مفترق طريق

الجزء الثامن

#مفترق طريق
#بقلمي شمعة امل
#الجزء الثامن

حسام .......ماصدكت ....
معقوله بعد هاي السنوات كلهه ارجع اشوف حبيبتي
هم ارجع اشوف وجه زمردتي

بس هيه يمكن متعرف انه اني تزوجت
وصار عندي ولد وبنيه
لج اخ يازمرد ....شكد مشتاق اشوفج هسه ...

.زمرد ... سديت المبايل ويه حسام
واني مااعرف شلون اوصف مشاعري
بين فرحانه
بين مرتبكه
بين فد إحساس ب.....
ماادري ..
احس عندي هوايه امور اريد احجيهه اله
وبنفس الوقت
وكأنه عندي إحساس بالغضب ...
فد شي
مااعرف شلون اوصفه ...
يجوز فد عتب .
مشاعري ملخبطه
وكأنه عقلي توقف عن التفكير
بمجرد سماعي لصوته
وكأنه دنيتي رجعت تبتسملي من جديد
.ماادري ....مدافهم هاي الخرابيط الي الآن دتدور براسي شنو
ووين اريد اوصل ....
باجر اتفقت وياه انه نتشاوف بمكان عام ....
فرحانه لان راح اشوفه
وبنفس الوقت احس وكأنه حاقده عليه

ثاني يوم ...
اني ماعندي شي بالدوام
مجرد محاظره وحده وطلعت ..
.....رحت على المطعم الي متفقين عليه
كانت الساعه تقريبا بالعشره
اكو مطاعم هيج وقت مفتحين
..... وصلت المطعم ...
دخلت ......باوعت يمنه يسره ....
شفته كان كاعد بمكان بعيد .....
واول مشافني اجاني ....

حسام .....كنت متلهف لشوفتهه. ....
صح احنه متفقين على موعد ....
بس قبل الموعد بساعه اني كنت متواجد أمام باب المطعم
....مامصدك
...بقيت انتظر وبقن عيوني مركزات على المدخل
.....لحد مصارت الساعه عشره ....
وشفت وحده مثل الكمر اجتي من بعيد ....
هيه .....اي هيه .....
صاحبة هذيج العيون الي كانت مدوختني بيهن

.....دخلت وكانت تباوع يمنه ويسره
.....اول مشفتهه وكفت ورحت استقبلهه
وهي أول مشافتني
روتني بضحكتهه الحلوه ...

حسام .....شلونج زمرد ....
زمرد .......بعدك مثل ماانت

حسام ..  وانتي بعدج حلوه مثل قبل
ماتغيرتي ....
تعالي خلي نكعد فوك بالطابق الثاني
مابيه أحد اريد اسولف وياج بهدوء ...

زمرد ....ماشي......
ورحنه صعدنه للطابق الثاني. ..
وكان فعلا فارغ ...
ماعدا يمكن أربع نفرات
كل رجال ومره كاعدين على طاولة ....

واحنه هم شفنه مكان حلو وكعدنه ....

.........سحبلي حسام الكرسي ...
وكعدت ...
وهو كعد على الكرسي الي بصفي
ماقبل يكعد مقابيلي .....

انتبهت على ايده ....
مابيهه حلقه ...
بس الاثر موجود ....
والايد الثانيه ...
كان لابس بيهه خاتم رضوي ....
حلو لايكله ...

.....وقطع حبل افكاري صوت حسام ...

حسام ......شلونج زمرد. ....
متدرين شكد فرحت من سمعت صوتج
وين غبتي هاي السنين كلهه
شنو الي صار وياج
وشلون هسه عرفتي مكاني ...