أحلام اليقظه بقلم شيماء المشهداني الناشربارق العراقي

الجزء الخامس

#احلام_اليقظه
#الجزء_الخامس
#بقلم_شيماء_المشهداني
#الناشربارق_العراقي

ضلينا سهرانين للصبح اني وفراس وتالي اني كتله نعست باجر وراي روحه لاهلي ..
شعندك ..
هااا غير افض موضوع لينا ..
شتسوي ..
شبيك فراس غير اطلكها منه ..
اي احسن ...
اني هم رايح ..
نزل فراس باوعت الساعه ٢    .. مترهم اتصل بامي باجر اروح افض سالفه لينا وهم افتهم منها .. بس لا امي دتعرض اختي على فراس لان حتطلگ من امير .. هو فراس مو غريب واني اتمنى بس على الاقل اختي تطلگ وبعدها نفكر هيج تفكير والله امي شنو سوالف عدها نسوان بعد ..
نمت بالخمسه واني اتگلب وابجي مثل كل ليله ..  وادور على ريحتها واشمها واتخايلها كدامي  ميمر الليل عليه اذا مو اتحسر عليها وعلى حياتنا الي انتهت   ..
كعدت بالتسعه على صوت جرس الباب ..
كمت فتحتها ...
جانت رند وهي تبجي  ..
مصطفى عفيه .. 
اشبيج رند ..
امي تعبانه فقدت ..
صدك  ..
رحت طبيت للبيت لگيتها فاقدة سالتها هي شعدها شنو مرضها ..
سكر ..
أتصور عدها نوبه سكر ..
نزلت على كم شاب حتى نشيلها ورند تبجي عليها وتشهگ .. وغيرت واخذت محفظتي ونزلت 
خليتها بسيارتي.. وطلعت بيها للمستشفى ورند كاعده يمها وحاطه راس امها بحظنها وتبجي دخلوها بالطوارىء ضربوها ابره وكالوا هبط سكرها كلش ورة شويه صحت ..
امي كلسع تتصل ..
رديت عليها ..
امي اني بالمستشفى اكمل واجي لان أم رند تعبانه ..
يا خطيه لا ابني لاتعوفهم عيب رند معافتنا بالفاتحه ابد ..
لا يوم مااعوفهم .. شنو الاخبار  احد بين من أهل امير ..
لا سكتة بس باجر تجي من الصبح حتى نروح للمحكمه نرفع دعوى ..
يوم مو خاف لينا بعدها تحب زوجها وو ...
مصطفى انتظرك باجر .. وسدت التلفون ..
عفيه امي من تقفل بعد .. شكد امير ابن عائله طيبه وملياردير مجرد أنه تجاوز على مرته ومد ايده حجت بالطلاك ..
رحت للغرفه حتى اشوف رند لكيت رند تباوع من الشباك وصافنه  .. عيونها مغورگه .. ..
اشبيج رند لاتخافين مابيها شي ..
ان شاءالله ..
بدت تصحصح .. وفتحت عينها وكالت اني وين ..
اول مرة التقي بامها واستغربت على رند شلون ضعفت كدام امها وامها كبيرة السن قد يكون الموت راحه الها ..
ها امي اني يمج ..
اني وين ..
بالمستشفى السكر هبط عندج ..
اجا الدكتور بعد ما بلغته أنه صحت أم رند ..
وگفت يم الشباك والطبيب  ديحجي ويه رند أنه هاي من العلاج يصير هبوط بالسكر لاتخافين وضعها احسن ان شاءالله ..
بقيت اباوع وجان يأذن الظهر وطلبت من الله عز وجل بهاللحظه أن ينطيني الصبر واعيش حياتي مثل الناس .. ودمعت عيوني ..
أم رند منو هالشاب .. مسحت دمعتي والتفت عليها وكتلها ها خاله .. شلون صرتي ..
الحمدلله احسن يوم ..
رند هسه اجيج ..
