بقيت أصرخ ليها في التلفون😂😂👊قالت لي هي يا مجنونة مالك،،،قولته ليها ياخ والله مشتاااقين لمن غلط،،،قالت لي حتى انا مشتاقة ليك والله❤ قولته ليها معقولة لكن البمشي السعودية مابجي راجع،،،قالت لي بس والله مع رحيق ويقين،،،كان شفتيهم مشتاقين ليك شوق،،قولته ليها خليتيهم كيف هم واولادهم؟،،،قالت لي تمام الحمد لله❤،هاااا ح تجيني متين يلا،،،قولته ليها نزلتي وين انتي؟،،،قالت لي مع ناس زينة،،،قولته ليها اها تمام،،طيب أنا بحاول اجيك في الايام دي علشان اصلا ح نكون جارين السوق أنا والبنات،،،،قالت لي طيب حبيبتي،،،سلمي على ابوك،،قولته ليها يوصل ان شاء الله❤،،،،،،بعد مكالمتها دي أنا نفسيا ارتحتا❤،،،من كنتا في أولى ثانوي أنا بعرف ماما مروة دي،،،وحتى هي مما عرفت اني يتيمة بقت بتعاملني زي بناتها،،،أنا بناديها بماما حتى قبل ما اعرف حسام ولدا وقبل احبو،،،،أول مرة شفتا فيها حسام لما كنتا في تانية ثانوي،،،رجل أعمال كان في بداية مشوارو،كان بديني دايما احساس انو ضهر لي❤،،،حبيتو من تصرفاتو وكلامو مع الناس الكبار،،،ومعاملتو للاطفال،،،حبيتو لما كان بدخل المطبخ ويطبخ لي امو وخالتو لما يكونو ما قادرين يطبخو،،،ياخي هو يتحبا اساسا❤❤❤،،،،اعترف لي بحبو وأنا في تالتة كنا ممتحنين الشهاده وكان امتحان رياضيات😂👊،،،حتى بتذكر بقيت أبكي وقولته ليهو ابقى حبيبتك وامتحن رياضيات وتالتة ثانوي دا كلو عايزني اكون طبيعية😭❤❤❤،،،فكان بضحك فيني❤❤👊👊😂،،،،وبقول لي وح تبقي مرتي بس اديني سنة اجهز فيها نفسي❤،،،وفعلا دا الحصل،،واتزوجنا بعد سنة اولى❤،،،،قطع حبل تفكيري صوت داليا،،،قالت لي هييي الجميل السرحان،،ناسية أنو وراك ناس مستنينك،،،قولته ليها المكالمة جوطت افكاري،،،ارح،،،،كان عندي كم زبونة كده،،،،خلصتا منهم،،وحسيت بصداع،،قولته لداليا لو تاني جو بنات للمكياج قولي ليهم أنا طلعتا،،،لانو جد تعبتا،،قالت لي طيب،،،طلعتا غرفتي وجريت اقرب كرسي،،طلعتا في راس الدولاب،،كان في كرتونة كده خاتة فيها صور عرسي أنا وحسام💔،،،نزلتها،،،فتحتها وبقيت اعاين للصور بهبل شدييييييد كده😪❤❤❤❤،،وقتها حسام كان في عمر ال29،،،،كان أنيق بشكل خيالي،،حتى احيانا هو البنسق لي ملابسي بتاعت الجامعه❤،،وكان حنون حنية،،،،يعني لما يجي دلعني بقول لي ياماما❤،،أو حبيبة أبوها،،،كنت لايقة فيهو شخصيات كتيييرة💜،،،،وانا سرحانة في الصور اتذكرتا لما كنت نازلة امتحانات سمستر من السمسترات،،أجل الاجتماع بتاعو،،ووصلني لحدي الجامعه،،،قال لي ماتخافي أنتي مذاكرة كويس،،،ماتطلعي ابدا الا الوقت يخلص،،،،وقبل تدخلي الامتحان تاكلي مفهوم،،،،وأول ما تطلعي،،تتصلي علي تطمنيني،،،،قولته ليهو طيب حبيبي،،،قال لي وربنا معاك وح يوفقك ان شاء الله،،،،قولته ليهو ان شاء الله يارب،،يلا نازلة،،،،أمن