الحلقه الثالثه ...
من روايه نيجار الحب....
.#سماح_محمود
.#samah_mahmoud so Mà
-----------
ضربت شهد الفون في الحيطه ..اه ياا واطي وربنا هتشوف مين شهد الشافي..بقي اناا شبه الكوره الكفر ده لسه ميعرفش بيتعامل مع مين ..ماشي ياا دلوع ابوك ان ما علقتك دلوقتي.
راحت شهد مسكت تلفونها تاني وفتحته...هشام بيه ازيك.
هشام-رائد شهد الحمدلله وانتي.
شهد-تمام انا عايزه منك خدمه بس انت في الشغل دلوقتي..
هشام-لو مكنتش في الشغل انزلك مخصوص.
شهد بجديه -بص في ولد صايع كده عايزاك تروقهولي علي الاخر بتاع نسوان وكباريهات وهتلاقي دلوقتي في الديسكو عايزاك تعلقه لما يعرف ان الله حق .
هشام-عنياا ليكي بس مين ده الواد اللي مزعلك اوي كده وازاي
يتعدي عليكي..
شهد-اديك قولت واد ..واد صايع ملوش اهل بس اول ما تمسكو كلمني وقولي عملت ايه عايزه منخيرو في الارض .
اسمه بلال النجار.
هشام بصدمه-بلال النجاررر؟؟؟اخوه هادي.
شهد بستغراب-اه انت تعرفه الواد ده ولا ايه.
هشام-طبعا وبعدين هادي صديق عمري يعني بلال مش هينفع اعمل فيه اي حاجه.. واكيد لو طلبتي من حد برضه مش هيساعدك انتي ناسيه سمعت هادي عامله ازاي في الداخليه.
شهد بغضب لنفسها-يلعن الحظ.
شهد لهشام-ماشي ياهشام بيه انا لازم اقفل دلوقتي سلام.
---
هشام لنفسه معقوله وبعدين ايه اللي لم بلال علي شهد ده وقعته سوده انا احسن حاجه اتصل اقول لي هادي.
اتصل هشام بهادي مره ورا مره وهادي مش بيرد بعد دقائق..
هادي-عايز ايه متصل ليه !!
هشام -اسمع بس ده في مصيبه.
هادي-ايه فاطمه عرفت انك متجوز عليها يارب تعرف يا اخي اقفل يلا.
هشام بتنهيده-يخربيتك اسمع انت تعرف شهد الشافي اكيد.
هادي بستغراب-اه مالها؟؟
هشام -اتصلت بيا دلوقتي وطلبت مني خدمه ..
هادي-خدمه ايه؟
هشام-اقبض علي بلال اخوك واظبطه وقالتلي انه حالياً قاعد في ديسكو ..هو في ايه وايه جمع شهد علي اخوك..
هادي بضحك -اكيد بتهزر تقبض عليه شهد دي نكته الواد معاه حق ..وبعدين موضوع طويل هبقي احكيلك عليه بعدين..
هادي بصدمه-استني انت بتقول ديسكو هو مروحش البيت وقعت امه سوده اقفل كان قلبي حاسس..
----
بعد فتره طويله...
انس -هفضل مستني كتير بقينا نص الليل حتي الكبير العاقل مجاش !!!
مروه -انت عارف هادي شغله بالليل الصبح اي وقت ..خلاص اطلع نام انت وانا هستني لما يجوا ..
انس -متحلميش اني انام ده يومه منيل نيله.
مروه-انت علي فكره داخل ولاقيتها هيا بتضربه ركز في الحته دي.
انس-اطلعي من نفوخي ...
.-
عند هادي وبلال قصاد الفيلا.
بلال -عرفت مكاني وجيت اخدتني عشان اتبهدل
هادي بجديه-اخرس خالص امشي ابوك دلوقتي هيولع فيك حضرتك سهران في ديسكو لا وشارب كمان ادخل واستلقي وعدك.
