الحلقه الثانيه عشر...
من روايه نيجار الحب...
.#سماح_محمود
.#samah_mahmoud so Mà
----------
شهد بمكر-مش كفايه اكل بقي؟
بلال-مش انتي اللي عامله يبقي اكله براحتي مع اني مبفطرش كتير.
شهد-ياا سلام اشمعنا ده الفطار اهم وجبه علي فكره.
بلال-عشان احافظ علي رشقتي اومال البنات هتجنن عليا ازاي .
شهد بصتله بتكشيره..
بلال بضحك-الرائد بيغير ولا حاجه انا كنت مستحيل اصدق انك بتحبيني .
شهد-انا مبحبكش علي فكره.
بلال-بتموتي فيا بس .
شهد-"ما انا مبحبكش وانت كل يوم مع بنت يعني.
بلال ابتسم-متخافيش انا هحبك انتي عشان انتي حاجه تانيه.
شهد -حاجه تانيه ازاي ؟
بلال-احساس انك اول حب فحياتك انا دي حاجه بتفرحني اوي.
شهد -وياريتك تستاهل.
بلال-اهو ده او حاجه عايز اغيرها فيكي ام لسانك ي بت خليكي رقيقه .
شهد ابتسمت -ماشي هبقي رقيقه بس متزعلنيش .
بلال-موافق ياسكر ناويه تتجوزي امته بقي.
شهد-لا مش دلوقتي مش فاضيه.
بلال-ليه
شهد -ورايا شغل النهارده كتيرر.
بلال-هههههههه انتي غبيه هو انا بسالك وراكي شغل هو انا هتجوزك النهارده يانهار اسود.
شهد بمكر-مش شايف يابلال ان لسانك طول معايا فاكر اول علقه اخدتها مني.
بلال جز علي سنانه-متفكرنيش بقي احنا مش قولنا هنبتدي صفحه جديده انسي فيها رجولتك...
--------
فاطمه نايمه بتعيط بتتفكر احداث كتير حصلت في بيتها..
بتتفكر هشام وهو دخل يقولها صاحبه مات ومراته حامل ملهاش حد ...بتتفكر وهو جايبهاا ويقولها شيلي الشنطه دخليها جوه بيتفكر وهو بيقولها اعملي فطار وبياكلو سوه ...بتتفكر سلمي وهيا بتغط عليها فحتت الحمل...شافت هشام وهو بيتهمها مع هادي وفي شرفها كمان ..اتفكرت وهما مع بعض واخدها وخرجها وهياا نايمه عيانه ورجع نام معاها ...احداث كتير بتجري في دماغ فاطمه بتخليها تعيط اكتر علي الثقه اللي اتهدت من اناني زيه ...هياا حبيته اديتلو الثقه الكامله ...اديتلو الحب والحنان وكله حاجه كان المقابل ايه.
كسر قلبها...ظلمهاا فحبها ...اتهمها فشرفهاا..
قامت فاطمه بعياط حطت ايدها علي اودنها وفضلت تصرخ ...
-
منال بره بعياط ولهفه-افتح يامروان نشوف فاطمه بتصرخ افتح.
مروان-لا سيبها الصريخ ده اللي هيخرج اللي فيها وهيريحهاا سيبها.
منال-يعني هتفوق بعد الصريخ مش هتتفكر هشام؟
مروان-هتتفكره طبعا بس هتفوق من الصدمه اللي كانت فيهاا سيبها.
منال -افتح خليني اخدها فحضني وتصرخ براحتها.
مروان بوجع-لا ارجوكي ياعمتي سيبها انا دكتور نفسي وعارف...
_عده فتره ....
منال لمروان حسها هدت اهي سيبني ادخل انااا.
مروان-عمته افعالك علي هشام هتروذها سيبني انا معاها روحي اعملي ليها اكل عشان مأكلتش حاجه غلط عليها مع العلاج اللي هتاخده انا اللي هاكلها هقف جمبها لازم اخرجها من اللي هيا فيه ...
