام المحلول هينايمها بس اكيد انتو عارفين السبب لازم تقولو عشان نمشي علي علاجها فيه.
منال بعياط-بنتي خلاص ضاعت مني ضاعت ...لازم ابوها يرجع من السفر هدمرك ياهشام هدمرك زي ما دمرتها..
هادي بصلها بوجع ..
مروان بضيق-سيبهالي ياا احمد علاجها عندي انا هعلجهاا انا دكتور نفسي واكيد هعلجها بس عايز ارجعها البيت وهيا نايمه وسيبهالي.
احمد-ممكن يا مروان بس صدقني الحقوها في وضعها ده صدمتها مش مخليها غير بتترعش وبتتشنج مفيش دموع ولا في كلام.
مروان دموعه نزلت معتش قادر يحوشها ..سيبهالي خلاص قولتلك ....
منال بعياط -وهشام لازم انتقم منوا لازم..
هادي-مش وقته ياا طنط خليكي في فاطمه دلوقتي ربنا هينتقم ليها ولو بعد حين انتقم الضرب والكلام ده مش هيجيب فايده بس انتقم ربنا هيجيب ادعي عليه في جميع صلاه ليكي حسبني ربنا فيه...
منال هزت دماغهاا بعياط وهادي مسك ايدهاا بحزن وماسك نفسه بي العافيه لان هيغمي عليه بقالو يومين منمتش غير التعب ..
هادي لمروان-همشي انا دلوقتي وهطمن عليها منك يامروان.
مروان هز دماغه..
-----
نهار جديد...
في فيلا الشافعي..
ممدوح لفايزه-هياا شهد مرحتش الشغل ليه..
فايزه-معرفش من الصبح في اوضتها مخرجتش خالص..
ممدوح-انا ملاحظ انها متغيره اليومين دول من يوم الفاتحه بتاعتها..
فايزه-معقول حبت بلال.
ممدوح-ههه حبت مين طب ياريت .. بس مصدقش دانا اتمني انه يحبها بلال بس بنتك دي كويس انه هيتجوزها اصلا في راجل يعيش مع راجل زيه.
فايزه بتكشيره- بنتي قمر اصلا انت متغاظ منها.
ممدوح -ههههه هتغاظ من بنتي يافايزه .
فايزه-ههه ما بلال بتاع بنات شكله.
ممدوح-ما هو عشان بتاع بنات لو حبها هيبقي حاجه تانيه...روحي شغلك وخديني معاكي..
-
عند شهد كانت واقفه قصاد المرايه ..شهد لنفسها بضحكه-كده حلو اوي ..مسكت شهد التلفون واتصلت ببلال بس مردش عليها ..اتصلت تاني بيه.
بلال -خير علي الصبح مش قولتلك علي الغدا انتي زنانه ليه.
شهد-لا خليها فطار عشان عندي شغل قرب الغدا ..
بلال-وانا مش فاضيلك هروح الشركه.
شهد-ومن امته النشاط ده؟ تعالي بقولك خلاص تعالي وهنفطر في الجنينه بتاعت فيلتنا.
بلال-مالك بقيتي متمرقعه ليه الايام دي .
شهد-متمرقعه يا ابن الرفضي تصدق مينفعش معاك ابقي كويسه .
بلال ضحك-ههه متزعليش ياعسل هجيلك علي طول بس انتي روقي كده ومتتوتريش لحد ما اجيلك ياصاحبي .
شهد بغيظ-اوك تعالي بسرعه ..
--------
عند تقي خلصت فطار..وقامت تلف في الفيلا كلهاا شافت مكتب فاتحته ودخلت شافت اوراق هندسيه ورسومات كتير عرفت ان دول لانس النجار ابتسمت ..
تقي لنفسهاا-بس في رسومات مخلصتش وبعدين هو سايبهم هنا ليه...امم.
جه في بالها هادي ..عايزه تطمن عليه مجاش ومقالهاش هيعمل ايه بس متعرفش رقمه ..