بلال -شارب عصير كوكتيل ياخوياا وبعدين ادخل انت الاول لو في زعيق شاورلي عشان امشي.
هادي شده من قفاه ودخل بيه الفيلا..
هادي بجديه-بابا ابنك عندك اهو اعمل فيه اللي انت عايزه مش هقولك لاء بس انا فعلا لازم انام عشان عندي شغل بدري واتنقلت كمان ...
انس بعصبيه-استني ياهادي مفيش نوم...تقدر تقولي يا استاذ بلال ايه اللي حصل هناك ده.
بلال- لا بقولك ايه انت متفكرش هتخوني بي صوتك انا مستحيل اتجوزها دي ضربتني.
انس -لم نفسك وانت بتتكلم معايا يا كلب ثم هتضربك من غير سبب قولتلها ايه .
بلال-مقولتلهاش حاجه هيا اللي مش طايقاني من ساعه ما دخلت لسه بسألها الظروف اللي بتجي للبنات بتجيلك او لاء هاجت عليا.
مروه -هههههههه
انس بص لمروه بغضب قفلت بوقها من الضحكه.
انس بعصبيه-انت غبي في حد يسال بنت السؤال ده.
بلال -يا بابا انت شايف ان دي بنت دانا لبس شورت احلي منها دي لبسه بنطلون ابوها باين.
انس بغضب-هادي خدو من وشي عشان مقتلوش وقبل ما تاخدو هتتجوزها ياا بلال وهقول لابوها كده بكره.
بلال-قولو ماشي انا طالع اناام بقي ياا جميل هاتي بوسه ياماما قبل ما اطلع ولا اقولك بلاش عشان جوزك واقف بيبص علينا..
هادي شده من هدومه قبل ما جنونت ابوه تطلع عليهم ..
-
طلع هادي فتح الباب وزقه ودخل هو اوضته..يستجمع ذكرياته من تاني وصورت الاءء اللي مش بتفارقه كل ليله ..
فلااااش باااك.
الاءء بفرحه-ايه ده انت مبتنساش عيد ميلادي ابداً ياحبيبي.
هادي بحب-حبيبتي ليا مين غيرك عشان اتفكر عيد ميلادها..
الاءء-انا بحبك وبعشقك وفرحانه اني حبيبتك..
هادي بضحكه-انا بعشقك واتمني امنيه بقي قبل ما الشمع يطفي في البرد ده.
الاء غمضت عنيهاا واتمنت...وطفت الشمع.
هادي ابتسم -كل سنه وانتي معايا ياعمري..
الاء مسكت ايده -وانت معايا ياحبيبي.
هادي-قوليلي بقي اتمنيتي ايه.
الاءء-لو قولتلك مش هيتحقق.
هادي-لا هيتحقق بس قولي قولي نفسي اعرف لو بتحبيني.
الاء بضحك-بحبك ايه ياعم انا بعشقك..بص ياسيدي انا اتمنيت اتجوزك السنه دي وربنا يرزقني بي بنوته منك واسميهاا تقي..
هادي بستغراب-اشمعناا تقي ؟
الاء ابتسم-الاسم ده بعشقه جداا ثم لايق عليك ياروحي حتي شوف ..تقي هادي النجار ..ونعيش بقي فرحانين بيها ونلعب بيهاا يااا حلم حلو اوي انا مبسوطه ياقلبي..
هادي بضحك-ياااه انتي عايزني ابقي اب انتي فظيع.
الاءءء -بس يا ابو تقي متتعبش قلبي.
بااااااك
فاق هادي من ذكرياته ودموعه نازله ..سبتني ليه ياحبيبتي ده حلمنا اللي كنتي عايزاه سبتني قبل ما نكمله ..مسح هادي دموعه ونام.
-------
نهار جديد..
في دكنه حسني شلبي..
حسني-اهو يا تقي الدكنه فيها شاي ..قهوه..وسكر وكل حاجه.
