روايه استسلام عاشق...
جزء2لنيجار الحب...
حلقه14-15 والاخيره...
.#سماح_محمود...
.#samah_mahmoud so Mà
صلوا علي النبي💚💛
وعيشوا بقي...
---------
صافيه بتوتر-اصلي مشدوده ليك اوي...
هشام كان لسه هيتعصب بس مسك ايديه-انتي بالنسبالي صغيره وصغيره اوي كمان ياصافيه هحبك ازاي بس.
صافيه-انا مطلبتش منك تحبني علي فكره انا بقول اني مشدوده ليك.
هشام-ومشدوده ليا ده معناه ايه مش حب..
صافيه-لا مش حب ممكن تقول حاجه شبه الحب ممكن لاني مش فهماك مشدوده لشخصيتك.
هشام بتنهيده-مش فاهم.
صافيه-يعني احنا اصحاب عادي يعني.
هشام بجديه-انا مش فاهم حاجه منك انا مبحبش اللي بيلف ولا اللي بيدور هاتي اخرك احسن.
صافيه-يعني ايه انا بالنسبالك صغيره انا مش فاهمه حاجه انا كبيره وكبيره اوي كمان انا 22
هشام-يعني انتي عبيطه اوي هههه احبك مين يابنتي انتي سيبك من انك صغيره اناا لسه اعرفك من يومين انا اه دخلتك حياتي بسرعه ورهيبه ومش فاهم ازاي وليه بس مستحيل احبك يعني ده من سابع المستحيلات اتشد ليك ككمان ومعني انك مشدوده ليا انك بتحبيني
صافيه بتنهيده بصتله بصه هشام مفهمهاش وقبل ما تمشي..
صافيه-تصدق انك معاك حق..
هشام -هه بقول كده برضه.
صافيه -هه مع السلامه.
هشام-علي فين.؟
صافيه-علي مكاني اللي جت منوا واسفه اني دخلت حياتك كلهاا..
هشام شافها وهيا خارجه ابتسم ولما خرجت ابتسامته راحت طب ليه مضايق عشانها هوو اصلا ميعرفهاش لسه دي سن مراهقه
-----
نهار جديد ...فسويت تقي وهادي..
هادي فتح عنيه شاف تقي بصله..اول ما شافته استخبت فحضنه...
هادي-هههه صباحيه مباركه ياعروسه مكسوفه ولا ايه لاء انتي مش وش كسوف ابداً
تقي بهمس-ليه يعني مش عروسه وبعدين اللي انت عملته فيا ده شويه.
هادي-هههه هو انا لسه عملت حاجه داحنا لسه مبدأناش شهر العسل.
تقي بضحكه-هنبدأو بس مش هنا.
هادي-فين نسافر بره؟
تقي-تؤتؤ شهر عسلي عايزاه في فيلتكم انتو ياروح قلبي انا.
هادي-عيوني ياعمري بس كده!
بس انا كنت عايزاك لوحدك معايا وفحضني ومن غيرر ما حد يبقي معاناا ولا حد يشاركني فيكي .
تقي-اممم ما ليناا اوضتنا لوحدنا وكمان الصباحيه يعني اهل يباركو لينا وبعدين هنا هتدفع فلوس كتير .
هادي-مفيش باس خدها مفيش حاجه تغلي عليكي ياحبيبي حطه الفلوس فبالك ليه يعني كده مش فاهم.
تقي-ريحني وخلاص بقي نرجع انا عايزه ارجع.
هادي-مش مطمنلك خالص في ايه يابت انتي عايزه تبعدي عن حضني ولا ايه..
تقي -هههه الحنااااان
هادي بضحك-الحب
تقي-ياااحناان ما تجيب اخرك.
هادي-فاهمها وهيا طايره انا بقول منرجعش وتخليكي فحضني كده وكان الله سميع عالم يعني انتي مراتي ومحدش هيشاركني فيكي.
تقي-مين قال ان حد هيشاركك فيا بس هنبقي فوسط اهلينا ...
هادي-حبيبي عيوني ليك حاضر بس شويه كده اشبع منك اول‘.
