كروايات العاشقين أنت

الجزء 15

انا لما قال لي كده دموعي جات نازلة💔💔،،،وقف عاين لي مسافة ومشى،،،،بعد شهد جات لقت دموعي نازلة،،،قالت لي مالك بتبكي؟،،،قولته ليها حسام،،،حسام ح يخطب لمار،،،ما كانت متفاجأه،،،،،قالت لي عارفة💔،،،قولته ليها شهد كيف عارفة وليه ما كلمتيني💔،،قالت لي إيناس حسام خلاص ح يشوف حياتو،،في رأي انتي كمان لازم تشوفي حياتك،،،ويلا نمشي،،جرتني من يدي وركبتني العربية،،،لما وصلنا سلمتا على امها ودخلتا غرفتها،،،ابدا ما جاني نوم💔كنت بتذكر شكل حسام مع لمار💔💔هو كيف نساني كده وح يعيش مع واحده غيري،،وكمان في البيت الكنا عايشين فيهو💔،،،،قومتا وقعدتا في طرف السرير،،شهد قامت عاينت لي،،قالت لي مالك يابت،،،ماجايك نوم؟،،،قولته ليها بكرة الخطوبة الساعه كم؟،،،قالت لي عاملنها بالمساء،،،بس ليه بتسالي،،،قولته ليها عايزة امشي،،قالت لي جنيتي،،لا ما ح اخليك تمشي،،،قولته ليها لازم امشي واشوفو معاها عشان اطلعوا من قلبي،،،قالت لي اوووف،،،بطلي ياخ،،،ما ح اسمح ليك تمشي،،بقيت ابكي،،قولته ليها شهد الله يخليك❤❤😭نفسي اشوفهم واقتنع💔،،،عاينت لي مسافة بعدها قالت طيب،،،بس شرط تمشي متشيكه عشان توريهو أنو خسر ملاك❤،،،،قولته ليها حاضر،،،قالت لي يلا نومي،،بلا وجع قلب،،،هو دام في نوم واكل وسجاير في الدنيا الناس بتزعل ليه؟،،،قولته ليها شهد ممكن تبطلي تشربي سجاير،،ح تضر صحتك،،،قالت لي حاضر،،،اساسا كنت ناوية اعمل كده،،،،قولته ليها ياريت❤قالت لي طيب اقول ليك خبر مفرح،،،سوما ربطت مع اخو بكري💜😂قولته ليها حظهااااا💙💙😭

الصباح صحيت زهجانة وقرفانة،،ماما مروة اتصلت علي وقالت لي ماتمشي الخطوبة،،،ماف زول فينا ماشي،،،قولته ليها لا ح امشي،،ما تخافي علي❤،،قالت لي طيب،،،،شهد قالت لي ح اظبطك عشان تطلعي امزز منها😌،،،قولته ليها من الله مزز يا زولة❤😌،،،،،،بعد الفطور كده طلعنا من البيت،،مشينا المركز،،،،عملت لي شعري،،،واختارت لي فستان لحمي كده على الجسم رهيب❤،،معاهو اكسسوار بالأسود وجزمة سوداء،،،،قالت لي انتي ح تطفي امها والله😘،،،قولته ليها بفكر اخرب عليهم فرحتهم دي💔،،،،قالت لي لا خليك عاقلة💙💙،،،،،سوما جات وبقت تواسي فيني،،،،وزينة قالوا بتجهز للخطوبة لانو حسام طلب منها كده💔💔،،،،،قبل المغرب جهزتا واتمكيجتا❤،،،،اخر لحظة كنت ح اتراجع وما امشي بس شهد قالت لي ابقي قدرو👊😒،،،،،ونحنا في الطريق،،فتحتا الفيس ودخلتا صفحه حسام💔،،كان منزل بوست«تأنقي الليلة أيضا عزيزتي كما كنتي تفعلين سابقا،،،سنجتمع ونتوحد للابد❤»،،،،دموعي قربت تنزل بس عصرتا على قلبي💔،،،وصلنا البيت،،اللي كان يوم من الايام بيتي💔،،،سوما قالت لي ماتبيني انك زعلانة،،،ابتسمي يعمري😢،،،،البيت من برة كان مزين بطريقة خرافية❤،،،،ومن جوه نفس الشي،،كل ركن فيهو انا وحسام عندنا فيهو قصه❤،،،قلبي قبضني وحسيت أني ماعايزة ادخل،،بس وصلتا الصالة،،،كان في زينة وامها واخوانا،،بعد شوية ظهرت ماما مروة وبابا،،،مشيت عليهم قولته ليهم على اساس ما جاين،،،ماما مروة قالت لي حسام أصر علينا ولازم نشاركو فرحتو❤،،،،لما قالت كده زعلتا زعل وكأنها خلاص وافقت على لمار💔💔،،،،،الغريبة انو ماكان في ناس غريبين،،بقيت اسأل زينة من اهل لمار،،،قالت لي اهلها نزلوا من فكر ليهم يومين مخصوص عشان الخطوبة،،،،،حسام مشىى يجيبهم،،،،،قعدنا قريب العشاء كده،،،حسام جاا داخل وما كان معاهو زول،،سلم على الموجودين،،وجاا جراني من يدي،،قولته ليهو حسام بتعمل في شنو أنت؟،،،،قال لي بعمل في شنو،،،،يد مرتي وانا حر فيها💜،،،بقيت اعاين ليهو بخلعه،،،قولته ليهو على ما اعتقد اليوم خطوبتك،،بطل البتعمل فيهو دا،،،،باقي الناس كلهم كان على وشهم ابتسامة،،،حسام ضغط على يدي وقال لي تعالي،،،بقيت اقاوي فيهو،،ابا يفكني لحدي ما مشى بي غرفتنا💔،،،قولته ليهو حسام أنت جنيت،،،خت راسو مع راسي وشداني عليهو،،قال لي مش كفاية ماسك نفسي من امس،،،قولته ليهو بتقول في شنو أنت،،،قال لي رجعتك مرتي❤،،،امس انا عقدتا عليك،،ووليك كان موافق❤،،،احساس اني مصدومة وما قادرة اتكلم،،،قال لي وعدتا ابوك انو تاني مهما حصل انا ما ح ازعلك ولا ح اجي على كرامتك،،،وانا فعلا وقتها الشك دخل قلبي💔،،،بس بعد فترة بقيت اراجع في نفسي وعرفتا قدر كيف انا أناني،،لما حبيتك حب امتلاك،،وما اديتك الثقة البتخليك تشاركيني في تفاصيل يومك وانتي مطمنة،،،كان عدم فهم مني💔،،ويادوب وعيت على نفسي،،،قولته ليهو طيب ولمار؟،،،قال لي لمار كانت بتسمع كلامي في الصح والغلط وكأنها عبده لي،،انا عايزة واحده تتناقش معاي،،لو غلطتا تقيف في وشي،،واحده عندها شخصية وكيان❤،،الواحده دي انتي💜،،،لمار بعد عرس زينة قطعتا علاقتي بيها،،وسافرت لأهلها،،،،،هي كانت عارفة انو قلبي مليان بيك❤،،،فما ليها مكان،،،،فضلتا اعاين ليهو ودموعي ماوقفت،،،قولته ليهو ي يعني نحنا خلاص رجعنا؟،،،قال لي رجعنا💜،،،عاينتا ليهو مساافة وبوستو في خدو،،قولته ليه

