Harry Potter auf Schweizerdeutsch

E Einsami Insle

Sit das mit de Brief passiert isch, isch bim Vernon völlig de Zapfe ab und er het entschiede en Familieurlaub ufere einsame Insle z mache. Leider isch das nöd ganz so usecho wie sich das die einte vorgestellt hend...

Petunia : Isch das würklich s beste gsi wot gfunde hesch Spatzi?
Vernon: Wenn ichs doch sege Schmusemüsli!
Petunia : Also ich het ja scho chli meh erwartet... Aber tja denn halt.
Vernon : Jetzt tue doch nöd immer so!
Dudley : Heimatstudebeck! Wenns jetzt denn nöd sofort öpis z esse git, denn rast ich us! Warum mues de Gusti eigentlich überhaupt mittcho?!

Innerlich het de Harry sich scho 10 mal at Stirn ghaue und t Auge verdreht, aber er weiss wenn er das würklich würd mache chämt er uf de Deckel über, also het ers eifach glah. Trotzdem rege ihn die dumme Ussage vom Dudley so fest uf, das er sich würklich beherrsche mues.

Petunia: Alles guet Dudywuts, mir sind sicher glii da, dete hets sicher es 5-Sternehotel, kei Angst.

Echli peinlich berüert luegt de Vernon zu de Petunia übere, natürlich immer no halb uf t Strass schlielend.

Vernon: Petunia schätzeli ich wär mer da nöd so sicher, es isch chli abglege...
Petunia : Ja das isch ja nöd so schlimm, solang öpis z esse git.
Vernon: Da wär ich mer au nöd so sicher...
Petunia : Heilige Herdöpfelsalat, seg nöd mir gönd go Campe!
Vernon: Nöd direkt, aber Luxus isch es au nöd grad..
Petunia : Vernon red nöd in Rätsel, wo fahred mir zum Geier ane?!
Vernon : Ah Lug mir sind da.
Petunia : Ähm das isch en Stäg mit emene Ruederböötli, das isch dir ufgfalle oder?
Vernon: Ich weiss, mir mached au nöd da Ferie söndern dete.

De Vernon het mit sim Auto parkiert und zeigt jetzt mit sine Wurstfinger uf es chlises Inseli das meh amene übergrosse Stei gliicht. Immer no schli sprachlos stottered t Petunia öpis vo ' unmenschlich' und 'nöd verantwortbar'. Aber schlussendlich het sie sich au dezue chöne überrede lah I das Ruederböötli z stiige.