قولته ليها وما حاسة نفسي عاوزة اخد خطوة،،يلا مع السلامة،،،طلعنا انا وبابا،،وشهد اساسا امها جات بعدنا،،،وطلعوا قبلينا،،،،طول الطريق انا كنتا ساكتةة وبابا بعاين لي،،وصلتا مرهقةة،،،،نومتا بدون اغير فستاني💔،،،،مرت حكاية اسبوع وما كنتا فاهمه حياتي ابدا،،كل الفيها كانت الوان باهتهه وماعندها طعم،،،لحدي مايوم بابا قال لي تتذكري الموضوع الانا كنت عايزك فيهو؟،،،،قولته ليهو ايوة،،،خير يا بابا في شنو؟،،،قال لي طبعا أنتي عارفة أنا كبرتا في العمر ومعاي السكر،،،وانتي اكيد ح يجي يوم وتكملي حياتك ماح تقعدي كده،،،إيناس دي اول مرة افكر في الزواج بعد سعاد الله يرحمها،،،لانك انتي مالية لي حياتي،،،بس انتي لما تمشي انا ح اكون وحيد وما ح القى زول يهتم بي،،،قولته ليهو بابا انا عمري ماح امشي واخليك،،،،قال لي لالا اكيد ح يجي يوم وتمشي،،،انا يابتي بعد إذنك عايز اتزوج،،،نفسي في شريكه حياة تتم معاي باقي الفضل من عمري،،،،سكتا شوية وقولته ليهو انا اكيد ماعندي مانع لانو دي حياتك وانت ادرى❤،،،بس دي منو،،،انا بعرفها؟،،،قال لي اعفيني اسي من الإجابة،،،انا مستني موافقتها هي،،وأول ماتديني رد انا ح اجاوبك على سؤالك،،،قومتا وبوستا راسو❤،،،قولته ليهو بس ما تكون صغيرة وناوية تخم الوراك والقدامك،،،،قال لي هههه لا كبيرة وعاقلة❤،،،قولته ليهو كان كده انا مطمنة عليك❤❤❤،،،،،،
في جانب تاني
يا أمي عليك الله زواج شنو،،ما طول عمرك عايشة براك،،زواج شنو ليك بعد العمر دا،،،،أبوي اتوفى من نحنا شفع صغار ليه وقتها مافكرتي تتزوجي،،،اسي منظرنا قدام الناس ح يكون شنو،،،،وانتي عايزة تتزوجي بعد ابوي وبعد السنين دي كلها،،،انا اسفة يا امي،،بس انا واختي ما موافقين على الكلام دا،،،،،قالت ليها دي حياتي انا،،انتو اي واحده عايشة مع زوجها واولادا،،،انا ذنبي شنو اقضي باقي عمري براي،،،وانا ما باخد رايكم ولا بستشيركم انا بس كلمتكم ح اعمل شنو،،ولعلمك اخوكم موافق،وقفلت فيها الخط،،،💔
بعد شهر كده زينه ظهرت علينا😂❤،،،وعزمتنا في،بيتها،،،كان باين أنها مبسوطة بزواجها❤،،،شهد قالت ليها بختك ياااخ وعقبال ناس كده🌚،،،سوما قالت ليها قربتا قربتا،،،اصبري علي بس😂😂👊👊👊،،،،زينة قالت ليهم اي اتزوجوا ياخ،،الزواج حلو والله😂😂🌚❤مش يا مشمشة،،،قولته ليها يب حلو😂👊،،،،شهد قالت لينا على فكرة عندي صحبتي في قطر قالت ح تشوف لي شغل هناك،،،قولته ليها وااااو،،،أن شاء الله تتوفقي،،،قالت لي يارب،،،أهو الواحد يمشي يكمل باقي عمرو هناك ويرتاح من وشوشكم دي😂،،،سوما قالت ليها حققيييرة،،بس يلا مححح موفقة😘،،،،،،،،قعدتا اعاين ليهم وعلى وشي ابتسامة،،احساس كلهم مبسوطين❤،،،قولته في نفسي حتى لو أنا ما مبسوطة،،ح انبسط عشانهم❤😘،،،،،،وفي يوم سلمى اتصلت علي وقالت لي انها اطلقت من زوجها لانو لقت اخلاقو كعبة💔 دا غير انو رفض يكتب ليها البيت،،،،وطلبت مني اشوف ليها شغل معاي،،،،قولته ليها انا الفترة دي يفتش لي في محلات علشان عايزة أوسع شغلي،،،أول ما اظبط اموري ح اديك تلفون،،قالت لي ح اكون مستنياك💜،،،قولته اساسا دي نهاية الواحده البتتزوج حسب المستوى المادي💔،،،،في الفترة ديك فعلا كنت بفتش في محلات،،،ولقيت الحمد لله والايجار كان حنين،،،والحتة جنب البيت💜،،،بابا بعد صعوبة وافق،،،وشهد قالت لي الايجار ح نشترك فيهو،،لما رفضتا،،قالت لي خلاص ما ح اجي اشتغل معاك،،ماممكن تدفعي براك،،،هااا موافقة؟،،،قولته ليها طيب ياعنيده😘،،،،،،بعد جهزنا المكان وظبطتناهو،،اتصلتا على سلمى وقولته ليها تجي تبدا شغل،،،وبما انها مابتعرف تعمل شي،،بس شغلتها نضافة❤،،،وكنت بديها راتب معقول،،،،في الفترة دي بالذات ما كان عندي أخبار عن حسام💔،،،،،،،وماما مروة متواصلة معاها من وقت للتاني،،،،اخر فترة بقيت الاحظ لشهد انو تلفوناتا كترت،،،وطبيعي بتطلع بدون تكلمني،،قولته يمكن عندها مشكلة واكيد ح تجي تحكي لي💜،،،لحدي ما يوم زينة جاتني بتبكي،،طبعا خلعتني،،بعد روقت،،،قولته ليها مالك في شنو؟،،،قالت لي لي حكاية اسبوعين متشاكلة مع بكري💔،،،وهو ماحاول يصالحني حتى،،،وطبيعي برة البيت،،تخيلي امس كان جوه الحمام،،تلفونو ضرب،،،مارديت،،بس لما جيت شوفتا المكالمة عارفة لقيتا من منو؟،،،من شهد💔،،،بقيت اعاين ليها،،قالت لي ومعظم المكالمات منها💔،،نبرتها وهي بتتكلم عن الموضوع ضايقتني،،قولته ليها زينة ماتخلي الشيطان يلعب بعقلك،،يمكن بينهم موضوع شغل،،،قعدت تضحك،،،قالت لي شغل شنو البخليها تمشي معاهو وتجرب خاتم دهب💔،،انا شوفتهم قبل شوية بعيني💔،،،،اساسا شهد من زمان عينها على بكري،،،بس ابدا ما اتوقعتا منها تصرف زي دا وبقت تبكي💔،،،وأنا بهدي فيها شهد جات داخلة،،،💔
يتبع.....