تقي بضحك-(لو عشت ثانيه معاك بدنيا ومافيها هحتاج ايه بعدها خلاص كل اللي بحلم بيه وان انت فإيدياا انا من زمان شايفك بعنيا وبقلبي بتخليك جمبي ))
قطعها هادي بشفايفه بحب وشغف هو عايزها ملك ليه هو حبها ...حبهاا بجد حب كل تفاصيله فيهااا حبهاا ونسي الاء ..نسي الاء بتفاصيلها حب تقي من قلبه عايزاها معاه وبس مش عايز يشوف غيرها ولا عايز يبعد عن حضنها...
بعد فتره طويله...
قامت تقي تحضر نفسهااا وهادي حضنها من ضهرهاا بحب.
هادي بيجز علي سنانه-كده هنمشي..
تقي لفت ليه بي ابتسامه ولفت ايدها حولين رقبته-هنمشي بس حتي لو هنمشي ايه هيخليني ابعد عن حضنك يا روح قلبي انت.
هادي-كلي بعقلي حلاوه.
تقي-ههههه لا هاكلك انت.
هادي بمكر-هحلف منمشيش من هنا خالص.
تقي-تؤ تؤ هنمشي دانا هوفرلك يا اخي
هادي-ابوس ايدك متوفريش هيا خربانه خربانه خلينا هنا‘
تقي-لاء عشان نروح ولو حملت احمل في فيلتكم.
هادي انفجر من الضحك-تحملي ايه ياعبيطه انتي وربنا هبله احنا لسه متجوزين امبارح.
تقي-وماله نصبر علي اما احمل بس في فيلتكم عشان اما اعرف اني حملت افضل اصوت اسمع اللي في الفيلا كلهم.
هادي-خيالك واسع يا قلب هادي .
تقي-لازم يكون واسع لاني خيالي واحلامي ملك هادي.
شدها هادي فحضنه بحنان -بعشقك ياتقي بعشقك يااهديتي.
تقي-وانا بموت فيك ياقلب تقي...
-------
في بيت مروان ..
فاطمه -مروان ياا مروان انت يابني ادم رد.
مروان-بتنادي علي مين.
فاطمه -هو في حد اسمه مروان غيرك.
مروان-انا اسمي مروان لناس التانيه مش ليكي انا اسمي عندك انتي حبيبي.
فاطمه -هههه ياراجل
مروان-روح قلب الراجل.
فاطمه-نيجي لي الجد بقي.
مروان-قولي يامعلم ياعسل
فاطمه-لا اله الا الله محمدرسول الله(ص) ...المهم عايزه اسافر ومرجعش.
مروان بستغراب-ازاي .
فاطمه-اسافر يامروان نلف الدنيا وانت معاياا نعيش بره ياحبيبي هنرجع هنا نعمل ايه...
مروان -لوو عليا اسافر معاكي ومرجعش بس برضه ياروحي ليا شغلي وناسي هناا.
فاطمه -اممم خلاص بقولك ايه احسن حاجه بقي نحضر فرح هادي وتقي ونهرب علي بره نقعد شهر او اتنين وبعدين نبقي نرجع.
مروان بحب-موافق ياحبيبتي بس ايه طلع فدماغك الفكره دي.
فاطمه-عايزه اعيش معاك اللي معشتوش يااحبيبي.
مروان-عشان حبيبي اعمل اي حاجه لو هموت....
--------
ففيلا النجار...
بلال كان نايم بس صوت التلفون صعب اوي اوي ...بلال بضيق مين بنت الموكوسه دي.
بلال بضيق-عايزه ايه يابت كتك داهيه وانتي صداع علي الصبح.
شهد-صباح الخير ياقلبي.
بلال-صباح الزفت انتي بتصحيني ليه .
شهد-الله يسامحك انت هتفضل في السرير لامته .
بلال-ملكيش دعوه انا موتي وسمي ان حد يصحيني من النوم.
شهد-حقك عليا ياقمري بس عايزك فمهمه
بلال-"مهمه ايه لا انا زيكم ولا شغلي من شغلكم.
شهد-عندي مهمه قبض علي جاسوسه المهمه دي مش انا لوحدي دخل فيها اكتر من ظابط.
بلال
بلال-والمطلوب مني احب الجاسوسه بقي .
شهد-واقح وتعملها المهمه دي بأسم ولاء السيد عبودن...
بلال بستغراب-الاسم ده مش غريب عليا.
