#مفترق طريق
#الجزء الرابع عشر
#بقلمي شمعة امل
زمرد ......بعد مرور 3 شهور على طلاقي ....
طبعا صدك معدن الناس يبين بالمواقف ...
يعني هسه اني انفصلت ...
يعني مامسويه شي غلط ...
والطلاق حق شرعي الله حللهه للمرأه
يعني هسه الناس شعليهه
يعني من يكلون الشرع محلل 4 نساء للرجال
ويتزوج عدة مرات
اشو مساله كلش طبيعيه
بس من تتطلق المرأه يعتبروهه مجرمه
تره الشرع هو هو مااتغير
يعني اهلي من الناس عادوني لان انفصلت
امي الي المفروض هيه أقرب الناس إليه
كل متشوفني تحجي عليه
وتعايرني وتكلي جهالج هم راح يصيحولهم
ولد المطلقه وبنت المطلقه
يعني المجتمع شكد يتطور بس مع الاسف تبقى العقول هيه نفس العقول
مع احترامي للزينين
اخويه الي كان كلش قريب الي والمفروض حزام ظهري
الآن اني اصبحت بالنسبه كسرة وجه
وحتى ميعجبه يسلم عليه
ابويه الي المفروض هو سندي بالدنيه
اصلا مراضي عليه
جيراني أقاربي
كلهم اشوف نظرتهم الي تغيرت ....
ومحد بيهم ساندني بمحنتي
لأ من كنت متزوجه ولا حتى بعد ماانفصلت
هسه يله عرفت اوادمي
وكان من عدهم مصالح يعرفونه
أما الآن اصبحوا مااعرف شأكول عليهم
مع ذلك اكول الله موجود هاي قناعتي
بعد انفصالي من خالد
هم بعد صارت مشاكل
تعارك ويايه بالجامعه لان طالبته بدفع النفقه الي حاول ان يغلس عليهه بحجة أنه الآن ماعنده وهو راتبه كله على كلبه
وبعدين ثنيناتنه ترزلنه رزاله تمام من العميد وخصوصا هو لان ضل يحجي ويلاسن ويه العميد
وطبعا هاي الحاله اول مره تصير بالجامعه
دائما كنا نحاول نبعد حياتنه الشخصيه
عن العمل
بس بالنسبه الي فعلا فار دمي
من شفته يتشاقه ويسولف ويه الطلاب والاساتذه
ولا عبالك ومامهتم
انه مدافع نفقة الجهال
وعايش حياته
واني صار كل اللوم عليه
وكأنه سويت شي مخل بالشرف
مو بس اتطلقت
بعد ماعرف العميد بطلاقنه وبالمشكله الي صارت بالجامعه
طلب انه واحد من عدنه لازم ينقل
وكان بالنسبه الي المساله صعبه صح بس مااكدر انقل
بسبب ارتباطي مع أطفالي والي طريقهم نفس طريقي
وشويه الجامعه أقرب على البيت
صح مسافه بعيده
بس هم اعتبرهه أقرب
ومن شرحت هذا الشي للعميد
تفاجات بأنه خالد كال هو راح يقدم طلب النقل
وهاي واخيرا خلصت من شغله
واعتذر مني
وكال راح يدفع نفقة الأطفال ....
بعد ماشفت الكل ابتعد عني
وبالنهايه صفيت وحدي
حسيت روحي فعلا انكسرت
لا آب لا ام لا اخ ولا اخت
ولا زوج ولا اقارب أو اصدقاء
مااعرف ليش نظرت الناس هيج صارت
ليش المجتمع بعده رجعي
يحجون بالدين والشرع وهمه مامطبقين
أبسط الاشياء
وكل الي يسووه مجرد رياء
أنت تقرأ
مفترق طريق
Chick-Litحبيبين يفرقهما القدر ....ثم يجتمعان بعد خمسة عشر عاما قصة حب عمرها عشرون عاما وعندما كنت أبحر إليك طيفا يداعب روحك... كنت تجرب وسائل الأسر إن كانت على مقاسي وأنا التي لا شيء معي سوى حنيني إليك. .... كنت أود الإحتفاظ بك وبذكرياتنا ومازلت بهوس الك...