تقي بتريقه،-ومجبتش ليه نسكافيه وكابتشينو ..
حسني-هبقي اجيب سلام انا..
تقي بنظره وجع-بابا
حسني رد عليها بضهره..
تقي-مش مسامحك علي تعب تعليمي السنين اللي فاتت وترميني الرميه دي في دكنه .
حسني سمع كلامها وكمل طريقه ومشي...
وتقي اتنهدت بضيق -يارب انت اعلم بيااا ..دخلت تقي توضب الدكنه من جواه.
.
سيد ولا اعلي مش دي البت تقي بنت حسني شلبي.
علي-اه يالا ايه ده البت الصاروخ دي هتشتغل في الدكنه دي.
سيد-مش دي اللي بيقولو مهندسه الحاره اهي بقيت قهوجي الحاره.
علي -ههههه تعالي نشرب ونرخم عليها
سيد -يلاا دانا هشرب عندها ليل نهار صبح ومسا.
علي بخبث-صباح الفل ياعسل..
تقي بتكشيره -افندم
سيد بغمزه-عايزين اتنين شاي .
تقي عضت علي شفيتهاا..
تقي بعصبيه مكتومه-معندناش واتفضلو من هنااا.
سيد -ليه ماا الشاي موجود اهو ولا ده شاي ام حسن.
تقي بعصبيه-بقولك اتفضل من هنا مبنبعبش وهااااه ..
شاورتله تقي علي قسم الشرطه.
علي لسيد شد ايده-سيبك منها يلا ياصاحبي نمشي..
سيد بغموض-راسها ناشفه بس دخلت دماغي تتفكر اتجوزها.
علي بضحك-هتتجوزها فين دانت عايش انت وامك واخواتك البنات 9في 3 اوض انت مش بتاع جواز يا زميلي ثم انت معاك صنايع وهيا شهاده هندسيه.
سيد-بس دخلت مزاجي وبعدين شهاده هندسيه وبتشتغل في قهوه مشتغلتش بيها ليه..
علي-يلا بس نمشي الوقتي يااعم ..
سيد-بص يالا ده العربيه اللي جايه عند القسم دي ووافقين كده ليه هو الوزيرر جاي ولا ايه.
علي -طب امشي ياا حشيشه ده شكله ظابط جديد بس ايه ده شكله نضيف مش زي المعفن اللي قبله كان نافخنا في االراحه والجايه..
سيد-فكك يلا نمشي.
-
امين محمد-اهلا هادي بيه شرفتنا منور الدنيا كلها.
هادي بجديه وهو داخل-ربنا يخليك مكتبي فين!
امين محمد-اتفضل حضرتك اهو اللي علي ايدك الشمال .
هادي بجديه-تمام هاتي اخر محاضر متاخرين واطلبلي قهوه ساده .
امين محمد-تحت امرك يا هادي بيه.
-----
في فيلا النجار.
بلال بنعس- بابا بتصحيني ليه الشركه انا مهروحش دلوقتي انا دماغي هتضرب سبني انام الله يصالح حالك.
انس-قوم ماهو من شربك امبارح ولا مفكرني اطر في الزفه قوم يلا دلوقتي معايا ولو عليا مش عايز اخدك الشركه خالص انت مش مخلي موظفه تفضل او تركز في شغلها ..
بلال -طيب اهدا كده وصلي علي النبي لا يطقلك عرق وقولي مصحيني ليه؟
انس بتنهيده-عليه افضل الصلاه والسلام مصحيك ياا روح ابوك عشان هنروح دلوقتي فيلا ممدوح الشافعي تعتزر والا قسما بالله لا انت ابني ولا اعرفك واذا رديت عليا كلمه ..
قطعه بلال-طيب خلاص اخرج بقي علي اما اصحصح الهي يصحوها مايته البعيده.
انس قودمك عشر دقائق تلبس فيهم فاهم..