شهد-طبعا لان لما اتكلمنا في المهمه دي كانو بيتكلموا علي هادي اخوك .
بلال-بلال ويتكلموا علي هادي ليه؟
شهد-لان هادي اخوك كان بيحبها.
بلال بصدمه -مش فاهم.
شهد-بلاش غباء والكلام ده بينا...
هادي اخوك كان بيحب بنت اسمها الاء السيد عبودن ليها اخت اسمها ولاء السيد عبودن.
بلال-طب ما ده قولتلهولك امبارح.
شهد-ايش عرفني انا المهم جايه النهارده ولاء دي جاسوسه بين مصر واسرائيل ومش بس كده دي ...جالناا معلوماات انها عندها هوس بي هادي اخوك .
بلال-فهميني اكترر انتو عرفتو منين
شهد-انا مكنتش اعرف اللواءات كانوا عندهم خبر واسر كمان انا عرفت لما دخلت المهمه ثم هما مشغلين ظابط عندها بينقل كل اخبارها ليهم اسمه كامل.
بلال-احييه بنت الكلب .
شهد-المهم لازم اخوك ده يكون عنده علم من غباءها خلت ايدها اليمين كامل ده كل اخبارهاا هنااا عندنااا
بلال-يعني انتي هتعملي معاهم حاجه انتي.
شهد-لسه مش عارفه المهمه هتيجي ازاي بس اناا عايزه هادي بي اي طريقه هادي اللي هيساعدنا...لان انا قولتلهم كده.
بلال-وانتي ازاي تدخلي اخويا من غير ما ياخد خبر
شهد بغيظ-ليه هو اخوك شغال ايه يابلال منك لله
بلال-حرامي ياشهد اقفلي بقي خليني انام.
شهد بغيظ-اتخمد انا هتصرف مفيش منك منفعه بس وربنا لو كلمه من دي حد عرفها هنفوخك..
بلال-تنفوخيني دي الفاظ عروسه بتكلم عريسها .
شهد بجديه-اتنيل انا دلوقتي مش عروسه اناا بكلمك كااظابط اقفل يلاا
بلال-اقفل ابت اقفلي يوم فرحي انا وانتي ابقي كلميني بعد كده متتصليش بيا تاني...قفل بلال فوش شهد...
شهد لنفسها-ياربنا ارحمني
اتصل شهد بهادي ...
هادي-الو
شهد-ياعريس
هادي-ههههه ياا عروسه اخويا المستقبلي .
شهد -هههه اخوك ده مش باين ليا جواز معاه
هادي-شكله مزعلك الحيوان ده .
شهد-لا لا متقولش علي بلبل حيوان لو سمحت.
هادي-هههه ربنا يهني سعيد بسعيده....
شهد -هادي عايزاك فموضوع.
هادي-قولي ياشهد انا فالعربيه اهو انا وتقي راجعين
شهد-هقولك اسمعني بالحرف كويس.
هادي -معاكي يااشهد...
شهد**********
-----
فشركه النجار...
عند انس -اتكلم ياممدوح من الصبح انا مش فاهم مالك بجد.
ممدوح-فرح بلال وشهد امته ياا انس..
انس-شوف انت تبع ما تحدد الفيلا كبيره وموجوده بس اشمعنااا
ممدوح -لاني هتكلم معاك فموضوع محدش هيعرفه غيرنا لبعد موتي .
انس -بعد عمر طويل ياصاحبي في ايه بس مالك كده
ممدوح-مفيش حاجه بس حتت اني معنديش غير شهد بس نفسي اخليها اسعد حد بالعالم دي هتبقي فحمايتك انت عشان كده انا هكتب نص شركتي اللي معاك لشهد وبلال وانا اشتغل فيها وبعد موتي بلال يستلمها لوحده
انس -بعد الشر عليك ياا ممدوح ايه الكلام الزفت اللي بتقوله ده العيد الصغير بيجي قبل الكبير مش يمكن انا اللي اموت ياممدوح
ممدوح-بعد الشر عليك بس مفيش موت ان شاء الله بس انا عايز اكتبلهم الشركه..
انس -بس ده هيكون حمل تقيل عليا ومش فاهم هتعمل كده لسه بلال مش قد مسؤليه كبيره زي دي.
