وقفنا بنعاين لبعض حكاية دقيقتين،،،حسيتهم ساعتين وانا بعاين في ملامحو وما قادرة اتجاوزو خالص💔،،،عاين لي وكأنو مكسور،،،قولته ليهو حسام💔،،،،نزل عيونو مني وقال لي لو كنت عارف إنك هنا ما كان طلعتا،،،،قولته ليهو اخد راحتك انا نازلة،،،،وأنا نازلة تلقائيا طرحتي وقعت مني💔،،،،وكان في لسة شباب تحت،،،،حسام مسكني من يدي،،لما التفتا عليهو فكاها،،،صلح لي طرحتي وهو ساكت،،بس عيونو كانت بتقول ألف كلمة💔،،،،قال لي ياريت تثبتي طرحتك،،،أنتي ماشبه الذنوب💜،،،كنت عايزة ارد عليهو،،،طلع تلفونو من جيبو،،،قال لي عندي مكالمة مهمه يلا بعد اذنك،،،وطلع فوق💔،،،أنا حسيت قلبي ح يطلع من كترة الوجع،،ياخ حسيت كأنو حسام رمى علي الطلاق في وقفتنا دي💔،،،نزلتا بسرعه،،،،وطوالي ركبتا عربيتي،،وانا ببكي،،دموعي حلفت لو تقيف،،،قبل أصل البيت،،،وقفتا لي في سوبر ماركت،،،شلتا لي قارورة موية،،،غسلتا وشي وحاولتا أكون طبيعية،،،،الطريق كلو كنتا مشغلة أغنية«في عشق بيستنانا وعشق بنستنا،،وعشق بينسينا العشق اللي عشقنا»،،،،،كنت بتذكر بيتنا أنا وحسام ونومي على كتفو لحدي الصباح،،كلامو معاي وحبو لي،،،للحظه حسيت نفسي تافهه وانا بتذكرو وهو ولا همو💔،،،،،وصلتا البيت،،،،بركنتا العربية ودخلتا البيت،،،،طلعت غرفة بابا لقيتو ماف،،،،مشيت المطبخ كمان كان ماف،،،طلعتا غرفتي،،لقيتو راقد في،سريري وماسك كتاب،،،،قولته ليهو بابا،،خوفتني،،فتشتك ما لقيتك،،،قال لي كنت مستنيك،،،الخطوبة كانت كيف؟،،قولته ليهو رهيبة،،،بس ما صورتا بتلفوني،،بكرة بوريك الصور،،،قال لي طيب،،لاقيتي حسام؟،،،قولته ليهو اممم،،،بس ما اتكلمنا،،قال لي وما تتكلموا حتى،،،،المهم تصبحي على خير،،،أنا بكرة وراي إجتماع مهم،،رأيك شنو تمشي معاي الشركه؟،،،قولته ليهو لا شكرا يا باشا،،،أنا خليني ادفن نفسي في مهنتي وتصويري بس،،،اما موضوع شغل في،شركه وبتاع خليهو مستقبلا ان شاء الله،،،قال لي على كيف كيفك💜،،،بوستا راسو،،،قال لي يلا تصبحي على الف خير،،،قولته ليهو وانت كمان💜،،،،بعد بابا طلع،،،اخدتا لي حمام دافي وازلتا أثر المكياج وصليت العشاء💜،،،،،،،جيت عشان انوم اتصلت علي شهد،،،مسجلاها ب«حبقلبي»،،رديت ليها،،قالت لي زفتتي وصلت بيت ابوها كيف؟،،قولته ليها الحمد لله وعايزة انوم يا شهد،،،قالت لي تنومي طوالي،،بس قبلها لازم تعرفي أنو في بنوتة ظهرت في حياة حسام،،،قولته ليها منو دي كمان؟