شهد حاولت تصحيني،،،مع أني سامعاها،،بس حاسة جسمي تقيل،،والحفلة كان صوتها عالي،،،شهد شالت تلفوني واتصلت ب بابا لقت تلفونو مشغول،،،،حاولت تتصل على زينة وسوما بس مابردوا،،،،آخر شي فكرت فيهو اتصلت على حسام💔،،،،،من اول جرس رد ليها إيناس💔،،،،قالت ليهو حسام أنا ما إيناس،،معاك شهد،،الحقني يا حسام،،،ايناس فجأه وقعت وو ماعارفاها مالا😭😭،،،قال ليها كده فهميني براحه أنتو وين،،؟،،،قالت ليهو في امدرمان امبده،،،قال ليها لاحولا الوداكم الحتة البعيدة ديك شنو،،،قالت ليهو شغل وماتحكها معاي اكتر جاي ولالا،،،لانو أنا مابعرف الشوارع ولا بعرف اي زول،،،،قال ليها طيب جاي عليكم،،،أنا بقيت افتح عيوني شوية شوية،،،،شهد ساعدتني وطلعنا العربية،،،،،قالت لي اجيب ليك حاجه تاكليها او تشربيها؟،،،،قولته ليها حاسة نفسي دايخه،،،شوية وتلفوني ضرب،،قالت لي دا عمو آدم،،،أنا اتصلتا عليهو لما وقعتي،،،قولته ليها طيب ردي عليهو وخليك عاديه،،اتصرفي،،لانو لو عرف اني وقعتا ما ح يرضى اني اطلع تاني،،،قالت لي طيب،،،،ردت عليهو وفهمتو اني نزلتا اجيب موية من السوبر ماركت،،،،قال ليها طيب انتو وين قربتو؟،،قالت ليهو يادوب اتحركنا،،،،قال ليها طيب خليها تسوق على مهلها،،،،قالت ليهو طيب،،،قفلت منو وانا بقيت ماقادرة اتنفس حاسة نفسي ماف،،ومافي هواء💔،،،،شهد قالت لي دا كلو علشان ما اكلتي،،،استني اسي حسام ح يوصل،،،،قولته ليها بخلعة حسام😨،،قالت لي أيوة،،هو الوحيد الردا علي لما اتصلتا،،،قولته ليها شهد الله ياخدك اسي ح يقول علي شنو،،،،قالت لي يقول اليقولو،،،المهم يجي يطلعنا من هنا،،،انا مابعرف الشوارع دي💔،،،،،فضلتا قاعده وماقادرة اتحرك،،،بعد شوية حسام اتصل،،شهد اتكلمت معاهو ونزلت من العربية،،اظنها وصفت ليهو المكان،،،،،بعد شوية جاا بعربيتو،،،،نزل وواضح أنو زهجان،،وشو جايب مية لون💔،،،فتح باب العربية ونزلني،،،قال لي بزهج وعصبية أكيد ما اكلتي،،،أنتي لمتين ح تهملي نفسك كده😠،،،واسي لو أنا ما كنتا رديت كان الح يحصل ليك شنو،،،ماعندك عقل انتي،،،هو وينو الشغل المهم البخليك تجي لحدي هنا،،،قولته ليهو عليك الله ما تصرخ علي،،،لو عاوز ممكن تمشي أنا بقيت كويسة،،وطبعا أنا كنتا لسة دايخه،،،وقعتا عليهو،،،ثبتني بيدينو،،،وقال لي تعالي،،،ياخ انتي منتهية من الارهاق،،،عاين لشهد وقال ليها امشي وراي بعربيتها طيب،،قالت ليهو تمام،،،،،مسكني من يدي وركبني العربية،،،،بقى سايق وكل مرة يلتفت يعاين لي،،،،،بعد مساافة وقف قدام مطعم،،غاب خمسة دقايق وجاا،،،جاب لي سندوتش وعصير،،،،قال لي يلا اكلي،،عشان تاني ماتقعي،،قولته ليهو ياخ ماباكل انت مالك ومالي والجابك شنو اساسا،،،قال لي أنا جيت عشان شهد اتصلت علي،،ماعشان حاجه تانية،،،ثم إنك ماعاوزة تاكلي ليه،،،أنا القولته ليك تمشي محل مشيتي ولا انا الخليتك تقعي،،،سكتا ومارديت،،،،اكلني السندوتش بالغصب،،وشربني العصير،،،قال لي بس فالحه تطلعي روحي معاك،،،،قولته ليهو طيب خليني انزل،،،اصلا بقيت كويسة،،،،بقى يحمر لي وهو غضبان،،،ساق العربية وتاني نهائي مااتكلم معاي،،،،بعد وصلنا الخرطوم قولته ليهو ماما مروة جات من السعودية ولا لسة؟