ممدوح-في ايديناا بعد جوازه نعلمه اكتر ونزيد الشغل عليه لان مش هنعيش ليه العمر كله لازم يكون جد ومفيش غيره مهندس..
انس بتنهيده-تمام بس برضه لازم اجيب معاه تقي مرات هادي ابني هيا مهندسه وشكلها ممتازه تيجي معاه ويشتغلو سوا
ممدوح-وهو كذلك علي بركه الله بس الكلام ده هنقفل عليه خالص.
انس -علي بركه الله تعالي
-----
ففيلا النجار...
هادي اخد تقي طالعها اوضته وتقي قالبه وشهاا...
هادي-ياا حبيبتي انا مش فاهم انتي قالبه وشك ليه
تقي-اصلي مختومه علي قفايا انا.
هادي بتنهيده-افهم ليه انا طيب نفسي افهم بس هو دي حاجه بي ايدي وبعدين عندها هوس بيا يعني هيبقي خطر علينا سوا اناا هروح عندهم.
تقي-انت ظابط شرطه ملكش في شغل تقي وغيرهم ملكش في شغل جواسيس وزفت ده شغل محابرات انت ايه جابك لي مخابرات روح ياهادي من وشي..
هادي مسك ايديها بس تقي بعدتهم
هادي-ياحبيبتي ما كلام شهد خوفني عارفه دي ممكن لو ساعتهم يبقي فيها علاوه ليا وممكن كمان اسجلها ونخلص بدل هيا مهوسه بيا وطبعا مخابرات هتكون مأمناني .
تقي-مش فاهمه هيا ملهاش شركات يعني
هادي-ليها بس اكيد اسرائيلين وبعدين دي بتبيع بلدها بي اخبار ما بالك بقي هتعمل معانا ايه.
تقي-وحبيتك امته دي مش فاهمه انا.
هادي-معرفش كامل بيقولهم حتي السرير عليه صوري .
تقي-انت كنت تعرف الظابط كامل ده.
هادي-لاء معرفوش والله...بس هتسيبني اروح يا روح قلب هادي.
تقي بضيق-بشرط .
هادي-اشرطي وانا تحت رجليكي .
تقي-متلمسهاش خالص حتي متقولش ازيك .
هادي-ازاي بس ياتقي
تقي-خلاص متروحش
هادي بتنهيده-انتي هتفضلي عقل اطفال والله بطلي هري كتير
تقي-والله انا بقي دلوقتي بقيت بهري كتير هادي طلقني وروح ليها
هادي بصدمه-ههههههه اطلقك يخربيتك احنا متجوزين امبارح.
تقي بتكشيره-يبقي طلقني النهارده...
هادي اخدها فحضنه -ياروح قلبي انتي ههههه بحبك جداً والله ياروحي اموت ومبصش لغيرك ومخليش حد يلمسك ده علي جثتي.
تقي بدموع-يعني مش هتخليها تقرب منك.
هادي-علي جثتي مش يمكن مروحش
تقي بتكشيره-يا ريت.
هادي -طب هاتي بوسه قبل ما امشي.
تقي-تؤ
هادي-اهون عليك
تقي -تؤ برضه
هادي بضحكه باسها من شفايفهاا ...الحناااااان انتي ياحب
تقي بضحكه-الحب انت.
-----
بعد فتره طويله...
في المخابرات ..
وصل هادي عند لواءت وكانت هناك شهد ..
هادي دخل وسلم عليهم...
شهد-اهلا هادي..
هادي-اهلا شهد ...
لواء نبيل-هادي انا عارف ان ده مش شغلك بس بي ما انهاا اخت لحبيبتك السابقه وغيرر كده وكده كامل بيقول مهوسه بيك عشان كده انت هتخررها...احنا هنكون مرقبين المكان وكامل هيخليناا ندخل اول ما تعترف هندخل ناخدها..
شهد-في حاجه تانيه يااهادي انا مرضتش اقولهالك ياا الموبايل .
هادي-حاجه ايه ياا شهد
شهد-كامل قال ملكفه بي خطف
تقي عشان تهددك بيها لو متجوزتهاش.
هادي بصدمه-ايه؟؟؟
شهد-زي ما قولتلك انا هجهزك وهركبلك التسجيلاات وزي ما قولتلك.
هادي بتوتر-انتي وترتيني علي تقي.
