#مفترقطريق
#بقلمي شمعة امل
#الجزء الخامس
الآن راح تبدي الطلايب. .....
خالد ......وانتي شعليج اني اريد اخلي منفذ بين بيتي وبيت اختي يجوز تحتاج شي
زمرد ......ويعني ......واذا احتاجت شي.
......تكدر تشوفهه من يم باب بيتهم ....
لو إلا تفلش الحايط
هو ليش اني راح امنعك تشوف اختك شمحتاجه
...خالد ....اي واني اضل اروحلهم من يم باب بيتهم
سويت هيج فتحهه احسن
زمرد .....زين وهاي فكرة منو ...
خالد .....شنو قصدج ....
زمرد ...انت تعرف شنو قصدي ...
خالد .....امي كالتلي بيهه واني ايدتهه
زمرد ...هااا اممممك .......
يعني الي تكلك بيه امك لازم يصير ....
يعني رأي امك يمشي وانت ماعندك رأي
ليش هو هذا مو بيتنه واحنه أحرار بيه
واذا اختك صارت يمك يعني لازم هاي الباب
شنو مسمار جحا ...
ليش ماكو إخوان كاعدين واحد بصف الثاني
ومامسوين هاي الباب
خالد ... ..هسه انتي شنو غاثج بالموضوع
هيه مجرد باب بيناتنه ...
زمرد .....اني مو بس شغلة الباب غاثتني
اني الي مضوجني انه انت سويت هاي الشغله ومكتلي بيهه ليش ضميت عليه ....
شكو رحت اتفقت انت وامك بسكوت ...
خالد .....لاتكلين امك ....احترمي ...
زمرد .....هاي شبيك 😰
ليش هيه مو امك ....
وبعدين شنو احترمي ...
ليش هو اني شكلت .....
خالد ....اكلج هذا الموضوع سديه وبعد لاتحجين بيه ...
افتهمتي لو لا .....
روحي شوفي بنتج كامت تبجي
شلون ام مهمله ....متسمعيهه ...
....وعافني وراح يشوف نور ....
زمرد ...ياااا هاي انت صدك تحجي. ...ليش هو اني مو النهار كله أعزل بالبيت وهم ماعفتهه
وهسه أني مصارلي أقل الساعه من عفتهه
وتجي تكلي مهمله ...
خالد .....بس ....كافي عاد .....نفختي راسي ....
اروح لبيت اختي احسن ....
وعافنه وطلع لبيت اخته من الباب الكشره .....
الله لايوفقج ام خالد على هاي الدكه .....
رونق .......كاعدين نباوع تلفزيون .....
وجان نسمع صوت الباب مال المطبخ دتندك
.....منو ....
خالد .....هذا اني خالد ....
رونق .....رحت فتحتهه ....
هله هذا خالد ....
شلونك ....تفضل
خالد.....هله بيج .....
واجوي الجهال عليه يبوسوني .....
رونق ....اي شلونك خلودي ....
خالد ....زين ....
رونق ...شبيك ضايج .....شنو متعاركين
خالد ....شمدريج .....
رونق ....من كنت اجيب الهدوم الي على الحبل الي يم الباب المشتركه سمعت صوتكم عالي ....
خالد ....شنو انتي دتتصنطين علينه ...
رونق ....لا ....شوف ..شلون
بس كلت خاف صار شي ياستار ...وبقيت اسمع الحجي ....
خالد .....شسوي ...عقلهه زغير ....
رونق .....اي عيني خلي تولي
...لا تخليهه تصيطر عليك ....
وكفهه عند حدهه
هو ليش منو رجال البيت انت لو هيه ....
أنت تقرأ
مفترق طريق
ChickLitحبيبين يفرقهما القدر ....ثم يجتمعان بعد خمسة عشر عاما قصة حب عمرها عشرون عاما وعندما كنت أبحر إليك طيفا يداعب روحك... كنت تجرب وسائل الأسر إن كانت على مقاسي وأنا التي لا شيء معي سوى حنيني إليك. .... كنت أود الإحتفاظ بك وبذكرياتنا ومازلت بهوس الك...
