الحلقه 10و11...
من روايه استسلام عاشق ...
جزء2لنيجار الحب...
.#سماح_محمود
.#samah_mahmoud so Mà
-------
تقي بتنهيده-ليها حل والله باذن الله بس المشكله فرحي بالليل.
فاطمه-حل ايه ياتقي؟
تقي-هادي يأجل الفرح يوم او اتنين.
فاطمه بصدمه-ليه!؟!
تقي-فاطمه لازم تبقي لمروان يافاطمه طلعي هشام من دماغك بقي صدقيني انتي خليكي مثال لست القويه انتي كتير بتقولي ان الست بتدوس علي كرامتها ونفسهاااا طلعي هشام من دماغك مش هقولك غير كدهه !
فاطمه-بتفكري في ايه ياتقي.
رن تلفون تقي ..
تقي ثواني يافاطمه.
تقي-ايوه يابابا ياحبيبي
حسني-حبيبتي انا علي القهوه اهو اجيلك امته .
تقي-حبيبي احنا هناجل كتب الكتاب يومين كمان.
حسني بصدمه ليه؟
تقي-عادي ياحبيبي لسه مجهزناش.
حسني -ماشي ياحبيبتي يعني مفيش حاجه يعني.
تقي-لاء مفيش ياحبيبي متقلقش.
حسني -ماشي سلام
تقي -سلام ياحبيبي
فاطمه-عملتي كده ليه
تقي-اولا انا مش عايزه اتجوز وانتو كلكم متمرارين انتي في مرار وبلال اخو هادي هو وحبيبته في مرار عايزه اتجوز وانا مطمنه ان اللي بحبهم كلهم كويسين.
فاطمه ببتسأمه-روح قلبي انتي.
تقي-المهم ممكن تديني عنوان مروان،؟
فاطمه-ليه!
تقي-هتكلم معاه في حاجات انتي مش قادره تنطقها؟
فاطمه-زي ايه!
تقي-زي انه يسحبلك هشام من وريدك زي ما بيسحب الدم من ايد الانسان.
فاطمه -مش فاهماكي..
تقي-انتي بتعشقي هشام القديم ..بس هشام القديم مات مع اللي عمله...انتي لو مروان سحبهولك هتعشقيه حرفياً.
فاطمه -مش فاهمه برضه.
تقي-غبيه موت بس بحبك هاتي العنوان وملكيش دعوه وبطلي كأبه بقي.
فاطمه -خدي العنوان اهو فاتح عيادته في شارع****
-------
كان هادي راجع القسم في الحاره شاف ابو تقي علي القهوه وقف العربيه ونزل ليه...
كل القهوه كانت بتبص ازاي ظابط القسم واقف مع حسني...
هادي ببتسامه-انت قاعد لسه.
حسني-اه شويه وهطلع ارتاح.
هادي-اه ارتاح ساعتين قبل الليل لو كده ممكن اخدك وانا خارج من الشغل...
حسني -تاخدني فين انتو مش هتأجلو يومين كمان.
هادي بصدمه-مين قال كده.
حسني-تقي كنت بكلمها وقالتلي كده.
هادي-ازاي ده طب هشوفك بعدين ركب هادي العربيه بسرعه واتصل بتقي.
تقي-ايوه ياحبيبي.
هادي بجديه-تقي ابوكي بيقول ان كتب كتابنا اتأخل ليه في ايه؟
تقي-هفهمك ياحبيبي لما اشوفك.
هادي بضيق-لاء فاهميني دلوقتي انا جايلك.
تقي-انا نزلت من عند فاطمه.
هادي-والله نزلتي فين ومن غير ما تقوليلي
تقي-راحه عند مروان ياحبيبي
هادي بستغراب -مروان!!! ليه .
تقي-هفهمك بس الغي كتب الكتاب النهارده ونعمله يومين ولا حاجه.