خرجت تقي من المكتب وفتحت الباب بتاعت فيلا المزرعه.
تقي -يا عم
عم عادل-ايوه يابنتي؟
تقي-ممكن تجبلي رقم هادي لو معاك.
عم عادل-ايوه طبعا معايا ثواني هجيبهولك ..خدي يا هانم اهو اتصلي كلميه وابقي هاتيلي التلفون انا قاعد بره..
تقي ابتسمت -ماشي تسلم تحب اعملك فطار؟
عم عادل-لا تسلمي اكلت..
تقي -ماشي هتكلم واجيبهولك..
دخلت تقي واتصلت بي هادي -
هادي كان في عز نومه لان منمش ابداً هادي حط المخده علي راسه وكمل نوم بس المحمول لسه بيرن..
هادي يووووه اوف...
هادي بنعس-الو.
تقي-صباح الخير انت لسه نايم.
هادي بنوم-صباح الخير اه لسه نايم...منمتش ما انتي عارفه المهم انتي كويسه .
تقي -انا كويسه بس بطمن عليك انت اهم كان صوتك تعبان امبارح.
هادي -انا كويس ..شكرا انك فايقتني عشان اطمن علي فاطمه.
تقي بلهفه-ماشي وطمني وابقي تعالي عشان اطمن عليك ونتكلم.
هادي-ماشي المهم خلي بالك انتي من نفسك وكلي كويس وانا هبقي اعدي عليكي ماشي.
تقي-ماشي معلش اتصلت من تلفون عم اللي بره ده.
هادي ابتسم-عم عادل راجل طيب هجبلك احلي تلفون وانا جاي متقلقيش.
تقي ابتسمت-ماشي بس متجبوش غالي اوي عشان اعرف اسد حقه لما اشتغل وتقسطهولي...
هادي-ههه ماشي هقسطهولك حاضر..خلي حقه كل يوم 2جينه حلو كده.
تقي -هههه ماشي حلو جدا يلا سلام.
هادي -سلام.
قفل هادي واتنهد بي ابتسامه...
هادي ليه حاسس انه بيرتاح لما بيتكلم مع تقي..
-----
في بيت منال اللي منمتش من العياط ومروان فوق فاطمه ودخل ليهاا بعد ما قال لمنال متدخليش دلوقتي....
.
كانت فاطمه قاعده علي السرير في الجمب ضمه رجليهاا ...عاقل واقف تماماً ..مفيش دموع مفيش رد.
مروان قاعد جمبهاا-فاطمه لازم تسمعيني حتي لو مش عايزه تسمعيني محدش يستاهل انك تضحي بي الحياه كلها عشانه ...لازم تفوقي احكيلي يافاطمه عيطي صرخي بس متسكتيش فاطمه عارفه كام حد هيموت عليكي !!.لو فضلتي كده فكري في امك اللي بتعيط فكري في اابوكي انتي الوحيده ليهم مين هشام عشان تضحي بي الحياه عشانه المفروض تفرحي انك كشفتي حقير زيه متفضليش كده اتمسكي بي الحياه عشان اللي بيحبوكي احكي وانا كسري اضربي مش عايز عنيك واقفه كده متضميش رجليكي قومي اقفي واتسندي عليا باني قويه اكسري اللي كسرك ..
فاطمه كانت ولا سامعه اي كلام من مروان _____
مروان مسك دراعها بي ايديه الاتنين فااااااطمه ..ردي عليا..
فاطمه بتيصله وساكته..
مروان دموعه نزلت حاسس بي يأس-ابوس ايدك يافاطمه متكسرنيش مرتين انتي كسرتني لما قولتي بتحبي هشام سبتك وبعدت عشان كنت مبسوط وانتي فرحانه مع اني كنت بتقطع فحبك متكسرنيش دلوقتي تاني وتخرجي من الدنيا بي الحاله..
فاطمه بان دمعه في عنيهاا ...
مروان بلهفه-فاطمه سامعني عيطي ...عيطي يافاطمه...
فاطمه غمضت عنيها ونامت
---------
توقعاتكم