منال هزت دماغها ومشت ومروان فتح الباب دخلهاا...
مروان ابتسم بحزن -فطومه مرتاحه دلوقتي .
فاطمه هزت دماغها!
مروان -طب انا زعلان منك.
فاطمه بتهون-ليه؟
مروان-كده زعلان بقي بقي العيون دي تعيط يابطوط...فين فطومه الاعلاميه الجميله اللي بتحب الهزار والضحك.
فاطمه بتغمض عنيها بكسره -هشام ضايعني ياا مروان ضايعني..بقيت لوحدي اتهمني في هادي وهو عارف اني كلي ليه وهادي زي اخويا انا اتدمرت يامروان.
مروان مسك وشها-اناا فين معاكي اهو عمري سبتك انا لا عندي زوجه ولا عيال معاكي هفضل سندك دمريه زي ما دمرك .
فاطمه بوجع-في تدمير اكتر من انه يخوني ويجيب مراته البيت اخدمها ويتهمني في شرفي؟
مروان-في يافاطمه في كل حاجه في انك تشتغلي بي شهادتك وتنجحي وتباني انك اقوي حد ...في انك تاخدي شقتك حتي لو مش هتقعدي فيها خديها بعيهاا في انك متسبلوش حاجه ..في انك تحبي وتعيشي من تاني ..
فاطمه بوجع،-هسالك سؤال بس...
مروان-قولي اللي نفسك فيه انا سامعك.
فاطمه-الزرع لما بيموت بيرجع؟
مروان- لاء
فاطمه ابتسمت بوجع-اهو هشام موتني ..موت كل زرعه جوايا تخليني فاضله علي الحياه اني اعيش عشانها.
مروان-بس الزرعه لو جددتي كل حاجه فيه بيرجع احسن من الاول ازرعي من الاول مستقبلك انتي لسه صغيره انتي كمان اتجوزتي صغيره وانتي بتدرسي يعني في ايدك تشتغلي وتفوقي متقعديش لي الحزن فكري يافاطمه امك اللي تعبت فيكي دي وملهاش غيرك تكسري قلبها ليه؟ مش خايفه انها ممكن تموت او ابوكي اللي مسافر .
فاطمه بصتله وسكتت.
مروان حس انها هتترجع من الحته دي ضغط عليها اكتر..
ترضي ياا فاطمه امك تموت؟
فاطمه بدموع-لاء...لاء
مروان ابتسم-ماشي ياحبيبتي متخافيش بس في ايدك انتي تفرحيهم زي ما بيفرحوكي وتعبه فيكي...قوليها يافاطمه قوليها انطقيها..انطقي ..قولي..
فاطمه بدموع هسترياا-طلقني من هشام يامروان طلقني منوا ..
مروان دموعه نزلت وابتسم وشدهاا فحضنه وهياا مفيش علي بوقهاا غير طلقني منوا ارجوك طلقني..
مروان شدها فحضنه موجوع لوجعها ومبتسم انها نطقتهاا-هطلقك وحياتك هطلقك منوا وهناخد حقك حق السنين اللي خدعك فيهم هدفعه التمن هخليه يتحصر عليكي ويعرف قيمتك وازاي يتهمك فعرضك...
فاطمه بعياط-متعملش فيه حاجه طلقني وبس طلقني خلي هادي يتصرف اكيد يعرف ناس انا مش عايزه اخسر هادي كمان هو اكتر حد بيقف جمبي .
مروان-متقلقيش يافاطمه احنا معاكي كلنا معاكي.
دخلت منال بي الاكل -حبيبتي انتي كويسه.
فاطمه بصت شافت وش امها تعبان من العياط
فاطمه ابتسمت بوجع-كويسه الحمد لله ياماما مفيش حاجه.
منال دموعها متحاشه في عنيها-طب كلي حاجه انا عملت اكل ليكي.
فاطمه-مليش نفس واللهي ياماما
مروان بهمس-كلي يافاطمه امك تعبانه .
