بتذكر مرة كنا في الجامعه أنا وشهد،،،وكان في بحث أنا ما عرفتا بيهو الا لما جيت الجامعه،،،،بقيت اجوط في شهد،،،ولومتها أنها ما كلمتني،،،بس حتى هي طلعت ماعارفة ومتفاجأه،،،واحد من دفعتنا،،قال لي ممكن تروقي،،اساسا البحث كلو كم صفحه،،،ح اكتبو ليك أنا،،،وانا طبعا لحظتها عاوزة بس الينقذني،،قولته ليهو بالجد،،قال لي اي والله،،،شهد قالت ليهو اكتب لي أنا كمان😂💔،،،،المهم الولد قعد معانا ونحنا جبنا ليهو الورق،،وقعد يكتب،،،وبونس فينا،،طلع اسمو زيدان،،،مع أنو بشوفو كتير بس ولا مرة ما حاولتا اتكلم معاهو علشان حسام❤،،،كتب لينا البحث،،وشهد قامت قالت ماشة تشوف زينة،،،،أنا كنت عايزة أفطر،،فاضطريت اقعد،،،وهي مشت،،،،،زيدان قال لي بتتشافي مجتهده،،ليه ما كتبتي البحث،،،قولته ليهو ما كنتا عارفة،،،وبالجد شكرا إنك كتبتو لي،،قال لي لا عادي،،،انتي بتكوني مشغولة مع البيت وزوجك وكده،،،،قولته ليهو لا ما للدرجه دي،،،،قال لي شكلو زوجك مساندك،،،قولته ليهو ايوة،،،فضلنا نتونس لحدي ما عزمني فطور وعصير،،،،اثناء ما بنفطر قال لي ممكن رقمك؟،،،،«انا وقتها ما جوطتا فيهو ولا صرختا،،،لانو عمل لي معروف»،،،قولته ليهو لا آسفة،،،قال لي طيب ما مشكلة،،،كنت عايزو بس عشان لو في محاضرة فاتتك او كده،،،خلاص عايني،،اديني الاكاونت حق الفيس بوك،،،،شوفتها ما ظريفة أني ارفض تاني وفي نفس الوقت ما اديتو رد،،،،فقال لي أنا ما ح اضايقك ابدا،،،أنا عارف انك متزوجه،،بس حدود كلامنا كلو حيكون عن الجامعه صدقيني،،،،،عاينتا ليهو مسافة وسكت،،،شكلو ما كان بدل انو النوع التافه أو كده،،،،اديتو اسمي في الفيس،،،،وعلى كده شلتا البحث بتاعي،،،ومشيت الاستراحه،،،،شهد اتصلت علي قالت لي أنا وزينة ح نفطر برة تعالي،،،قولته ليها لا انا فطرتا،،بالهناء ليكم،،،،قفلتا منها وطلعتا القاعه،،،،حسام اتصل علي،،،رديت ليهو حبيبي،،،قال لي كيفك يا ماما،،،قولته ليهو كويسة،،وانت؟،،،،قال لي الحمد لله،،،هااا فطرتي ولا لسة؟،،،قولته ليهو فطرتا قبل شوية،،قال لي لا تمام،،،خلي بالك في المحاضرات،،،لحدي ما اجيك،،،قولته ليهو حاضر،،،وعلى كده قفلنا💜،،،،ناس زينة جو وحضرنا المحاضرات وابدا ما جبتا ليهم سيرة زيدان،،،سلمنا البحث،،وبعدها نزلنا الكافتريا،،،،،زينة قالت لي اتخيلي لقينا منو برة؟،،،قولته ليها منو،،،قالت لي بكري😭❤ صاحب حسام،،،،شهد قالت ليها وواي من بكري واحييياا،،،،قولته ليهم تافهات👊😂😂😂،،،،الجابو شنو بهنا،،،،،زينة قالت لي جا يشوف واحد صحبو،،،شركتو قريبة من هنا،،،بس عاد الود ما طفرة❤😭،،،قولته ليها انتي كعبة خالص في الانبراش يا صحبتي😂👊،،شهد قالت لي بس عارفة ما من النوع البعجبني للدرجه دييك،،لو كان عاجبني كان جبتا راسو،،،،قولته ليها،ياخ بلاي😂😂😂،،،زينة قالت ليها خلاص هوي دا ح يكون حبيبي😒،،،،،،شهد قالت ليها متين بقيتي حبيبك ابردي ياخ😂😂😂😂،،،،،،اتونسنا شوية،،،وبعدين شهد قالت لزينة يلا اوصلك،،،أو تاخدي امجاد😌،،،،قالت ليها احييي من الاهانة،،،يارب ارزقني بعربية😪💔،،،شهد قالت ليهاا قومي قومي،،،،قولته ليهم ثواني أشوف حسام وين،،،عشان مابحب اقعد براي،،،،قالت لي اوك سرعه،،،اتصلتا على حسام،،،،قال لي حبيبتي💛،،،قولته ليهو بيبي ممكن تجيني اسي ولا مشغول؟