و بحبك❤وبكل هدوء بدينا حياتنا من جديد💜🌸🙌

~كروايات العاشقين أنت ملكتني،،وكقصيده شعر أنا بك متيمة~

#النهاية💜

~الثقة هي اساس اي علاقة،،سواء صحبة او حب او زواج،،،الثقة لازم تكون متبادلة بين الطرفين❤ بحيث أنو يقدروا يتخطوا كل مشكلة او مطب وهم متمسكين ببعض~

البنات اللي بتزوجوا وهم لسة في الجامعه،،،المفروض الواحده تتواصل مع اصحابا في حدود الادب العاام ما اكتر،،علشان هي خلاص بقت في زمة راجل واي ذنب ح تقترفوا عقابو ح يكون مضاعف،،،وياما بنات اطلقوا بسبب الخيانة البتجي من صحبة الجامعه💔،،،،،في ناس قالوا انو سبب الطلاق تافه،،يخوانا السبب منطقي جدا،،لانو شرط حسام لايناس كان واضح،،،وهي قبلت بيهو،،،ورغم انو سوء التفاهم بسيط،،إلا انو حسام كان حاسس ايناس ملكو ما بس زوجتو،،ودا غلط،،،،لما تحب زول اديهو الحرية والثقة والاحترام وهو ح يراقب نفسو عشانك،،وح يكون محافظ على نفسو💜

~احيانا عيونا بترسم لينا حاجات غير واقعية،،فقبل نتسرع،،ضروري نتصرف بوعي عشان النتايج ما تكون وخيمة💔زي ما حصل مع شهد وزينة،،،

~للمرة الالف ماتتزوجي عشان القروش😒

~ماتستعجلوا لنصيبكم،،،كل زول نصيبو مكتوب،،،واكيد ربنا مابيظلم زول💜،،

~لو امك كبيرة في السن وقررت الزواج بعد وفاة ابوك او كذا،،ماتقيفوا في طريقها وتقولوا المجتمع💔،،المجتمع ما ح يفيدا بشي لما تكون عايشة وحيده وما عندها ونيس،،،والحياة صعب تتمشي بدون رفيق💜

~لسة في حب حقيقي،،لسة في صحبات بتمنوا الخير لبعض،،،لسة الدنيا بخيرها💜💜،،،ما معنى انو حظك طلع كعب في صحبة ولا اتنين معناها الباقيات كلهم كده💔،،،،لسة في حاجات حلوة كتيرة مستنياكم،❤❤

#شكرا لكل زول تابع القصةة،،،رايكم بصراحه يهمني❤

#ابقوا_عافية
#كسرة
أكتر شخصية حبيتوها منو؟🌚