فاطمه هزت دماغهااا بوجع..
-----------
تقي خرجت المزرعه تشوف عم عادل تاخد منوا الموبايل تطمن علي هادي ..تشوف ماله هيا عملت ايه!!
تقي لمحت عادي واقف لبعيد ساند علي شجره..ايه ده هو ممشاش انا لازم اروح اشوف ماله لازم اشوف..
مشت تقي راحت لعند هادي كان واقف سرحان...
تقي -هادي!!.
هادي -فاق من شروده علي صوتها -نعم!
تقي-انت ممشتش ليه؟
هادي اخد نفس طويل -همشي اهو ياتقي كنت باخد نفسي انا ماشي بعد اذنك.
تقي بلهفه مسكت ايده..وهادي بصلها بستغراب...
تقي-مالك ياهادي انا عملت حاجه ضيقتك؟
هادي بضيق-لاء معملتيش .
تقي-اومال قلبت وشك مره واحده ليه ومشيت علي طول لو فيك حاجه احكيهالي يمكن ترتاح
انت زعلت عشان قولتلك انت محبتش ولا مره اناا دوست علي حاجه وجعتك طيب من غير قصد...
هادي بعصبيه-يووووه انتي مش بتبطلي اساله ليه ؟؟؟ فاهميني انتي مش شايفه نفسك اخدتي عليا اوي في يومين عايزه تعرفي كل حاجه عني ولا اي كل حاجه عايزه تعرفيهااا كفايه بقي كفايه.
..
هنا تقي كانت بتبصله ودموعها اتجمعت في عنيها واترعشت من عصبيته ...
هادي هنا اتفكر فاطمه وان دي ضعيفه زيهاا..
هادي مسح وشه بضيق-تقي انا اسف والله اسف متزعليش مني انا عارف انك معملتيش حاجه بس انتي سالتيني سؤال بيوجعني .
تقي مسحت دموعها اللي نزلت-انا مزعلتش منك كنت عايزه اشوفك مالك مخنوق ليه بس يمكن ترتاح...معرفش ليه سؤالي واجعك..
هادي برد تلقائي-السؤال اللي قولتيه ياتقي بيفكرني بي واجعي كله محبتش ولا مره دي ..انا حبيت مره حبيت حب العمر كله اللي عايش عليه لي دلوقتي.
تقي بلعت ريقها-طب وهيا فين؟
هادي بوجع-ماتت ياا تقي ماتت وهياا معايا قصاد عيني غرقت وملحقتش اعمل حاجه كنا هنتجوز بس ماتت وسابتني ..
هادي مسك دماغه بضيق...
تقي مسكت ايده بي ايديها الاتنين -الموت ده علينا حق ياهادي الفراق صعب بس مش هنعيش نتعذب !! ربنا ادناا نعمه وهياا النسيان ..اللي بينسينا فراق اي حد بتموت فيه بيشغلنا في الدنيا وبي اللي فيها ولا الا محدش هيعيش خالص ...
هادي كان بيسمعها وهو مرتاح ومش عارف ليه وباصص لي ايديها اللي ماسكه ايده وبتتكلم وهيا مبتسمه .
هادي ابتسم-انتي هتبقي حاجه كبيره عندي ياتقي.
تقي ابتسمت-اشمعنااا
هادي-برتاح في الكلام معاكي وبخرج من الضيق بتاعي كله.
تقي-ههه شوفت عشان تعرف بس ان هندسه جامدين.
هادي-ربنا يفرحك ياتقي مسيري هساعدك تفرحي والله..
تقي-مش مستعجله المهم تكون كويس..
هادي-كويس من يوم ما عرفتك
-------
في زياره في سجن ابو زعبل...
العسكري فتح الزنانه علي سيد-قوم عندك زياره..
سيد بشر-مين جاي لو حد من اهلي مش عايز اخرج!!
العسكري-انت هتتأمر ياروح امك واحد اسمه علي هتيجي ولا نقفل ونخليك زي الكلب قاعد.