هادي كان هيتعصب بس فهم يبقي الموضوع علي فاطمه ومروان ...وهو كمان متوتر من موضوع هشام.
هادي-ماشي ياتقي متشغليش بالك هخلص كل حاجه انا.
تقي-حبيبي انت زعلت.
هادي-لا ياروحي متخافيش بس المفروض مكنتش تاخدي قرار زي ده لوحدك عشان اهلي.
تقي-اسفه ياحبيبي بس مقدرش اتجوز وعلاقه فاطمه تعبانه علي الاقل تكون معايا وهيا مرتاحه وكمان بلال اخوك حبيته مش هتكون موجوده نفسي الفرحه كامله كده محدش زعلان.
هادي ابتسم-ماشي ياحبيبتي بس انتي بتفكري في ايه
تقي-هتكلم مع مروان في حاجه في دماغي كده.
هادي-تخيلي هادي هيموت عليها والله روحت وكان بيعيط عليها و.
قطعته تقي-لاء ياهادي الست مش لازم تتهم في عرضها وتكون ضعيفه سيبه يندم بقي طول حياته عليها بس مينفعش ترجعله عارف لو رجعتله هتكون ايه هتكون بايعه شرفها بجد.
هادي بصدمه- ازاي يعني
تقي-انا مش راضيه اقولها كده هو اتهمها في عرضها يعني لو رجعت وزلت نفسها يبقي تستاهل ولازم نخلص بقي من المووضوع ده عشان هيا ترتاح.
هادي بتنهيده-معاكي حق بس انا حرفيا تعبت من الموضوع ده .
تقي-وراك رجاله ياقلبي .
هادي-ماشي ياروحي خلي بالك من نفسك ولا تحبي اجي معاكي.
تقي-يستحسن لوحدي ياحبيبي.
هادي-ماشي ياعمري لما تروحي قوليلي.
-------
ولاء بعصبيه -يعني هتكون الزفته دي راحت فين.
كامل -مش عارف والتلفون اللي انا اديتهولها مقفول .
ولاء-تتحرق اصلا انا غلطانه اني دخلت غبيه زيها في الموضوع.
كامل-حضرتك هتعملي اي
ولاء-هلعب علي المكشوف
كامل -ازاي يعني؟
ولاء-هجرب مع هادي !! رفض هخطف السنيوره بتاعته ولو عايزني اسيبها يكتب كتابه عليااا.
كامل بصدمه-هادي بيه ده ظابط شرطه.
ولاء بضحك-وفيها ايه يعني متخليك ناشف هو مش هيجي غير بي كده.
كامل -ولاء هانم لو هتعملي كده انا بره الشغل انا مش مستغني عن نفسي.
ولاء بجديه-متقلقش انا ذودلك فلوس وبعدين انا عايزه امتلكه بس مش اكترر.
كامل -طب جربي معاه الاول يمكن تيجي لوحدها.
ولاء -هعمل كده بس افكر الاول هتيجي ازاي.
--------
وصلت تقي مستشفي النفسيه لمروان بس شافت ناس شيك جدا قاعدين.
تقي لنفسها-دانا اللي مجنونه علي كده ايه الناس دي.
الممرضه-اتفضلي حضرتك الحجز بي اسم مين.
تقي-لا انا عايزه الدكتور مروان.
الممرضه-ماشي بدل مفيش معاد ولا حجز مش هتدخلي.
تقي-انا اخته.
الممرضه-اسفه يافندم اتفضلي حضرتك هديله خبر.
خبطت الممرضه ودخلت...
دكتور مروان -اخت حضرتك بره.
مروان بستغراب-اختي!؟ اختي ازاي يعني‘
دخلت تقي ببتسأمه-اه اختك ايه مش عاجبك
مروان بضحكه-عاجبني ونص.
الممرضه ابتسمت -تشربي ايه حضرتك
تقي-لا حضرته هو اللي هيلغي الكشف ده كله وهيجي معايا.