،،قال لي نص ساعه وبكون معاك❤قولته ليهو طيب،،،،،شهد قالت لي جاي ولا اوصلك برضو؟،،،قولته ليها لا جاي بعد نص ساعه❤🙈،،،،زينة قالت اللهم اوعدنا ياخ مع بكري❤😭،،،شهد قالت ليها مجنونة👊😂😂😂😂،،،،،،طلعنا برة الجامعه،،،اشترينا شيبس وبقينا نتونس،،،،،،بعدها حسام جاا،،،شهد قالت لي الامير هاري وصل يلا اتخارجي،،،،قولته ليهم يلا لي باكر😘،،،،،ركبتا العربية،،،وبوستا حسام في خدو،،،قال لي شكلك مبسوطة،،،قولته ليهو جدا،،،،بقى سايق وأنا بأكل فيهو شيبس،،،قولته ليهو تخيل اليوم كان ح تفوتني درجات بحث،،،قال لي بالله،،وعملتي شنو،،كتبتي؟،،قولته ليهو اا ايوة كتبتو،،،،قال لي حفارة😂،،،،،وصلنا البيت،،،،،،مشيت استحميت ولبستا لي رداء وتي شيرت حق حسام😂❤،،،،لما شافني قال لي شكلي كده ح انقل التي شيرتات دي كلها عندك😒،،،،قولته ليهو دا المفروض يحصل اصلا❤😂🙈،،،،،قال لي طيب قدامي على المطبخ،،،حاسس نفسي ح اموت من الجوع،،،،قولته ليهو بعد الشر،،يلا اصلا اليوم انت الح تظبط الغداء،،،،فجأه شالني وقال لي عيوني ليك❤،،مشى بي المطبخ،،،قعدني على الكرسي،،،وطلع قميصو😂،،،،بعدها بدأ يعمل لينا الغداء،،،وبتنفنن على كيف كيفو كمان❤❤😂،،،،،بعد اتغدينا وكذا،،،،،قال لي امي ح تجي بكرة من بيت خالتي،،،قولته ليهو اي احسن،،اصلا اشتقتا ليها شدييييد😭❤❤❤،،،،قال لي وانا ما اشتقتي لي🌚،،،،بقيت احوص ليهو في عيوني واعمل ليهو حركات😂😂،،،،،قولته ليهو انا طبيعي في حالة شوق ليك❤،،،،قال لي قومي قومي حضن حب سرييع،،،بقيت اضحك،،،قام هو من مكانو وجاا حضني،،،قال لي ربنا ما يحرمني من شوفتك جنبي❤،،،قولته ليهو
امين كبيييييرة❤🙈،،،،،،مرت الأيام وماما مروة جات قعدت معانا،،وملت علينا البيت❤،،،،في يوم زيدان رسل لي في الماسنجر ننوسه كيفك،،،قولته ليهو تمام وانت،،قال لي الحمد لله،،منورة صفحتي،،،عملتا ليهو كده😊،،،،قال لي هههههه بطلي الحركات دي😂👊قولي لي دا نورك وكده،،قولته ليهو لا انت ضلمتا الصفحه😂😂بقى يضحك،،،فجأه ماما نادتني،،،خليت تلفوني وهو اصلا بدون رمز ومشيت ليها،،،،،قالت لي شنو لكن،،،تعالي جهزي العصير،،،اسي حسام ح يوصل وانتي عارفة،،لازم تستقبلي بكباية عصير،،،،قولته ليها امممم صاح،،،،،طلعتا الخلاطه والمنقا،،وعملتا عصير ظابط،،،،وساعدتا ماما مروة في الغداء،،،،،شوية وسمعنا الجرس،،،ماما مروة قالت لي يلا اجري😂😂،،،،،مشيت فتحتا الباب،،،حسام بقى يعاين لي،،،،قولته ليهو مالك،،قال لي امي في