الأبواب وبقى يعاين لي،،،قولته ليهو حسااااام،،متين ح تبطل الحركات دي،،،قال لي ما ح ابطلها اساسا❤بقيت اعاين ليهو،،،قال لي اديني بركه الصباح❤،،قولته ليهو عملتها بركه كمااااان،،اوكي يا حسام،،،حسابك معاي لما نرجع البيت،،،ح احرمك من الكيكه الح اعملها بعدين،،،وما ح اخليك تشرب معاي القهوة كمان،،،قال لي عايني بعدين هين،،،المهم اللحظه دي❤😂،،وبعدين لاحظي أني ذوق شديد وح ابوسك في خدك بس،،،ما زي ناس بتخرب الروج👊💔😂😂،،،كان بضحك وهو جايني قريب،،،باسني من خدودي❤،،قال لي خلي بالك من نفسك الما عايزة ليها وصية دي،،وبالك وتركيزك كلو مع الامتحان طيب حبيبي؟،،،قولته ليهو طيب حسامي،،،فتح التأمين وقال لي يلا موفقة❤،،،،نزلتا وتاني رجعتا فتحتا الباب،،قال لي مالك؟ عاوزة حاجه،،،،قولته ليهو عان بحبك انا ياخ،،،وي علياا منك يا راجل انت❤،،قال لي ننوس ادخلي جامعتك الله يرضى عليك،،،عشان ما اسوقكك ونرجع البيت❤😁،،،قولته ليهو خلاص خلاص،،يلا سلام👊❤
الغريبة أني لما اتذكرتا الكلام دا ما بكيت💔،،بقيت اعاتب في نفسي،،يعني مجرد سوء تفاهم وصلنا هنا💔،،،لا أنا كنتا عايزة ابرر،،ولا حسام كان مستعد يسمع💔،،،،رجعتا الصور في الكرتونة وطلعتها فوق،،،،،اتصلت علي سوما،،قولته ليها قلبي التاني،،قالت لي اجي القلوب بقت عندك كتيرة ولا شنو👊😂،،،اسمعيني،،اليوم عيد ميلاد هشام حبيبي،،،،ظبطي لي كيكه ظريفة ح اجي اشيلا بعد ساعه،،،قولته ليها غايتو أنا شكلي ح افتح مركز تجميل ومحل كيك وحلويات واستديو تصوير بسببكم انتي وشهد وزينة👊👊،،،قالت لي طوالي تعملي كده،،بس ح تخسري كتير لانو حنشيل بالمجان😂😂المهم جهزيها،،جاية عليك،،،قولته ليها ظابط،،،،نزلتا تحت لقيت داليا قفلت الصالة والمفاتيح خاتاها في السفرة،،،،،،مشيت المطبخ،،وابتديت اعمل الكيكه،،حتى قصدتا اعملا زي مابحبها حسام،،،وكأنو باقي رجال الدنيا ديل كلهم حسام❤🙌،،،،،،عملتها وزينتها تمام،،،بعدها بشوية سوما جات،،،سلمت علي،،قالت لي حضني الحنين ياخ المطلعاني دايما من حتات ضيقة،،،قولته ليها حبي ياخ،،المهم عايدي عليهو وخليك
حريصة على روحك،،قالت لي انت تأمر ياخ،،شالت الكيكه وقالت لي بالمناسبة عرس زينة خلاص قرب شديد ولازم نكون ملازمنها زي ضلها،،،قولته ليها اممم حتى ماما مروة جات،،قالت لي بالجد،،وح تمشي تشوفيها متين،،،قولته ليها اكلم بابا واشوف رايو،،قالت لي لالا خير❤ يلا اشوفك ها،،قولته ليها اكيد،،،،،بعد سوما طلعت،،،ظبطتا لي قهوة وبقيت ماسكة تلفوني فجأه جاني كلام كده في راسي،،قولته انزلو بوست،،،،،فعلا شلتا تلفوني وبديت أكتب«كترانيم الكنائس أنت محرماً علي سماعها،،،وكتلاوة القرآن أنت بعيد💔»،،،ما كنتا عارفه الكلام جاي ولالا،،اللهم في اقل من خمسة دقايق الناس بقوا يعلقوا❤😂😂،،،دا منو وبتاع،،وشغالين لي كمان طلعتي مكرشة وووو....