مروان -ههه ليه بقي انتي مش فرحك النهارده هربتي وجيتلي انا متجوز ياستي.
تقي-ههههههههه ضحكتني انت مين انت عشان تيجي جمب هادي حبيب قلبي.
مروان-ههههه ومين انتي عشان تيجي جمب بطوط .
تقي-جينا في بطوط بقي ياا جوز اختي.
مروان -مش مرتحلك بس يلا نمشي والممرضه هتلغي الكشوفات .
تقي -يلا....بعد فتره طويله...
تقي وقف العربيه بقي وانزل
مروان -مالك يابنتي في ايه اتهبلتي...لا انتي مش تقي لاء اصبري لما نروح كافيه.
تقي-مش لازم كافيه...اسمعني بقي.
مروان -قولي ياللي مش مرتحلك.
تقي-الكلام ده هيكون بينا .
مروان -اكيد عيب عليكي.
تقي-انت ليه مش مدردح اوي؟
مروان-ازاي يعني.
تقي-يعني تجيب شقه وتاخد فاطمه ويتقفل عليكم باب واحد...
مروان-تقصدي دخلتنا لما نسافر.
تقي بجديه-لاء يامروان لاء فاهم لاء انت المفروض تكون جد اوي خليك جرئي فحبك زي هشام.
مروان بستغراب وقلق-هشام؟ليه ياتقي حصل حاجه .
تقي-لاء انت فهمتني غلط بس انا شوفت فاطمه امبارح فكتب الكتاب هقولهالك ازاي وانا بنت بص انت المفروضه كنت تبوسها انت مش جوزها خليك جرئ حسسها بيك ..مسك الايدين ده مش مطلوب خالص انت جوزها ..هشام كان جرئ اومال عايزها تحبك ازاي يعني ومتشوفش غيرك.
مروان بجديه-بس انا اعرف انتي شوفتي حاجه خليتك تقولي كده فاطمه قالتلك حاجه؟
تقي بتوتر-لاء بس بص انا شايفه هشام هيموت عليها .
مروان بعصبيه-يموت عليها ازاي بقيت في ذمتي خلاص.
تقي-وانا اول حد عايزها ليك لان انت اكتر حد بتحبها فانت بقي تسحب روحها تخليها تدوب فيك انت تخليها لما تسمع اسم هشام ده تسال هوو مين او مش فاكره خالص.
مروان بتنهيده-ساعديني طيب ياتقي...انا بحبها اوي اوي ياتقي بضعف قصادها وبخاف المسها حتي تزعل .
تقي-خليك جرئي عندك بيتك قربها منها بقي انا مش عارفه اتكلمت معاك ازاي كده بس فاطمه مش هتحبك اوي غير لما تحسك وتحس بحبك الكلام مش كل حاجه..
مروان ببتسأمه-وهو كذلك سيبلي الموضوع ده انتي احسن اخت.
تقي-طب يلا بقي روح هاتلي ايس كريم مش هجي المشوار ده علي الفاضي عشان اروح اشوف راجلك
مروان -راجلك؟
تقي-طبعا هادي حياتي سيد الناس .
مروان -بتحبي هادي اوي كده ياتقي.
تقي سرحت -بحبه هادي ده نبض قلبي يااا متعرفش انا بحبه ازاي انا بغير حد يبص ليه نفسي اخبيه عن عيون الناس بحب كل تفاصيله يااا نفسي اتجوزه واعيش معاه واجيب طفل واسيبه هادي لو جت بنت هسمها هديه هادي ياااا حلم انا مش بحبه انا بعشقه...
تقي بصدمه-بتعمل ايه...
مروان -ههههه سجلتك هبعت الفيديو لهادي...
تقي-لا يا مروان يارخم بلاش مش انا ساعدتك.
مروان-وربنا ابدا هبعتهوله.
تقي-ههههه يوووه هيفكرني مدلوقه.
مروان-وهو انتي مدلقتيش لسه وبعدين لحظي اني لسه بصور .