،،،قال لي لسة،،ح تجي لعرس زينة وترجع،،،،،قولته ليهو وعرسك أنت،،،ما ح تحضرو؟،،،قال لي نعم؟،،،دا كلام شنو كمان،،،،قولته ليهو انسى انسى،،،،بعد مسافة قال لي قصدك على لمار،،،،الموضوع دا مابخصك،،،قولته ليهو عارفة أنو مابخصني،،،فضلنا ساكتين وهو متابع الطريق،،،وكأنو نسى أنو طلقني،،بقى ماشي على طريق بيتنا أنا وهو💔،،،قولته ليهو حسام،،،أنا ساكنة المنشية لو متذكر،،،يعني ما بالطريق دا،،،،وقف سواقة وختا يدينو على وشو💔،،،،،قال لي اسف،سرحتا شوية،،،،قولته ليهو رجعني بيت ابوي،،زي ماعملتا من سنتين💔،،،،دور العربية وهو ساكت،،شهد اتصلت علي قالت لي بت أنا قربتا على بيتكم وانتو فجأه اختفيتو،،،قولته ليها انتي امشي البيت،،،وبكرة جيبي لي العربية،،،،قالت لي طيب،،أنتي كويسة؟،،،قولته ليها أيوة،،،،،قفلتا منها ودخلتا الفيس،،،حسام كان بعاين لي مرة مرة،،،فجأه قال لي بالنسبة لشعرك الفاكاهو دا؟،،،قولته ليهو بالنسبة لانك ماليك حق فيني حاليا،،،بتتكلم بصفتك شنو؟،،مش أنا نفسها البت القولته عنها خاينة💔،،،قال لي إيناس ما تقوليني كلام ما قلتو،،،وماف داعي نفتح صفحات قفلناها،،،،قولته ليهو احسن،،،،«طبعا أصعب احساس يكون جواك كلام كتيير بس ماقادر تقولو،،،،»،،للحظه حسيت بشوية خجل ناحية حسام،،،يعني قبل سنتين بالظبط كان بينا علاقة زواج💔،،،،وصلني البيت،،جيت انزل أمن الابواب،،،،قولته ليهو افتح الباب،،،قال لي ح افتحو بس تاني قبل تمشي مكان،،اكلي واشربي،،،ماف داعي تقعي وانا الموضوع كلو يقع في راسي،،،،للحظه كرهتو وطلع من نفسي،،يعني أنا خلاص بقيت مابهمو💔،،،فتح لي الباب،،،قال لي انزلي،،،وبالجد مانفسي اشوفك تاني،،،قولته ليهو يا شيخ أنا كمان ما طايقة وشك👋💔،،،،نزلتا
بسرعه ودموعي غالباني،،،فتحت الباب،،لقيت بابا صاحي ومستنيني،،سلمتا عليهو وحاولتا أكون طبيعية،،،والحمد لله ما لاحظ لي❤،،،،طلعتا غرفتي وانفقعتا بكى💔،،،معقولة دا حسام الكان لو بس مسكني صداع بقوم الدنيا ومابقعدها،،،،دا حسام الأنا لو ما اكلتا بفضل مهتمي بي بالأيام عشان أرجع زي ما كنتا💔،،،،،دخلتا الحمام وفتحتا الدش علي وأنا بملابسي،،،،بقيت أبكي وأتذكر أول يوم اتزوجنا فيهو واتقفل علينا باب واحد💔
حسام أنا ما ح اطلع من الحمام مالم توعدني أنك ما ح تلمسني😭😭😭❤،،،كنت سامعه ضحكتو،،قال لي طيب اطلعي أول،،خلينا نصلي وربك كريم،،،قولته ليهو اوعدني أول،،قال لي طيب طيب ما ح المسك يلا ممكن تطلعي،،،قولته ليهو طيب،،،،طلعتا وانا كلي برجف،،،مسكني من يدي وجراني عليهو❤،،قال لي ههه بالجد خايفة مني،،،قولته ليهو حسام أنت وعدتني ياحيوان😢،،،قال لي حيوان عديل كده😂😂😂😂،،وبعدين أنتي المفروض تقولي حبيبي،،،قلبي وكلام زي دا،،،،حيوان دي،شنو👊👊،،،قولته ليهو حسام أنا خايفة😢،،،قال لي طول ما أنا معاك اطمني❤،،وبعدين يعرفوك شافعه كيف😂😂،،،في واحده عاقلة بتخاف من راجلها❤،،،ضماني عليهو وقال لي ياخ ألف بركة انك بقيتي حلالي❤❤❤.......