،مارديت عليهم،،،،بقيت بس أتابع التعليقات في صمت،،،،فجأه عيني وقعت على تعليق لحسام كاتب فيهو«كرحمه الله لا يأس منك❤ وكرده المسلم لا رجوع بعدها»،،،،قدر ما حاولتا اترجم كلامو دا ما قدرتا💔بس حسيت كأنو قصدو ما ليك مكان في حياتي💔،،،،قفلتا الشبكه وجدعتا التلفون في نهاية الكرسي،،،،،،،لما بابا جا بعد المغرب،،اتونسنا وكلمتو انو ماما مروة جات،،قال لي نفسك تشوفيها؟،،،قولته ليهو نفسي جدا،،بحسها امي بالجد❤،،قال لي طيب امشي شوفيها،،،بس ماتتأخري،،،قولته ليهو بابا عرس زينة خلاص مراسمو ح تبدا،،،،يعني ح اكون طول الوقت معاها❤،،،قال لي أنا بس ماعايزك ترجعي وتنتكسي زي الاول،،،قولته ليهو ماتخاف علي،،بتك قوية💜،،،قال لي عارف طالعه لي،،،،قولته ليهو أيوة أيوة😌،،،،ضحكك وطلع غرفتو،،،،،،،بليل كده خشيت الواتس،،،لقيت البنات بتكلموا في القروب،،،قولته ليهم هايات،،شهد قالت لي وبركاتو،،،وينك يزفتةة،،،بكرة جاياك،،،قولته ليها بس انا بكرة ماشة بيت ناس زينة،،،،سوما جات داخلة قالت لي مشمشتي تسلم يدك😘قولته ليها حبيبتي💛💛💛،،،،،شهد قالت لي خليك من سوما،،،عاوزة تمشي تسلمي على خالتو مروة؟،،قولته ليها أيوة،،،،قالت لي امممم طيب،،،أنا بكرة ما بقدر اجي عندي مشوار،،قولته ليها نتلاقى بليل؟،،عازماك عشاء،،،،قالت لي احب البحب بطني ياخ😌💜قدام💃💃،،،،،،على كده قفلت التلفون ونومتا💜
تاني يوم بعد فطرتا لبستا لي فستان زهري عليهو درجات سماوية،،،وطرحه سماوي وشبط سماوي،،،،،كنتا عاملة شوية بسكويت كده وفطيرة سكر💜 غلفتهم وطلعتا،،،كان مزاجي رايق ومبسوطة💜،،،،،،لما وصلتا كانت عربية حسام واقفة،،،حاولتا اعمل الموضوع عادي،،،نزلتا وانا ابتسامتي للضرس،،،ضربتا الجرس،،فتحت لي خالتو أمل،،،قالت لي ستهم💜،،،قولته ليها يافايتاهم انتي😘،،،كيفك،،قالت لي كويسة،،،تعالي،،،مروة من جات في سيرتك،،قولته ليها هي وين،،،قالت لي فوق في غرفتها القديمة،،قولته ليها طيب ح امشي ليها،،،ختيت الاكياس وطلعتا فوق،،،،قبل اخش سامعاها بتتناقش مع حسام،،قالت ليهو لا بنعرف اصلها لا فصلها،،،جاية من وين لا وكمان بلا خجلة جاية تسلم علي الليلة،،،حسام قال ليها يا امي الموضوع ح يبقى رسمي بس اديني وقت،،قالت ليهو طلقتا بت الاصول الانت اخترتها،،،،وداير تجيب واحده تانيه ما شبهها،،،،هو انت زاتك يا حسام ما مقتنع،،جاي تقنعني؟،،،قال ليها يا امي انتي كده شوفيها بعدين لينا كلام،،،قالت ليهو سمح يا ولدي،،،بس أنا مارايداها ليك💔،،،أنت وإيناس الله يجازيكم تاخدو قرارات بدون ترجعو للكبار،،،،حسام قال ليها بزعل انتي ناسية أنها الطلبت الطلاق،،،،فتحت الباب ودخلتا،،،،طبعا بقو يعاينوا لي بخلعه،،قولته لحسام وانت كنت عايزني اعيش مع واحد فاكر اني بخونو،،،،،💔
يتبع....