لواء نبيل-متخافش علي مراتك لان اللي كلفته بي خطفها كامل وده تحت ايدينا دي جاسوسه...ومش هتلحق تعمل اي حاجه.
لواء مظهر-شوف بقي لو ده نجح وقبضنا عليها واعترفت هتبقي عبره لي البلد كلها بس احنا مش عايزينها مايته احنا عايزين نقبض عليها كده...لان الاعدام فيها مش حرام اللي زي دي.
هادي-بس مش كان باين عليها اي حاجه .
لواء نبيل-دي ميه من تحت ربنا معاك يابطل لو خليتها تنطق بي كل حاجه واعترفت ساعتها الداخيله معاك هتتنقل نقله تانيه...
هادي-بإذن الله طب وتقي
شهد-سيبلي انا تقي خلاص بقي متقلقش.
---------
عند تقي قاعده تهري في الفيلا عايزه تعرف خبر عن هادي...والغيره هتموتها.
بلال-ما تقعدي بقي خيلتيني
تقي-والله يابلال مش ناقصه انا علي اخري
بلال-اه طلعلك لسانك ياشبر ونص انتي بعد ما اتجوزتيه
تقي-ههههه والله
بلال -والله ههههه قوليلي بقي مالك
تقي-مفيش بستني جوزي فيها حاجه دي
بلال-ماشي حتي لو بتستنيه هتفضلي تهري فنفسك كتير كده يعني ولا ايه مش فاهم انا.
تقي-معلش معلش اصلك لسه محبتش.
بلال بمكر-اومال سابنخ اللي انا خطيبها دي ايه؟
تقي-سابنخ هههههه هقولها
بلال-مبقتش اخاف.
تقي-انت مش كنت نايم صاحي ليه اطلع نام الله يهديك
بلال-انا عارف انتي بتهري في ايه متحوريش اصل شهد حكيالي .
تقي بصدمه-يعني انت عارف بقي كل حاجه.
بلال-طبعا
تقي-وبتحور عليا ليه داحنا حتي هندسه واحده.
بلال-هقولك ايه يعني ان هادي هينام معاها عشان تعترف
تقي بصدمه-يالهوي ينام معاها ازاي يعني
بلال بخبث-مصلحه بلده ياتقي
تقي-تحترق بلده قوم وديني لجوزي
بلال بخبث-اوديكي فين بس انتي مشوفتيش القميص الاسود اللي جاتلي بيه الشركه البت ولاء دي انا كنت بنهار.
تقي-دانا اللي بنهار حرام عليك انت ايه
بلال-مش بقولك هيحصل ايه بينهم عشان متتصدميش
تقي-لا اسكت
بلال-حاضر سكت
تقي-بلال بجد اللي انت بتقوله ده
بلال -هتعيطي ولا ايه ههههههه انا بهزر يامرات اخويا بجننك يعني هادي بيحبك اوي اثقي في ده وبعدين هو لو خلص المهمه دي لازم تجوزوني ماشي...
تقي-انا في ايه وانت في ايه.
بلال-ليه ياختي جت عليا
تقي-متزعلش حقك عليا بس سيبني دلوقتي عفاريت الدنيا بتتنطط فوشي.
------
في فيلا ولاء ...
دخل هادي وشاف كامل بره...
هادي -659
كامل بصدمه-ايه !
هادي-659 رقم السر لسه اخده دلوقتي من المخابرات انا عرفت انك معاهم ياكامل وهما شويه وهيوصله انا هدخل دلوقتي لي ولاء اخررها.
كامل بتنهيده-طب الحمدلله انك عرفت لانها كانت مكلفني بخطف تقي.
هادي-سيبهالي بقي
دخل هادي الفيلا وطلع فوق خبط علي اوضه ولاء .
فتحتلو ولاء كانت مفكره كامل.
ولاء بصدمه وفرحه-هادي انت معقول جاي عندي
هادي ببتسأمه خبيثه -ازيك
ولاء -ازايي ايه بس تعالي ادخل ونتكلم جوه..
هادي-ميصحش دي اوضه نومك
ولاء-طب ما انت طلعت وخبطت ادخل عادي.
هادي-طب البسي حاجه علي القميص ده لانه عريان اوي
ولاء-طيب بس ادخل
دخل هادي اوضتها بس اتصدم من صورو اللي فكل حته اتصدم من السرير اللي مطبوع عليه صورته .