غرفتها ولا المطبخ،،،قولته ليهو المطبخ،،،،طوالي ضماني❤❤😂،،،،قال لي ياخ مشتاق أنا،،،قولته ليهو حتى انا ياخ😢،،يلا يلا ندخل،،،مسكتو من يدو،،ومشينا المطبخ،،،،ماما قالت لي دا كلو بتفتحي الباب🌚،،،،قولته ليها أيوة😂😂،،،،،،اديت حسام كباية العصير،،،أثناء مابيشرب فيها جاهو تلفون،،،،طلع من المطبخ،،،ومشى على غرفتنا،،،،،،ماما قالت لي يلا جهزي السفرة،،قولته ليها طيب،،،،أول مابديت اخت الصحانة،،،اتذكرتا تلفوني وانو اخر زول كنت بتونس معاهو زيدان،،،،خليت الفي يدي وجريت جري،،،،لقيت حسام شايلو في يدو،،،خطفتو منو بطريقة،،،هو بقى يعاين لي مخلوع💔،،،،،،،،،
وأنا بتذكر في الحوارات دي،،مسكني صداع،،،شلتا تلفوني وعاينتا للساعه كانت ماشة ل12،،،،،،ختيت المخده فوق راسي ونومتا،،،،،تاني يوم صحيت بصداعي داك،،،،عملتا لي شوية رياضة،،،،،جاني تلفون من سلمى،،رديت ليها وهي بتبكي،،،قولته ليها سلمى مالك خير💔،،قالت لي عاوزين يرحلوني بكرة،،بدون حتى البس زفاف زي ما كان نفسي،،،عليك الله بس تخيلي،،،قولته ليها طيب اهدي،،،،قالت لي أنا نفسي البس زفاف وأتصور زي باقي البنات😭😭😭💔💔،،ولا يعني عشان امي متوفية يهنوني كده،،،قولته ليها والله يا سلمى في خالات يسدو عين الشمس ومابتحسي بفراق امك وسطهم💜💜،،قالت لي لا انا حاسة بغربة😭😭😭💔💔،،،أنا ما عندي مشكلة انهم خلوني اتزوج راجل اكبر مني،،على حسب كلامهم الشي دا لمصلحتي،،،قولته ليها عمرو الزواج ما كان مصلحه،،،المهم دا ما موضوعنا،،،،انتي بكرة ح يرحلوك الساعه كم؟،،،،،قالت لي بعد المغرب😭😭،،،قولته ليها طيب عايني أنا مابقدر اصلك،،بس ح ارسل ليك السواق بجيبك لحدي عندي،،،ح البسك زفاف واصورك،،بس بدون راجلك بلاي😒،،،قالت لي هو اساسا ما موافق أني ألبس زفاف😭😭،،،قولته ليها طيب خشي ليك في اقرب عباية واستني مني تلفون،،،قالت لي طيب،،،،،،اتصلتا ب بابا،،قولته ليهو يرسل لي السواق،،،،واتصلتا على شهد قولته ليها تجي وتجيب معاها الكاميرا،،قالت لي ايناس أنتي مابتفتري من وشي دا👊👊😒،،جاياك،،،،،،مشيت الغرفة جهزتا الحاجات العاوزاها،،،،وبعد السواق جاا اديتو الرقم ووصفتا ليهو الحتة،،،،شهد جات وتمت نومها عندي👊😂،،،،،،،،بعد ساعه تقريبا سلمى جات،،،كان وشها مورم من البكى،،قولته ليها ع فكرة انتي هبلة،،،كيف تتزوجي بس علشان مصلحه،،،،الزواج دا حاجه أبدية واستقرار وامان،،مابس ح اعيش مرتاحه معاي قروش وراجلي مروق،،،شهد قالت لي هو لو مروق كان يعمل حفلة العقد في صالة😒،،،،قولته ليها شهد انتي ليه صريحه كده👊😂،،،سلمى قالت ليها،،والله هو قال مابصرف قروشو في فارغه،،العرفتو انو ح يكتب البيت باسمي،،،،قولته ليها انسينا اسي،،تعالي نظبطك ونصورك،،،وبعدها ارجعي،،،وانا ح ارسل ليك الصور في وقت تاني،،،قالت لي طيب❤،،،،،هي كانت راسمة جاهزة،،،بس شهد ظبطت ليها شعرها وركبت ليها