بلال بتنهيده-فاهم ياا عسل اناا عارف ليه بقيت من العيله دي.
انس -عشان حزني المستعجل ربنا رزقني بي واحد مفيش اعقل منوا وواحد عايز يروح العباسيه.
بلال-اديك قولتها بي نفسك العباسيه ليه بقي تكسف نفسك مع شريكك وتحوزني بنته اللي مش طايقها دي وبعدين انا بكرهاا دانا خايف منهاا قولي هخلف منها ازاي لما اتجوزها.
انس -زي ما سالتها سؤالك الغبي ابقي اتجوزها واخلص مش عايز ولا كلمه خلينا نلحقها قبل ما تروخ الشغل.
بلال-ماشي شرطي بقي انها بعد الجواز مفيش شغل اه انا راجل حمش في بيتي .
انس-انت حمش دانت كل يوم فب كباريه شكل إحمد ربنا يو رضيت تتجوزك تاريخها يشرفك مش انت كتك خيبه .
بلال-طب بطل تغلط بقي عشان انا هبقي حرم الرائد شهد .
انس-ههه قوم يالا اخلص كتك خيبه علي الصبح..
-----
امين محمد فضل ماشي يشوف قهوه يجيب منهاا قهوه لهادي بيه..لحد ما شاف اسم الدكن وواحده اللي جوه.
امين محمد-بقولك يا انسه.
تقي -اتفضل؟
امين محمد-بصي عايز واحد قهوه بس في فنجان نضيف كده وكوبايه ميه وهاتيه القسم اللي هناك ده عشان هندخله لهادي بيه لازم يكون نضيف تمام.
تقي -حاضر ماشي بس استني حضرتك خده انت مش هينفع اسيب الدكن ده وكمان انا مش بخدم حد.
امين محمد-لا تعالي انتي ثم انتي فاتحه الدكنه عشان تودي طلبات يعني عشان اكل عيشك لازم تخدميه عادي جدا ما انا عشان شغلي جيت اطلبها لهادي بيه هسيبك انا ومتاخريش القهوه...سابها امين محمد ومشي..
تقي لنفسها بحزن..علي رايك لازم اخدم اكل عيشي المهندسه تخدم حسبي الله في ابويا وفي مراته..
بعد شويه خلصت تقي القهوه وشالتهاا لحد القسم ..
دخلت تقي وقبلت عسكري
تقي-لو سمحت فين مكتب هادي بيه؟
العسكري -علي ايدك الشمال.
دخلت تقي جوه وفتحت الباب ودخلت.. كان هادي ماسك ورق بيبص فيه...
تقي بتوتر -القهوه حضرتك
هادي بصلها انها دخلت ومدقتش الباب..
هادي بجديه-مدقتيش الباب ليه.
تقي بتنهيده وحاطه وشها في الارض -اسفه .
هادي -انتي بتشتغلي في قهوه المفروض مش راجل اللي بيشتغل.
تقي -معلش الزمن بقي عايز كده اتفضل قهوتك اهي خليني امشي
اتفضل قهوتك اهي ...راحت تقي تحط القهوه ايدها اتهزت واتكبت علي هادي.
هادي بعصبيه-حاسبي القهوه اتقلبت عليا لما مبتعرفيش تشتغلي الشغاله دي كنتي بتشتغلي فيها ليه.
تقي بلهفه-اسفه والله .
هادي بعصبيه -اسفه ايه بس ابعدي عن وشي الساعه دي.
تقي بلهفه مسكت منديل-همسحهالك اوي.
هادي بعصبيه-قولت ابعدي عني.
دخل امين محمد ..
امين محمد بصدمه-ايه ده ياتقي اللي عملتيه ده.
تقي بدموع محبوسه-مش قصدي والله.
هادي بصدمه اسمك تقي؟
تقي هزت راسها ودموعها نزلت وطلعت تجري.
امين محمد-اكيد مش قصدها يا هادي بيه.
هادي بعصبيه-روح دلوقتي .
