مفترق طريق

الجزء الثالث

#مفترق طريق
#بقلمي شمعة امل
#الجزء الثالث

زمرد......وبعد تفكير ....
وافقت على #خالد .....
....وبدينه باجرائات الخطوبه .....
ومثل مكلت مسبقا
اهلي كلهم موافقين .....
لذلك اني هم وافقت ....
........ماكان عندي فد خيار آخر ...
أو بالأحرى.....
ماعندي فد سبب مقنع حتى ارفض ...
......والإنسان الي تمنيته يكون بيوم من الايام
.....شريك حياتي
اصلا اختفى من الوجود .....
....يله .....يجوز هاي قسمتي ويه خالد .....

........بالبدايه كانت ماشيه الأمور كلش طبيعيه
رحنه اشترينه الذهب ....
بعدهه رحنه اشترينه الملابس والمكياج.

وكان خالد كلش لطيف ويايه ومرح ....
احنه صح كنا مجهزين كلشي
حتى غرفة النوم كانت جاهزه خالد كان مشتريهه
قبل ميجون يخطبوني
غرفته الأولى باعهه من اول مقرر انه يخطب
......لكن
كان زواجنه المفروض يتم ....
بس والدته كالت ميصير العرس هسه
لازم يتاجل
لان بعدهه ....
......السنه مال ابوهه مطالعه
ويا طركاعة السوده ....
زمرد .....انت صدك تحجي خالد ....
ويعني انت ظامن انه منا لحد متطلع السنه مال جدك
محد يموت
زين واذا مات شخص آخر خلال هاي الفتره
هم لازم ننتظر إلى أن تمر سنه كامله
شنو ليش احنه بيا عصر
عليك الله انت مقتنع بهذا الشي
السنه مالت جدك بعدلهه 10 اشهر يله تخلص
واحنه ماعدنه شي يعطلنه
وماكو شي نقص
خالد ....اعرف والله ياحبيبتي بس لخاطري
مشيهه ...
يكلون فتره الخطوبه أحلى شي قبل الزواج
خلينه نعيشهه براحتنه
نطلع ونفتر ونتونس
....... واواعدج ....
مراح اخليج تنسين هاي الفتره ابد ....
وحتى احنه هم نتعرف على بعض أكثر ....
وتكون بيناتنه ألفه أكثر ....
ولا تنسين يعني هذا ابو امي شسويلهه
اذا هيه بعدهه لابسه الأسود

زمرد .....زين واني شنو ذنبي ابقى معلقه
لحد متطلع السنه
مافكرت انت متريد تستقر ابيت بعد وفاة زوجتك وبنتك الله يرحمهم
خالد .....عفيه لاتكلبين عليه المواجع زمرد
زمرد .....اسفه والله خالد
موقصدي ....
بس لعد انت مصارلك فتره طويله من فقدتهم
يادوب 4 أشهر
وهسه انت دتخطب وتريد تعيش حياتك طبيعيه
اشمعنه هيه الوالده تكول لازم تطلع السنه مالت جدك

زين جدك مات والله يرحمه سواء تزوجت
انت اليوم أو بعد سنه شنو راح يفرق ويه الوالده
قابل جدك راح يرجع للحياة
.....خالد أعذر عصبيتي ونرفزتي وياك ...
بس انت متشوف انه هذا الشي غلط
زين هسه هيه والدتك ...
مو دتضحك وتسولف وتتشاقه وعايشه حياتهه
كلش طبيعي بس الفرق انه هيه ملابسه
ألوان ....
لابسه اسود ....
ليش هو الحزن بلون الملابس فقط ...
وبعدين لو هيه فعلا تريد سعادتك
اصلا جان هسه احنه متزوجين
.....شوف خالد اني مااريد احرظك
على والدتك ...
بس اني لو بمكانهه صدكني مااوكف بطريق سعادة ابني بسبب شي تافه مع احترامي الك وللوالده

بس انت كلي كلامي بيه شي غلط لو لا

خالد .....لا زمرد انتي مغلطانه بشي
بس يعني انتي فهميني ...
إذا هيه تكول اني بعدني حزينه على ابويه وهو مصارله شهرين متوفي
شلون ترديهه تقبل اتزوج
زمرد لعد انت عندك ثنين ماتوا مرتك وبنتك
وهسه انت تريد تتزوج
شنو فرقك عنهه ماكلتلهه هيج ....