اظافر،،،وهي اختارت الفستان العاوزاهو،،،،،لبسناها ليهو وبعدها مكيجتها،،،كانت مزززة ماشاء الله،،،شهد قالت ليها الخوف راجلك بكرة ياكلك والله،،،،،،شلتا الكاميرا وصورتها،،،وشغلنا اغاني سيرة،،غايتو عيشناها اللحظة بس بدون راجل😂😂😂❤👊👊،،ولبستها توب الجرتق،،،،وجبنا البخور وشهد تشيل وتزغرد❤😂😂😂،،،،،المهم صورناها قرابتن 100صورة❤😂،،،،بعد خلصنا وطلعت التوب،،،طلعت رزمة قروش من شنطتها،،قالت لي دي حاجه بسيطه،،،عليك الله شيليها،،قولته ليها لالا يا بت جنيتي،،،كفاية أني بسطتك،،ماحاسة أني عملتا انجاز؟،،،،قالت لي والله دا اكبر انجاز عملتي لي❤❤😭،،،،ربنا يسهلها عليك يارب،،،قولته ليها امين،،،،بعدها خففتها ليها الميك آب،،،وخليت السواق يوصلها،،،،،،شهد قالت لي أنا راجعه البيت،،،قولته ليها خلي العباطة،،،اقعدي نتونس،،،قالت لي في شنو،،،خليني ارجع احسن،،اصلا انتي بقيتي ممله،،،قولته ليها انا ياحيوانة😒،ثم تعالي هنا،،امس المشوار المشيتيهو دا وين؟،،،قالت لي لاقيت فرد الجامعه،،،قولته ليها أيوة،،،،قالت لي ومنهم زيدان،،الكان كتب لينا بحث متذكراهو؟،،،،،قولة زيدان،،تاني بقيت ما مجمعه،،وشهد شغالة تتكلم ساي،،وما انتبهتا معاها💔💔،،،لحدي ما ضربتني في يدي،،قالت
لي هيي سرحتي وين،،،قولته ليها ولا حته،،،،شالت الكاميرا وقالت لي طيب،،أنا راجعه،،،بينا الشبكه،،قولته ليها اوكي،،،بعد طلعت،،قعدتا في الكرسي،،،،،واتذكرتا شكل حسام لما قلعتا منو التلفون،،عاين لي،بخلعه،،قال لي مالك حبيبتي،،،قولته ليهو اتذكرتا انو لازم اتصل على سوما طولتا منها،،،قال لي اها،،،أنا بس كنتا عايز اشوف الساعه،،لانو ساعتي ما مظبوطه،،،قولته ليهو الساعه 6،،،قال لي طيب،،،شال ليهو غيار ودخل الحمام،،،،لقيت زيدان كاتب لي حرام عليك أنا نوري عاكس،،،ما اشتغلتا بيهو،،،«وياريت وقتها لو حظرتو💔»،،،،،،قلبي بقى يضرب شديد،،،وقولته لنفسي حسام لو عرف ح يزعل مني،،،فأول خطوة غلط عملتها،،أني عملتا رمز لتلفوني💔،،،،بعد حسام طلع من الحمام ضماني،،وبقى يتغزل فيني❤❤،،،،ماما مروة نادتنا،،مشينا اتغدينا،،،وكل ما اعاين لحسام يغمز لي بعينو العليها الشامة❤،،،،،،،بليل كده،،،كنا بنحضر في فيلم وانا في حضن حسام وماسكة تلفوني،،،،جاتني رسالة من زيدان بقول فيها،،بكرة احتمال يكون في تيست مفاجئ،،،تعالي بدري،،،قولته ليهو طيب،،،،،وقفلتا التلفون،،،حسام قال لي بتدردشي مع منو كنتي؟،،،قولته ليهو امممم اعتبرو تحقيق،،قال لي لا،،،بس ما ممكن تديني شوية من زمنك،،بقيت اغير من صحباتك😒،،،بقيت اضحك وقولته ليهو لالا اوعك❤😂،،،خلاص فضيت ليك،،،قال لي نتم الفيلم؟،،،قولته ليهو لا نعستا،،وبكرة شغالة بدري😢،،،،،باسني وقال لي طيب،،،،،لحدي اليوم داك انا ما كنتا حاسة بذنب اتجاه حسام💔وخاتة صحبة زيدان دي كأنها مصلحه وح تخلص بدون حسام يعرف بيها،،،،،💔
يتبع......