،،،ثم انو يا شهد،،أنا لازم ابلكك انتي مصرة على سيرتو ياخ،،،قالت لي المهم البت اسمها لمار،،،عمرها 25سنة،،البايرة المعفنة،،،تقريبا كده جات من قطر من فترة،،،وشايفة نفسها النصيحه لله هي قررررضوية،،،،اممم بعد انتي طلعتي هي جات باركت لي زينة وحسام عرفنا عليها،،،قولته ليها خلاص يابت الكلب ضروري تفرسيني بليل كده،،،نفسي انوم ممكن،،،قالت لي المهم أنا كلمتك+بكرة أنا والبنات ناطين ليك في البيت من الصباح،،فجهزي الفطور والحركات،،،قولته ليها طيب حبيبي،،،يلا اقطعي وش اهلك ممكن😒،،،بقت تضحكك وقالت لي جدا😎،،،،،،قفلتا منها وبقيت مركزة مع المخلوقة الظهرت فجأه دي كمان،،،،يعني حسام نساني ولا الفهم شنو بالظبط،،،قدر ما حاولتا انوم ما قدرتا،،،اتشجعتا وفتحتا تلفوني،،،دخلتا الواتس،،،،،مشيت على الاستوريهات،،،كلهم عبارة عن زينة وبكري💜،،،،فتحتا حالة حسام الطول السنتين ما اتشجعتا امشي عليها،،،كان خاتي صورتو هو وبكري وكاتب عليها«استعد يا صديقي ستدخل عالم لن تستطيع الخروج منه ابدا🐾💜»،،،،،وتاني خاتي صورتو هو وويعليا من ملامحو،،،بقيت اعمل zoom على الصورة💜،،،،أصلا عندو شامة جنب حاجبو الشمال مدشدشة عضامي يخوانا،،،وحالق حلاقة كده بتاعت شباب،،،ولحيتو خفيفة وفيها كم شيبة كده❤،،،حسيت نفسي عايزة ابلع الصورة من شده ماعجبتني😭❤،،،،حسام ما اتغير خالص ياخ،،،كل ماليهو ماشي يزيد هيبة وغرور ووقار💜،،،،وكان خاتي حالة مكتوبة،،،كاتب عليها«عزيزتي كانت تبدو جميلة كعادتها،،ليتها تدرك أن جمالها وزينتها كانت وما زالت تعنيني❤»،،،حسيت الكلام موجه لي😭😭😭،،،،،لقيت دموعي نازلة وحالتي حالة،،،قولته لنفسي خلاص ح نرجع للارق والاكتئاب تاني😭،،،،،بقيت أبكي بصوت،،،رسلتا لشهد مقطع وانا ببكي،،،قولته ليها شهد عايزة حسام أنا،،جيبي لي حسام،،،،واااي يا شهد،،،نفسي ارجع ليهو💔،،،،فتحت المقطع،،،وبعد سمعتو،،اتصلت علي،،،قالت لي تف من الاعماق يا مشمشة،،،،مشيتي شفتي صورو مش احييياااا معليش حبيبي انسي،،خلاص شوية وح يبقى من نصيب واحده غيرك،،،قولته ليها لمار الحقيرة صاح،،مع أنو ما بعرفها،،بس ح اموت غيرة ياخ😭😭،،،هي ما عارفة أنو حسام دا حقي،،،،يعني أنا اتزوجتو من عمري 19سنة،،واطلقتا منو من سنتين💔،،،،نفسي اشوفو اسي واقول ليهو بحبك يا حسام😭💔،،،،طبعا كنتا جاده وببكي،،،وشهد بتضحك فيني🙂،،،قالت لي طيب اتصلي عليهو اسي اسمعي صوتو واقفلي،،،،قولته ليها كرااااااامتي💔😭،،،انتي ناسية هو عمل فيني شنو،،،وظ