تقي -هههههههه
-------
شهد بعصبيه-اسر ما هو مش هينفع الزفت الشغل كده.
اسر بتنهيده-في ايه يا شهد متعصبه ليه هو انا كلمتك دلوقتي.؟
شهد-ما ده اللي مضايقني .
اسر-لاء ياشهد عشان متسببش ليكي في مشاكل تاني كفايه كده.
شهد بحزن-عادي ياسيدي هيا خطوبتي كلها حزن فحزن انا ياريتني ما حبيت وياريتني ما شوفته انا كنت عايشها جد وكنت عايشه بس هو ..
بلاال بربع ابتسامه-هو بيحبك اوي ياشهد.
اسر -بلال.
بلال-حقك عليا ياا اسر علي اللي عملته معاك.
اسر-لا مفيش حاجه انا بس اللي مزعلني اني اتسببت في مشاكل بينكم .
بلال -لا عادي بس سيبنا لوحدنا ياا اسر شويه معلش.
شهد بتنهيده-لا عندي شغل .
بلال-بس انا عايز اتكلم معاكي ياشهد.
شهد-مفيش كلام يابلال نتكلم فيه.
بلال-اقعدي ياشهد.
اسر -استاذنكم انا عندي شغل ربنا يهدي ليكم الحال.
بلال ابتسم-بقي مش عايزه تقعدي معايا قد كده انتي مبتحبنيش.
شهد بجديه-بلال انت مبتحبنيش احنا علاقتنا كلها لعب عيال مش بحس منك غير زي انفصام شويه ححب وشويه زعل وشويه شتيمه انااا معرفش ليه بتعمل معايا كده انت لوو بتحبيني هيفضل لينا حياه خاصه بيناا مش هنقول اسرارنا لحد اي حاجه بتحصل لازم تكون خاصه بينا ...
بلال بهزار-ايه ياستي اي كلمه في بوقي علساني.
شهد-مش بهزر يابلال انا بقول.
بلال بلهفه-بتقولي اننا لازم نتجوز.
شهد بصدمه-ايه.
بلال-زي ما سمعتي نتجوز! ياشهد تكوني ليا بقي مش يمكن بعد الجواز اتوب ايدك.
شهد -بجد عايز تتجوزني؟
بلال-والله عايز اتجوزك ياشهد انتي مش شايفه اني من يوم ما اتخطبنا مروحتش كباريه؟ياشهد انا اتغيرت علي ايدك يمكن اكون غبي شويه
شهد-انت غبي علي طول.
بلال رفع حاجبه-والله؟
شهد ابتسمت-بحبك والله.
بلال بغمزه-هاتي بوسه بقي ريقي ناشف
شهد-لم نفسك احنا هنا لو اتمسكنا فيها اعدام
بلال شدها عليه وقرب منها-اعدام اعدام هتموتي معايا هوو انتي هتموتي مع غيري ...
شهد -هاتلي شوكلا
بلال -مبتفكريش غير في الاكل يا ام كرش انتي
شهد بصدمه -يعني مش هتجيب.
بلال-هجيب بعد ما تديني.
شهد بستغراب-اديك اي
بلال-تديني شفايفك
--------
عند هشام راح يفتح الباب بعد ما سمعه دق اكتر من مره...
هشام-اهلا صافيه...
صافيه ببتسأمه-لاقيتك منزلتش النهارده جبتلك اكل..
هشام بنص ابتسامه- انتي متابعه بقي.
صافيه-ههه لا قولت اطمن عليك كمان.
هشام-انا كويس الحمد لله وانتي؟
صافيه -انا الحمدلله.
هشام-تسلمي علي سؤالك هاتي الاكل ثواني هجبلك فلوس.
صافيه مسكت ايده بسرعه وهشام بصلها.
صافيه بتوتر بعدت ايدها-مش احنا اصحاب هتجيب فلوس ازاي عيب.