بعد طلعتا من الحمام،،غيرتا ملابسي ودموعي لسه جارية💔،،،،اخدتا نفس وعيوني كانت واقعهه💔،،،،كل لحظه مع حسام كانت كفيلة بأنها تعيشني عمر بحالو❤❤،،،،،،فتحتا الواتس لقيتو خاتي صورتو بالجلابية البيضاء❤وكاتب عليها«وعقبال تجي جمعه تجمعني بيك وتجهزيني للصلاة❤»،،،،ياخ أنا اتخنقتا،،،وفكرتا ابلكو،،،بس تاني اترجعتا💔،،،،،،فضلتا صاحية لحدي الصباح بتقلب في سريري،،،،حسيت بحركه بابا في الغرفة،،غمضتا عيوني شديد،،،جاا علي باسني في راسي،،،وطلع،،،،كان شغال يوم السبت برضو،،،،،بعد اتاكدتا أنو الحركه قلت،،،يادوب اتفشيت وبقيت ابكي زي الناس💔،،،،قومتا اتوضيت وصليت،،بكيت بكى💔،،،كأنو السنتين الفاتو ديل يادوب الدموع الاتحبست فيهم بتنزل💔،،،بعدها نزلتا تحت،،،شهد اتصلت علي،،قالت لي. اتظبطي اليوم وانسي اي شغل طالعين،،،قولته ليها وين؟،،،،قالت لي ح نمشي لزينة،،،،قولته ليها ياه بلاش والله وشي كعب عديل💔،،قالت لي صحي امس حصل شنو؟،،،قولته ليها لما تجي ح احكي ليك،،قالت لي افطري بس واستنيني،،،قولته ليها تمام،،،،،
_في مكان تاني
مبالغة الراجل دا لكن يا لمار،،،ماواضح زاتو انو عمرو 33،،طول وعرض وحركات❤❤❤😍الله اداك يا زولتي،،،لمار قالت ليها ههههه فعلا،،،تخيلي أنو كان متزوج،،وطلق مرتو من سنتين،،،،أنا لما مشيت خطوبة بت خالتو،،قالوا لي طلعت،،تخيلي المرة الموهومة دي مصاحبة بت خالتو زينة الشافعه دي،،،قالت ليها وهي عمرها قدر شنو طليقتو؟،،،لمار قالت ليها بتكون 30كده عههههه،،،أو قدرو،،،،بس يلا هو اساسا ما ح يعاين ليها تاني👋،،،بشوف الاصغر منها❤ وانا عمري مناسب لعمرو،،،،صحبتا سارة قالت ليها قادرة لكن،،،فعلا عمرك حلو شديد مع عمرو بس اعملي حسابك من طليقتو،،لانو حق الكبار صعب😂❤❤،،،،لمار قالت ليها اليوم قال لي اجي عند بيت خالتو عايز يعرفني بيهم،،والعرفتو أنو أمو ح تجي قريب❤سارة قالت ليها اكسبي امو بدري بدري،،التلقيها كارهه مرتو القديمة👊،،،لمار قالت ليها احتمال يابيبي ما معروف😂😂 تفتكري طليقتو دي،شكلها ح يكون كيف؟،،،،قالت ليها مااكيد كبيرة وماعايشة عمرها👊👊😒 يلا اجهزي وامشي ليهم😘