سيد بلهفه-علي لا انا عايز اخرج ليه ..
العسكري -قوم قودمك عشر دقايق بي العدد
سيد ماشي خرج سيد لعلي..
علي -عامل اي ياصاحبي .
سيد-الحمد لله علي اسمعني بسرعه مش قودمنا غير عشر دقايق
علي -في ايه خير...
سيد-عايز اهرب من هنا مش هستحمل كتير...
علي بصدمه-ايه ازاي مينفعش هتعدي الحكومه.
سيد-ما انا معديها من زمان والظابط الجديد ده ابن كلب مش هسيبه بس مش مشكلتي هو دلوقتي عايز اخرج البت بنت حسني شلبي هتفرتكلي عقلي من يوم ما اتحبست وانا مش عارف اقعد من التفكير.
علي-ما كل مره بتقضي السجن وبتخرج استحمل وبعدين اخرج ليه المره دي هتهرب.
سيد-معرفش اتصرف لازم اهرب الزياره الجايه تعالي وشوفلي صرفه دخلي مشرط او اي حاجه...
علي-اتجننت ما في جهاز بيفتشو بيه انت عايز تحبسني معاك .
سيد-خلاص محكمتي بعد شهر وانا رايح المحكمه في العربيه -حاول تهربني ماشي...هسبلك الامر ده ياعلي.
علي -ماشي
العسكري دخل-خلاص الزياده انتهت يلا قودمي.
سيد بص لعلي وعلي هز دماغه...
------
عده ايام طويله ...
في فيلا انس النجار..
انس لمروه-اولادك الايام دي مخفين فين هادي وعنده شغل والموكوس التاني فين.
مروه-بلال مش خطب خلاص معتش هتشوفه.
انس-اعمليهم عليا هيا قرأه فاتحه مش خطوبه وبعدين متحسسنيش ان ابنك بيموت فيها مش طايق يشوفها بيروح فين اوعي يكون بيقابل بنات يفضحني قصاد ممدوح.
مروه شافت بلال دخل -ههه اكيد لاء انت عارف بلال عسل مش هيعمل كده‘. .
بلال-سمعتك علي فكره.
انس-اهلا بي الصايع شرفت.
بلال -هههه مش عارف ياجدع اخد نقرك من نقري ليه دانا حتي حبيت وشكلي هتجوز احمس.
انس-احمس مين..
بلال-سعاد الهبله يعني بنت ممدوح الشافي.
مروه-هههههه بجد حبيتها احلف .
بلال-والله هاه بدات اتقابل كلامها هيا بتبدي بي الكلام .
انس -وبعد الكلامم.
بلال-اكيد يعني قله الادب.
انس -اخص داهيه تلعنك وتلعن اللي ربوك عيل مش متربي.
بلال بمكر-يااحج متغلطتش في اللي ربوني اصلهم واقفين ...
مروه-ههههه متزعلوش يا انس وحياتي ...دانا فرحت ..
انس بتنهيده-طيب وحضرتك هتتخطوبها امته...
بلال-نخليها جواز علي طول يا اسطاا عشان اجبلك عيال تكعبل بيهم وانت ماشي
انس-اانت بتقول لمين يااسطا يامتخلف انت بتقول لانس النجار انت مش عارف بتكلم مين.
بلال بضحك-بكلم ابويا بهزر معاك ياعمنا انا طالع انام بقي.
انس-والشركه والشغل
بلال -اوعدك هبقي ارروح.
انس-امته حضرتك؟؟؟؟
بلال-في الصباحيه ابقي اقولك.
مروه-ههههه
انس بصلها سكتت
------
عند هادي...
هادي كان رايح يشوف فاطمه ويطمن عليها زي كل يوم..
...رن تلفونه..
هادي ببتسامه-ايمن بيه.
ايمن-ازيك ياهادي.
هادي-الحمد لله ياا ايمن وحشني والله .
ايمن-لو وحشك هتسال.
هادي -معلش والله كنت مشغول جامد الايام اللي فاتت .