امين محمد-طب المحاضر اهي.
هادي -قولتلك سيبهم وامشي.
خرج امين محمد..
وهادي مسك دماغه بوجع واتفكر الاءء وهياا بتقوله..حبيبي امنيتي اتجوزك و نجيب بنوته نسميها تقي هادي النجار هبقي فرحانه اوي..
هادي بوجع خبط المكتب بي ايده ..الاءء ياحبيبتي البحر اخدك مني بدري .
-----
عند انس النجار..
انس بعصبيه-بقالك ساعه قاعد تتزوق ناقص تحط روج لما اخرتناا.
بلال-يوووه ما احنا قودم الفيلا اهوو وبعدين انا طول عمري لازم امشي شيك مش ذنبي ان اللي هتجوزها معفنه يعني.
انس -اخرس ولم لسانك ولما تدخل تصلحها حلو فاهم‘
بلال-عنياا رن الجرس بقي.
انس -مش لما تنزل من العربيه ياا اخوياا ..
نزل انس وبلال ماشي ورا يظبط فهدومه اللي عبره عن بنطلون جينز وتيشرت اسود و نضارته سوده والبرفان...
رن انس باب الفيلا .
شويه وممدوح فتح..
ممدوح بستغراب-انس كنت لسه هتصل بيك اني اتاخرت النهارده.
انس-انا اصلا مروحتش الشغل قولت اجيب بلال يعتذر من شهد..بس ياريت تكون موجوده .
ممدوح -اتفضلو اكيد لسه فوق بس فايزه راحت شغلها اتفضلو هتقفه من علي الباب كده..
انس بتنهيده -تمام تعالي يا بلال..
دخل انس وبلال قعدو في الصالون
بلال بضحك-فيلا مسترجله.
انس-عقبال ما تسترجل زيها.
بلال -الصبر هفجئك..
-
شهد بضيق-يوووه ايه جاب المتخلف ده هنا علي الصبح..
ممدوح بجديه -انتي الغلطانه متجننيش بقي وبعدين ضربتيه وجاي يصلحك.
شهد لنفسها-يخربيت دماغه يعني يستفزني بالليل ويجي يعمل قصادهم البرئ ماشي .
شهد بضيق-حاضر يا بابا اتفضل اما نشوف اخرتها..
نزل ممدوح ومعاه شهدد.
بلال لانس -الحق يابابا سعاد الهبله اللي بتضرب الناس بطوب نازله اهي..
انس بيجز علي سنانه-اخرس خالص.
انس-ازيك ياحبيبتي.
شهد ابتسمت-الحمدلله وانت يا اونكل..
انس-الحمدلله جينا عشان لو بلال زعلك في حاجه يصلحك ..اعتذر منها يا بلال.
شهد -ملوش لزوم عادي .
بلال -اهي قالتلك عادي يلا نمشي بقي.
انس -لا صلحها يلا اخلص..
بلال-الرائد شهدد الشافي اناا جيت اقولك اسف ..وعايز اقولك مش ممكن اعيش من بعدك ده خيالك جمبي ليلاتي وبقول لو ربنا ياخدك ..
شهد بعصبيه -بتقول ايه.
بلال -كنت اعمل ايه ياحياتي.
ممدوح-ههههه
شهد بغضب-انت جاي تتريق علي الصبح..
بلال-بغنيلك انتي اللي جاهله في الرومانسيه اعملك ايه.
شهد-محدش قالك تغني يا اخي.
بلال لانس -شايف يلا نمشي بقي انا ماشي..بس يكون في علمك يابابا اني جيت عشان مش عشان سعاد الهبله دي بعد اذنكم.
شهد لممدوح-بابا ده يقصد سعاد الهبله انا صح!!
ممدوح -لا يقصدني انا اطلعي انتي خلاص بقي.
انس -ممدوح هشوفك في الشركه لازم امشي دلوقتي.
-------
توقعاتكم