اما انا فجهزتا نفسي،،،لبستا بنطلون جينز وقميص أبيض طويل بس ماشديد،،،ورفعتا شعري لفوق،،وجدعتا لي طرحه بمبية كده،،،،اتمكيجتا بس عشان اخفي آثار عدم النوم،،،،بعدها بقيت منتظرة شهد،،،اتصلت علي قالت لي يلا اطلعي،،،،شلتا مفاتيح البيت،،قفلتو وطلعتا،،،،أول ما ركبتا،،قالت لي مسيوهاااات ياخ😍❤،،،قولته ليها كتيييراااات😘،،،شغلت لينا زنق😌😂😂👋واتحركنا،،،حكيت ليها بالحصل معاي💔،،،الحيوانة ما حاولت تواسيني حتى😂😂قالت لي ازنقيها بس يا صحبتي💃💃،،،،قولته ليها مجنونة ياخ انتي😂😂😂❤،،،،،وصلنا بيت ناس زينة،،،اول ما نزلتا،،حسيت بقلبي واجعني شديد💔،،،،قولته لشهد قلبي ماكلني،،قالت لي حكيهو😢❤😂😂😂😂،،،قولته ليها اننن ظريفة خالص👊😒،،،،جرتني من يدي وقالت لي ارح ارح😂😂😂،،،دخلنا جوه،،،لقينا خالتو أمل في المطبخ ومعاها اخوان زينة التؤام،،ريان وريحان 14سنة،،سلمنا عليهم،،،وقعدنا في الصالة،،،،،جات زينة سلمت علينا،،،وقالت لي سلامتك قالو لي وقعتي،،،حمرتا لشهد،،،شهد قالت لي ما كلمتها أنا والله😷،،،قالت لينا ابردوا،،كلمني حسام،،،لما اتصلتا عليهو امس،،،قولته ليها اها،،،كويس،،،قالت لي بالمناسبة هو ولمار جاين كمان شوية،،،،،أنا هنا القعده غلبتني،،،قولته لشهد اديني المفاتيح أنا ماشة،،،،قالت لي لا ماف مشي،،،وبعدين مش قولتي نسيتي،،،اعملي رايحه بس واسفهي هو والمعاهو،،،زينة قالت لي بالظبط كده،،خليك عادية❤ زي ماهو بكون عادي ومابتكركب لما يشوفك،،،،،قولته ليهم تمام،،فضلتا قاعده على اعصابي،،،ومتخيلة انو لمار دي حلوة،،يعني احلى مني بمراحل
❤،،،،ضغطتا على قلبي بس وبقيت ساكتة وبلعب بالخاتم الفي يدي،،،فجأه سمعتا صوتو❤،،،،قال السلام عليكم،،،رفعتا راسي وعاينتا ليهو،،،حتى هو واضح أنو اتخلع بشوفتي،،،،بقت في حالة توتر حاصلة،،،،لما عاينتا على يمينو،،شفتا بت قصيرة ومليانة واقفة جنبو،،،ملامح وشها عادية وعاملة ميك اوفر،،،،،بقيت اعاين ليها بصدمة احساس أنو ذوق حسام كعب شديد💔وفي قلبي قولته وين القرض البقولو عليهو صحباتي ياربي؟،،،،حسام سلم علينا كلنا وبقى واقف،،،ولمار بتعاين ليهو احساس عرفني عليهم،،،،هو اي نعم انا جنب حسام قصيرة بس فيني طول وجسمي متناسق❤،،،بس دي قصرها كان شنيع،،،،،قبل حسام يتكلم خالتو امل نادتو،،،قال لينا بعد اذنكم،،،،زينة قالت ليها لمار اتفضلي،،،،ااعرفك طبعا دي،شهد شوفتيها يوم خطوبتي،،،ودي إيناس،،،أو مشمشة زي ما بناديها،،،صحبتي وو،،،زينة سكتت ومارضيت تواصل،،حتى أنا ما كان نفسي تعرف عني شي غير اني صحبة زينة،،،بس شهد الشليقة نطت وقالت ليها إيناس صحبتنا وطليقة حسام،،،،،💜
#فيها_نقاط_من_رواية_جراح_بارده👋😌❤😂
يتبع.....