طلعت من المستشفى حتى اجيب لكمه الي ولرند حتى تاكل  بعد ماسالت الطبيب يصير تاكل أم رند حتى اجيبلها شي ..
كال غير صدر الدجاج لاتجيب الها وخبز شعير ...
انتظرت ابو المطعم يجهز الاكل ورحت غسلت ايدي أو وجهي شويه ارتاحيت الخنگه موتتني ..
واخذت الاكل ورجعت للمستشفى لكيت رند نايمه وامها كاعده ضحكت ..
كالت امها .. نامت تعبتها اني  الليل كله سهرانه وياي متنام ..
بارك الله بيها بس خاله انتي تبينين جبيرة بس من تحجين غير شكل ..
اي ابني من القهر هو اني عندي رند وسرمد .. سرمد كتلوه بالطائفية وبدت تبجي .. خاله خاله لاتبجين موزين عليج جبتلج شلون دجاج ..
اي يمه اشكرك ..
كعدت رند ..
ها مصطفى جيت..
اي كومي اكلي ..
كامت غسلت واجتي تاكل ..
هنا الام باوعت عليه وهي تاكل ورند جانت جوعانه ومطمئنه امها زينه .. وكالت الام  ..
يمه انت مبين عليك هاديء .. وابن ناس طيبه ..
اي يوم اشكرج شلون اعوفكم بهالشده ورند ماقصرت وياي ..
اي يوم بس الي أقصده  هالله هالله بمريتك شلون تخلي اخوك يمد ايده عليها
هنااا صفنت على كلامها ..
كتلها شنو خاله ..
رند ارتبكت وكالت يوم هاي وين شمرتي هذولي جوارينا القدامى ..
أم رند ..
انتي مو گلتي مصطفى .. شمدريني ...
رند بارتباك يوم يوم اكلي حتى تاخذين الدوة وباوعت عليه .. ونصت صوتها وكالت ترى امي عدها نسيان وتحجي بكيفها اعذرها ..
اني كتلها .. لا طبعا اعذرها ..
يمكن كلام الام كنت افسره مرض وتهذي  لحالها ..
بس ارتباك رند كان مو طبيعي .. قلبت الموضوع وبدت تحجي بسرعه .. وماتركت امها ابد الا وهي نايمه راحت للمغاسل طلعت وراها امشي شفتها طلعت من المغاسل تركض ورجعت للغرفه ..
جانت رند خايفه من شي  وتعرف شي بس شنو هووو ..
اني متاكد زوجتي ماتت حاليا .. بس اكو شي خلاها تطلع من البيت غير الاولاد وبعد ماطلعت ماتت بالانفجار .. اي هاي حقيقه ابقى اكذب على روحي اني هي طلعتها مجانت بمحلها .. بس اخويه شنو .. 
رجعت لغرفه رند وطلعت امها من المستشفى وصلتهم للبيت وصعدناها للحجيه اني وكم شاب بالمنطقه وهي على الكرسي المتحرك وفوتتها للشقه وطبيت لشقتي سبحت واني جوه الدش اتذكر كلام أم رند وكلامها يرن باذني ..
ليش تخلي اخوك يمد ايده على مرتك ..
شنو علاقه مرتضى بالموضوع ..
طلعت من الحمام وغيرت ملابسي .. شفت دفتر صغير بالكنتور جان فارغ وجبت قلم ودونت  وكتبتها ملاحظه هي وتاريخها ويومها أم رند كالت ... بين قوسين سجلت ملاحظتها  ..
ومن التفكير والقلق ..
لزمني الم بطني مرة ثانيه وقررت اروح للطبيب . ..رحت للطبيب جانت اكو عياده يم العمارة اكو اختصاص باطنيه  سوالي سونار وكال .. عندك المرارة متضخمه لازم علاج
          ....الشيماء ...
واذا مانفع .. استئصال يعني تداخل جراحي ..  وكتبلي على علاج ..
اخذت الدوة من الصيدليه ورحت لبيت اهلي ..