هشام-لا في الحاجات دي حقي وحقك
صافيه -خليها عليا المره دي.
هشام -اوك جبتي اكل ايه بقي!
صافيه-مكرونه بشميل .
هشام-هههه مش عايز اقولك اني نباتي لاحسن تتصدمي بس علي العموم هاكلها بدل جبتيها.
صافيه -اممم ماشي ممكن احسن واخد الاطباق وانا ماشيه.
هشام -انتي مجبتهاش في اطباق الدليفري !؟
صافيه-لاء.
هشام -اوك تعالي هاكل وخديها تاكلي معايا!
صافيه-سابقتك..
ابتسم هشام ودخل هشام طلع الاكل وبدأ ياكل وهو باصص لي الطبق....وصافيه عنيها عليه بتراقب تحركاته كلها بياكل ازاي الحزن اللي فعنيه ورغم كده شخصيته غريبه ...مشدوده ليه رغم اللي حكهولهاا ليه...
هشام لاحظ انها بتبصله وسرحانه.
هشام شاورلها بي ايده-ها سرحانه فإيه..
صافيه-هههه في الاكل اصلي جوعت.
هشام-هههه تعالي كولي‘
صافيه-يادوب ليك لما انزل هاكل من تحت.
هشام -لا تعالي دي كتير عليا اصلا
صافيه ببتسامه -متاكده
هشام-متاكده
-------
عند هادي...
قاعد في مكتبه وبيلف بي الكرسي ماسك قلم ومطنش الورق اللي قصاده خالص .
شاف تلفونه منور...شده.
وفتح المسدج...
((هادي افتح الواتساب شوف ياخويا شوف حبيبتك هتجبلي شلل انا متجوزتش لاء))
هادي بستغراب-مروان اتجنن ولا ايه .
فتح هادي الواتساب وشاف فيديو مروان بعته فتح الفيديو...
وبدأ يتفرج عليه ويسمعه وهو فرحان ...بعد دقايق...
هادي لنفسه-حبيبه عمر هادي انتي اناا اللي نفسي اعملك اي حاجه افرحك بيها... سرح هادي لبعيد بتنهيده...
هادي لنفسه -صح ده اللي هعمله انا جبت اخري خلاص انا لازم اعمل كده وهفرحهااا...وطظ فكله
اتصل هادي بتقي..
تقي-ايوه ياحبيبي.
هادي-انتي فين ياعمر حبيبك.
تقي-ماسكه ايس كريم وباكله اهو الواد مروان جابهولي وسابني ومشي حيوان موصلنيش .
هادي-غبي والله انا معرفش كل اللي اعرفهم غبين ليه.
تقي-هههه حتي انا
هادي-انتي روح قلبي انا خليكي انا جايلك ياعمري هعملك مفجأه
تقي بفرحه-مفاجأه ايه
هادي مش هتكون مفاجأه لو قولتلك...
------
مروان تحت بيت فاطمه...
مروان-انزلي يااحبيبي انا تحت بيتكم.
فاطمه-ليه ما تطلع .
مروان-لا انزلي انتي ياعمري بس عايزك في حاجه انزلي وخلاص.
فاطمه-ههههه هو تعب وخلاص.
مروان-اه انزلي يلا مش هتندمي.
فاطمه-اصبر البس انا بي البجامه.
مروان-لا خليكي بيها عادي هقولك حاجه واطلعي علي طول.
فاطمه-هنزلك بي البجامه.
مروان-اه اخلصي بقي...
بعد دقايق-نزلت فاطمه بي البجامه ركبت عربيه مروان ..
فاطمه-كده نزلتني بي البجامه قول يلا قبل ما حد يشوفناا.
مروان دور العربيه ومشي...
فاطمه بصدمه-انت عملت ايه هتمشي علي فين انا بي البجامه.
مروان بمكر-ههههه علي بيتنا الليله ليلتك ياعروسه.
---------
توقعاتكم