ولاء -مصدوم ليه
هادي-لاء بس مستغرب اوي من صوري دي كلها..
ولاء قربت منوا-لاني بحبك من سنين بحبك ومكنتش عارفه اقرب منك ازاي لو مكنش شغلي بيلهيني عنك مكنتش هعرف اعمل ايه..
هادي بتوتر-طب لو سمحتي ابعدي عني شويه.
ولاء-انا بحبك ياهادي وانت بتحب غيري
هادي-طب ابعدي وبعدين انا هحبك ازاي قبل ما نقعد ونتكلم .
ولاء-طب اقعد السرير اهو. وهنتكلم في كل حاجه انت عايزها.
هادي بغموض-يعني احكيلي عنك
ولاء-انت عارف كل حاجه عني
هادي -بس معرفش بتشتغلي ايه وعايشه مع مين ومين بيصرف عليكي
ولاء بتوتر-عادي عندي شركه استدار وتصدير
هادي بجديه-انا سبت تقي بس عشان بتحب انسان تاني .
ولاء بفرحه- بجد
هادي -بجد من يوم ما شوفتك بتخيلك الاء ولسه مشدود ليكي يعني مركزتش معاها حاجه تانيه ابو تقي كان تاجر مخدرات يعني لما قالتلي ان ابوها تاجر مخدارت مزعلتش حبيت صراحتها يعني قبل ما ابدأ معاكي فحاجه متخبيش عني حاجه عشان مرجعش اسيبك
ولاء- بجد قالتلك ان ابوها تاجر مخدارت وحبيتها وبعدين ..انا مكدبتش.
هادي-تمام انا ماشي
ولاء بلهفه-استني طيب رايح فين.
هادي بغموض-انا ماشي اللي بيحب حد بيثق فيه وبيحكيالو .
ولاء-يعني لو حكيتلك هتتجوزني
هادي-كل حاجه وهقرب منك لانك بتفكرني بي االاء وممكن نتجوز علي طول ثقي فيا.
ولاء بلعت ريقها -انا كنت بشتغل جاسوسه بس هبطل هبطل كنت باخد معلومات من السفاره المصريه بنقلهاا لي السفاره الااسرائيليه.
هادي بصدمه- ايه وبعدين
ولاء -هبطل عشان ....
دخلو ظباط ومخابرات مصريه ...هتبطلي عشان هيتقبض عليكي
ولاء بصدمه-ايه انت كنت بتضحك عليا
هادي بضحكه استفزار-لانك حقيره انا احب حقيره زيك .
ولاء بلهفه وغل شدت مسدسها اللي في الدرج وضربت بيه هادي...
هجموا عليها الظباط منهم ظابط ومنهم مخابرات مصريه حطوا الكلبشات في ايديهاا.
دخلت شهد جريت علي هادي انت كويس.
هادي ببتسأمه-طبعا انتي مش ملبسني قميص ضد الرصاص عشان عارف ان واحده رخيصه زي دي هتعمل كده...
شهد-انت رمز كبير ياا هادي لي البلد دي متتخيلش هيعملولك ايه.
هادي-مش عايزهم يعملولي حاجه عايز اروح لي تقي اللي هتطقلني دلوقتي وهحضر لفرحك انتي وبلال..
شهد -هههه ماشي
هادي وهو خارج. بص فوش ولاء
هادي-عارفه كان ممكن اتف فوشك بس عشان دي خلقه ربنا مش هعمل كده حلال فيكي الاعدام
----------
عده اسبوع طويل بين نقار شهد وبلال عشان الفرح وبين فاطمه اللي بتحضر لسفرها هيا ومروان ومستنين فرح بلال وشهد الاول...
وبين هادي اللي تقي مجننه بموضوع الغيره من يوم ما بلال لعب فعقلهاا.
----
جيناا ليوم الفرح ...
هشام نزل من بيته كان رايح يركب عربيته ...شاف صافيه بس لما شافته لفتت وشها.
راح ليها هشام وهو مبتسم ..
هشام-صافيه!؟
صافيه-نعم طلبتك..
هشام-تتجوزيني ياطفله
صافيه بصدمه-ايه؟؟؟
هشام بضحك-ما صدقت اكيد يعني مش هتجوزك علي طول في فتره خطوبه نعرف فيها بعض اول.