ايمن-ولا يهمك ..هادي.
هادي-نعم.
ايمن-تعرف واحده اسمها فاطمه علاااام.
هادي بستغراب -اه طبعا ليه
ايمن-من ايام اتقدم طلب طلاق منها من الرائد هشام محمد..
هادي-وايه المشكله ما تطلق واكيد معاها اسبابهاا انهاا تطلق يبقي القانون مش هيخليها بي الغصب معاه.
ايمن-مش دي المشكله ياهادي.
هادي-اومال المشكله ايه؟
ايمن ******
هادي بصدمه -ايه نعمممم
ايمن-لازم تجيبها وتيجي دلوقتي انت عشان مش عايز شوشره عليك انت حد معروف وطلعت مرات صاحبك ياا هادي مراته وصاحبك ظابط بص هو بره دلوقتي لازم تيجي هنحلها بسرعه.
هادي بغضب مكتوم وجديه-لازم تفهم الحقيقه ده كذاب.
ايمن-هستناك يا هادي ياسلام...
----
عند فاطمه كانت قاعده مروان
اللي قاعد معاها يومياا بيخرجها من اي مود بتحاول تدخل فيه بيحاول ينسيها اي وجع من هشام مش بيسيبوها دقايق تفكو فيه..-عكس وجع قلبهااا..
دخلت منال ..فاطمه ..
مروان بصلهاا..
فاطمه-في ايه ياا ماما؟؟
منال -هادي يافاطمه جه بره..
دخل هادي من ورا منال.
فاطمه ببتسامه-هادي ازيك تعالي.
هادي لنفسه بوجع-مش عايز اضيع الابتسامه دي ربنا ياخدك ياهشام.
هادي ببتسأمه-الحمد لله ياطمطم اختي الحلوه بقيت كويسه اهي صح...
فاطمه ابتسمت-طبعا مش معايا انت ومعايا مروان اللي مش بيسبني ابداً فعلا اللي سماه دكتور نفسي مكدبش صح يا مروان..
مروان-صح يالمضه تعبتني معاكي..بس تعبك راحه.
فاطمه-ربنا يخليكم ليااا...
هادي بتوتر - فاطمه
فاطمه -نعم ياهادي
هادي بضيق-قومي معايا.
فاطمه ابتسمت-فين؟
هادي- المحكمه...
فاطمه بضيق وتنهيده-ليه عشان طلب الطلاق ياريت يكون خلصت..
هادي بوجع-محكمه الزناا يافاطمه.
منال كانت في ايدها كوبايه ميه وقعت...
فاطمه بصدمه-ايه زناا ايه.
مروان بعصبيه-مش فاهم ياهادي زنا ايه.
هادي بوجع وضيق-هشام رفع قضيه زنا ليا انا وفاطمه وليا ناس معارفي اتصلو قالولي فاطمه لازم تيجي معايا قبل ما المحاضر يتمضي .
فاطمه بعياط-قضيه زنا ..زنااا ايه ..مش مكفيه اللي عمله فيا انا عملت فيه ايه محصلش والله يا مروان محصلش ياماما هادي قول الحقيقه...زنا عمري ما اعمل كده لاء انا اخري زناا عملت ايه عشان يتهمني كده منه لله منه لله
هادي -مسك ايديهاا ومروان بيحاول يهديها
هادي بزعيق- اهدي ياافاطمه انتي اشرف من اللي خلفوه وهيطلع كذاب لازم تكوني قويه وتدفعي عن نفسك لازم نكسره زي ما بيكسر فيكي .. ..
-
مخادع وبايع وقلبك حجر .. ولاشفت زيك ما بين البشر
بتهوا الخيانه وجرح القلوب .. وحبي لقلبك قضاء وقدر
مشاعري البريئه وحلم الزمان .. قالوا لي ان قلبك وحبك امان
ماشكيتشي لحظه بانك تكون .. تجرح وتخدع وتكذب كمان
------
توقعاتكم
