مفترق طريق

الجزء التاسع

#مفترق طريق
#بقلمي شمعة امل
#الجزء التاسع

زمرد.....بعد ماجبت الجهال
رجعت للبيت
رجعت لعالمي ...
رجعت لواقعي المر ...
مااكدر اكول كله مره لان ماطول أطفالي بيه
اشوفهه همه الي مخلين لحياتي معنى
همه الي مخليلهه فد نكهة حلوه ...
وبدونهم مااكدر اعيش ...

بقيت الليل كله افكر واسترجع ذكرياتي المريره
وذكرياتي الحلوه الي كانت ويه حسام
والف سؤال وسؤال
في بالي
والف حسره على الي راح من حياتي

بعدين انتبهت على صوت المنبه من دك
اثاري اني الليل كله منايمه وبقيت كاعده وأفكر للصبح
طفيت المنبه
كعدت الجهال
ورحت  للمطبخ اسوي ريوك
بين مبدلوا ملابسهم واني هم بدلت
ابوهم طلع قبلي بعد مااتريك لان كان عنده محاظره من وكت
واني لا......
اليوم اصلا ماعندي شي بس مجرد كم شغله بسيطه
اخلصهه وارجع للبيت
صعدوا الجهال بالسياره
واني دااقفل بالباب ...
واجتني رساله على الواتساب ...

مشفتهه بالبدايه ماعندي مجال افتح الجنطه وعود اطلع المبايل واشوف منو دزلي من الصبح
وكلت هاي اكيد وحده من صديقاتي لو ابو الجهال

وصلت البنات لمدارسهن
وابني محمد للحظانه

كملت طريقي للجامعه
دخلت لمكتبي ....
طلعت مبايلي من جنطتي وبديت ارتب باوراقي
المبعثره ....

تذكرت انه وصلتني رساله على الجهاز
فكلت خلي اشوف
ومن افتح المبايل ....

كانت أحلى رساله صباحيه من حسام ...

ابتسمت ....
ورديت عليه بصوره صباحيه حلوه ....

كتبلي ....
......اتصل ....

زمرد .....نعم ....
.....حسام .....فرحت من ردتلي جواب
واتصلت عليهه

.....الوووووو

حسام .....الووووو صباح الخير ....
ياهله بهالصوت الحلو

زمرد ...ههههههه صباح الخير. ...
حسام .....كنت راح اموت من القهر لو مرديتي
عليه ...

زمرد .....ليش ...هو شكو ...

حسام .....مشتاقلج حبيبتي

زمرد ....اي تمام ...
بس لاتكول حبيتي
حسام .....ليش ....

زمرد ...بدون ليش لاتكولهه وخلص ...

حسام .....ماشي ....
اريد اشوفج ....

زمرد ....ليش .....
حسام ....غير حبيبتي ومشتاقلهه وعندي هوايه حجي وياج ....

زمرد ...مو كلنه لاتكول حبيبتي

حسام .....صار حبيبتي ....
يله هسه شوكت اشوفج .....

زمرد .....هههههههههههه زين ماشي .....

حسام ...عندج شي هسه ...
زمرد ....لا اليوم اصلا معندي شي ..

حسام ....زين لعد نتلاكه بنفس المطعم فد خمسة دقائق
زمرد .....لا خمس دقايق شنو و
أقل شي فد نصف ساعه ينرادلي يله اوصل