صافيه بفرحه-انت بتتكلم بجد.
هشام-جد الجد
صافيه-بس انت كل يوم بتنزل ومش بتكلمني
هشام-كنت بحاول افكر ومتسرعش فحاجه عشان مكسرش حد واندم بعد كده ياصافيه.
صافيه بفرحه-ودلوقتي رايح فين بي الشياكه دي .
هشام-عندي فرح واحد صحبي تيجي معايا؟
صافيه -هروح بلبسي ده انا مش جاهزه ومقولتش لماما وهقولها ايه.
هشام -سيبلي انا الموضوع ده
---
في فيلا النجاررر...
ابتديت الحفله بعد ما الماذون كتب الكتاب...
هادي حاضن تقي وقاعد يهمسلها فودنهاا.
فاطمه-ما تتلم بقي ياهادي انت هتجبلي الكلام انت وتقي بتاعتك دي انا لازم اسافر بكره ياحبيبي
مروان-علي اساس انك مخليني محتاج حاجه ..
فاطمه بضحك-انت عايز كل حاجه.
هادي-هههههههه بقولكم ايه انا حاسس ان بلال قاعد مش علي بعضه.
تقي بضحك-وانا حاسه شهد هتضربه .
بلال بغمزه -مبروك ياعروسه دانتي ليلتك امك متقطعه..
شهد-بقولك ايه ما تقوم نرقص .
بلال-وانا اطبلك صح.
شهد-ههههه وحياتي يابلال خليني النهارده فرحانه...
بلال-وحياتك اغنيلك يااموزتي..دانتي وزه وبطه وحبييتي..
بس استني ده هشام جه اهو هسلم عليه وهغنيلك .
هشام دخل وفي ايده صافيه...
كلهم شافوا وبصه لفاطمه ..
بس فاطمه هنا محستش بي اي حاجه مسكت ايد مروان وهيا بتضحك ومروان باس ايدها .
هشام-اخيراً هتعقل .
بلال بضحك-اه عقبالك..
هشام-مبروك ياشهد مع انها خساره في جتتك
بلال لشهد-صحبي وبيحبني.
شهد-هههههه
بلال- مين المزه
شهد-اتلم ياطور هو انا مش واقفه.
هشام-ههههه صافيه خطيبتي
بلال بهمس-هو انت خطبت وفاطمه اتجوزت وانا مش فاهم حاجه.
هشام-لما تخلف عيال هبقي اقولك...
قرب هشام عند فاطمه ومروان وتقي هادي..ومد ايده لمروان...
مروان ابتسم-ومدله ايده.
وفاطمه-مديت ايدها وهيا مبتسمه وسلمت علي صافيه.
فاطمه-زي القمر ياصافيه ربنا يفرحكم يارب.
هشام-ويسعد ايامكك يافاطممه.
هادي-علي اساس اني انا ومراتي حيطه مفيش ازيكم.
هشام لسه هينطق ...بس سمعوا صوت بلال ماسك صوت المايك وبيغني..
(بقبوطه بطه ياوزه ياغزال علي عز اتغذا كل ما تمشي بي حنيه علي الارض بتعمل هزه ياغزال ماركت عسليكه ياجمال انت يافورتيكه)
كل اللي وافقين ضحكوا...
شهد بلال فضحتني انا هبقي عبره وسط الظباط اسكت...
بلال لسه مسك الختام ..
شهد يعني ايه..
بلال شهد علي شفايفه قصاد الكل وهو مكتفهااا ...بعد دقايق بعد عنهاا.
بلال بتنهيده-بقيتي مراتي قصاد العالم كله براحتي.
هادي اخد تقي فجمب ...
تقي مالك شددني ليه..
هادي -اركبي العربيه..
تقي بصدمه-ليه حرام عليك الفرح موجود
هادي-هنسافر الساحل والمره دي شهرين عسل كاملين مجتش عليا
تقي -طب استني يخلص الفرح هيقولو ايه.
هادي بهمس-فاكره لو عشت ثانيه معاك بالدنيا وما فيهاا.
تقي بضحكه-هحتاج ايه بعدها.
هادي بضحك-يبقي اركبي عشان مش اخليكي تحتاجي بعديها...
------
انتهت بحبكم