ن فيني كيف،،،بكرهو،،،عمري ما ح أفكر ارجع ليهو،،،قالت لي ديشك ياخ😒،،عايني بكرة بتفاهم معاك،،،قولته ليها طيب وريني اعمل شنو؟،،،،قالت لي نومي لانو حاساك عندك انفصام في الشخصية يا بيبي،،،وعد بكرة ح نحل المشكلة دي سوا،،،،يلا جيبي بوسة،،،قولته ليها غوري يقليلة الأدب،،،،قفلت منها،،،ورجعتا رقدتا،،،وكل ما اغمض عيوني أشوف صورة حسام قدامي،،،💔كنت بتذكر حضنو ياه وريحتو،،،،حسيت نفسي هبلة شديد لما طلبتا منو الطلاق💔،،،،،بتذكر مرة جيت من الجامعه على أساس أعمل الغداء،،لقيت حسام في المطبخ رافع أكمام قميصو وبعمل في سلطة روب،،وفي نفس الوقت خاتي التلفون في اضانو وبتكلم مع صحبو،،جيت ضميتو من وراا،،وكان لسة مواصل في كلامو،،،بعد خلص،،شلتا منو التلفون،،،،قولته ليهو ورب العرش العظيم أنا يومي كلو متنشنة علشان ما سمعتا صوتك😢،،،قال لي بالله😒،،اتصلتا عليك كم مكالمة بس مارديتي،،،قولته ليهو تلفوني كان صامت😢،،،،،وقف البعمل فيهو والتفت علي،،بقى بعاين لي مسافة،،،قال لي ما مشكلة،بس شكلك مرهقة،،اطلعي اخدي ليك حمام ظريف والبسي لي الاسود❤ وتعالي،،،قولته ليهو ما ح اجي،،،بقيت منحرف بشكل،،قال لي ما ح تجي🌚،،ومعاها نظرة خبيثة👊،،قولته ليهو أيوة😝 وقمتا جارية،،،بقى شغال لي يا مجنونة ح تمشي مني وين يعني😂😂،،،،
انا تلقائيا بعد اتذكرتا الكلام دا زدتا بكى💔💔،،الصباح صحيت بصداع مبالغة💔اتسوكتا واتوضيت صليت،،،نزلتا تحت لقيت بابا طلع،،بس كان مجهز لي شاي ومعاهو كعك،،شربتو،،وبعدين نضفتا البيت كلو،،،زي الساعه 9كده جوني بنات الشغل،،،،،أنا حرفيا ما كان عندي مزاج للشغل😪،،،،،جاتني بت كده،،قالت لي عاوزة ميكب بسيط،،أهل خطيبي عازمني فطور،،وعاوزة اكوي شعري،،،قولته ليها طيب،،بس في الاول تشربي شنو؟،،،قالت لي عصير لو ممكن،،،مشيت المطبخ عملتو ليها،،،بعد شربتو،،،اول شي داليا كوت ليها،،،بعدها انا مكيجتها💜،،،بعد عاينت لنفسها قالت لي تسلم يدك ياخ❤😘،،،بعدها دفعت الحساب وطلعت،،،،بعد ساعه كده جوني ناس شهد❤،،زينة قالت لي وينو عمووو؟،،قولته ليها انتي دام أبوي دا مكسرك كان تعرسي بدل بكري😹😹،،قالت لي معليش مابتاعت اعمام انا✊😌،،،شهد رمت شنطتا في أقرب كرسي ودخلت المطبخ،،عملت لينا فطور كارب❤،،وسوما عملت لينا التحلية،،كنا بنتونس وفي نفس الوقت أنا وشهد شغالين في الزبونات البجو❤،،قضينا اليوم كلو ضحك،،،لحدي ما سوما قالت لي طبعا طليقك مباري واحده اكبر منك👋،،،شهد قالت ليها اي والنبببببي وقرررررضة ياخ،،،زينة قالت لي وربي يا مشمشة بتسوي كدي👋،،،أنا حاولتا اجرجر حسام في الكلام،،بس أنتي عارفاهو غتيت،،،،،صرختا فيهم وانا على أخري،،قولته ليهم فهمكم شنو بس،،💔،،،أي حاجه بتحصل في حياة حسام مابتخصني،،وطلعتا غرفتي خليتهم،،،💔
يتبع......