مالكيت مرتضى ضجت .. ولا امي ولا لينا بس والدي بالبيت ديسمع اخبار .. بوسته ورحت للمطبخ  واخذت العلاج وبديت احس بالفرق ورة نص ساعه خف الالم ..
اتصلت بيه كال اني جاي بالطريق ..
اجتي لينا وامي ..
امي تلگتني وبوستني .. كتله لابويه بابا من رخصتك ..
اخذت امي وطبيت الغرفه   ..
يوم وين جنتوا ..
اشبيك ماما خير ..
وين جنتي انتي ولينا ..
ابني يم الطبيبه وكتبت الطبيبه الها على دوة ..
يوم البارحه واني وفراس كاعدين اجا مسج منج لفراس .. شنو جان هالمسج  ..
هااا .. واذا راسلته هو حاله حالك هم ابني ..
اعرف يوم اني مكلت شي بس شنو جان المسج..
وصيته يودي الك عشه لان انت طلعت مااتعشيت من وراي واني انهظمت عليك ..
يوم احجيلي .. شنو جان بالمسج ..
اسمع اختك حتطلك واني اريد فراس يأخذها لبنتي شكو بيها ..
يوم تعرضين اختي لفراس ..
اختك مضلومه ..
حتى لو هذا  ميسمحلج تسوين هالشي صغرتيني كدامه ..
لا ابني هو كم مرة خطبها ..
اي وبنتج ماقبلت فضلت الرخيص عليه ..
ابني غير قسمتها هو امير شعايزه مال وجمال ..
هااا ياله رجعيها اله اذا شعايزة ..
اسمع ولك شو انت دتستهزا بكلامي ..
العفو امي بس لينا اختي اعز من الهوى لا هي الهوى الي اتنفسه مااقبل اترخصيها ..
طبت لينا الغرفه وحظنتها ..
كامت تبجي وكالت .. باجر تعال الصبح حتى نروح نشوف محامي اني هذا بعد مااعيش وياه ..
اخر كلام عندج ..
اي مصطفى.. امير انتهى بعد من حياتي واني وانت ماعدنا حظ بالدنيا ..
لا حبيبتي الله يعوضج خير ..
سمعت صوت مرتضى..
رحت عليه وامي تمشي ورايه  جان ديغسل بالمطبخ ..
هو هنا الي يغسل .. امي كالتله ..
سلمت عليه وكعدنا بالمطبخ وامي كالت دقايق وأجهز العشه .. وهو ديشرب مي ..
اي شخبارك امورك ..
مرتضى عندي سؤال اريدك تجاوب عليه ..
اشرتله امشي بالحديقة ..
اجا ورايه للحديقة وكال .. احجي قلقتني ..
حجيتله الي صار بسرعه وكتله ليش ام رند كالت هالكلام ..ضل صافن عليه وكال..
مصطفى .. اني لا شايف مرتك ولا اعرف شي عنها لأن باختصار جدا وبدون زعل ..
اي ..
زوجتك مااحبها .. ولا اطيقها ..
اني انقهرت بس ضليت لازم اعصابي وكتله ..
ليش .. شنو السبب ..
مصطفى ..الحب وحده مو كافي ولا حتى الجمال زوجتك جان عدها غموض مو واضحه واني جنت ماارتاح الها ..
مرتضى وضح الي ..
اترك الموضوع هي ماتت بعد ..
لا ... اريد اعرف انت تعرف شي وضامه عليه ..
لا صدكني مااعرف شي هو اني ماجاي لشقتك لو مرتين لو تلاثه .. بس اني حجيتلك احساسي
لاتزعل عليه ..
لا بس الظاهر جان الكل يكره مرتي الا اني ويشوفون بيها اشياء اني مااشوفها ...
امي صاحت وكالت .. تعالوا ياولد اتعشوا ..
اي جيت امي ..
باوعت لمرتضى وكتله بيناتنا الكلام ..
اكيد حبيبي ..
وطبينا جوة اتعشينا ..
وللحكايه بقيه..