انثى كلاسيكية

الفصل الخامس

فايزة: لك ااااخ يا مدام شو بدي قلك لقلك.. خليني بس جيبلك مي لتشربي 

مسكتها ياسمين: لا تعي ما بدي مي… احكيلي 

فايزة: بس 

ياسمين: لك خلص احكييييي 
#مال_الشام 
فايزة: بس امانه ما بتقولي انك عرفتي مني 

ياسمين: بوعدك لا تخافي… احكي 

فايزة: هي البنت الي اسمها هيفاء حبها البيك كتير و تجوزا.. اجت عالبيت اول شهر كانت هاديه و مسالمة… بعدين بلشت تتغير 

ياسمين: كيف؟ 

فايزة: صارت تطلع من البيت كتيررر… اشترالها احمد ييك سيارة و صارت على طول تروح و تجي و تتاخر بالسهر و تصرف كتير كتير… بتزكر مره اتصل محل ملابس على احمد بيك و قالولو انو مرتو اخدت اغراض و بطاقة البنك تبعا فاضيه و قالتلهن ياخدو حاسبهن من الشركة… و عصب ابو احمد كتيرررر… وهيك من يوم ليوم تصير ابشع و سيئة اكتر و يتخانئ احمد معا كتير عطول اصواتهن طالعه.. لوقت ما طلعت حامل 

ياسمين كانت عم تسمع و مستغربه كتير انو كل هالصفات السيئة و احمد بيحبا لهلا!! 

فايزة كملت حديثها… : بس طلعت حامل الكل انبسط كتيرررر طار عقلهن و صارو يحاولو ما يزعلوها بنوب و هي تتمادى و تنغر بحالها اكتر… و جننتهن بطلباتها الي بلا طعمه..
خدي مثال لقلك… 

و حملت شادي من تختو: هاد الولد طلع سياحة على روما و ايطاليا و فرنسا… تيابو من ماليزيا و وولادتو باميركا قال لانها كانت خايفه من الولاده هون… 

اخدت ياسمين الولد من ايدها و ضمتو لحصنها .. 

ياسمين: طيب و كيف تطلقو؟ 

فايزة: والله بس اتزكر هالقصه بيوجعني البي 

ياسمين: احكيلي 

فايزة: بعد ما ولدت المدام… البيك الكبير ابو احمد نفسو صار يتخانئ معها لانها كانت مستهترة و غير مسؤولة… لبسها كان مو محتشم و سهراتها كتار و احمد يحاول يغطي عليها و ما يقدر.. 
لاجى يوم من الايام لهلا بتزكرو ما بنساه.. 

كانت متل العادة طالعه من البيت.. 
و انا نيمت شادي بتختو و تركتو و رحت لنام… 
انا بتعب كتير بالشغل لهيك وقت نام ما بحس على شي… 
تأخرت مدام هيفاء بسهرتها هديك الليلة… 
و شادي يعلي عليه كان سخنان كتير و عم يبكي و محدا حاسس عليه… احمد فات عالبيت متأخر كمان و سمع صوت ابنو عم يبكي…فات لعندو و حملو بين ايديه و حس بحرارتو عاليه كتير… ماعرف شو يعمل و اخد الولد لعند الخانوم ام احمد لتشوف شبو… كان رح يموت من البكي و حرارتو كتير عالية صحيت على صوتهن العالي و صوت بكي شادي.. 
ركضنا فيه عالمستشفى و هنيك قالو انو الطفل احتمال صار معو خلل بالدماغ بسبب الحرارة العالية… و بلشو يعملولو فحوصات و رجعت المدام هيفاء عالبيت ما خطرلها تفوت تطمن على ابنها… طلعت على غرفتها و نامت… 
الصبح رجعنا من المستشفى و الحمدلله الله سلملنا الولد و ضل سليم برحمة رب العالمين… 
مال_الشام 
ياسمين: ياربي دخيلك معقول هيك!!! … و لهاد السبب تطلقو؟ 

فايزة: لا… وقتا الكل شرشحها و قاطعوها اسبوع بعدين ابو احمد اخد مفاتيح السيارة منا و بطاقة البنك و منعا من السهرات و الطلعات و قلها بتقعدي فوق راس ابنك و بتهتمي فيه… و احمد ما قدر يعترض… ضلت قاعده شهر متل الحية بالبيت تعمل مشاكل و تتشرط ومو عاجبها شي و بعدين ضبت غراضها و قالت لاحمد انا هي الحياة ما بتناسبني و بدي الطلاق… 

ضلت تلات ايام ببيت اهلها و بعدين ابو احمد غصب ابنو يطلقها…و هيك تم الطلاق… 

ياسمين: و لهلأ بيحباااااا!!!! … كيف بيحب وحده بهي البشااااعه!!!! 

فايزة: احكيلك شي؟ احمد بيك ما بحب هيفاء السودا المتسلطة… بحب هيفاء البنت البريئة الي فاتت على هاد البيت.. بعد ما شفت كيف المصاري خلتها وحده بلا احساس و اكبر همها شو بدها تصبغ لون اظافرها… شكرت ربي الف مرة انو خلقني فقيرة ههههه 

صار يبكي شادي… قامت ياسمين و صارت تتمشى فيه ليسكوت… 

ياسمين: طيب هي بعدا بتحبو؟ 

فايزة: هيفاء ما بتحب غير المصاري انا بعرفا منيح 

ياسمين: طيب و انا شو اعمل بحالي! ؟ ارجع لاهلي مطلقه!! 

فايزة زعلت على حالتها و ما عرفت شو ترد 

انفتح باب الغرفة و فاتت ام احمد… 
حطت ياسمين الولد من ايدها و لفت وشها 

ام احمد: تطلعي فيني 

ياسمين: ليش؟ رح تقدري تطلعي بعيوني بعد الي عملتيه فيني؟ 
التفتت ياسمين عليها و عيونا كلهن وجع: اتطلعي فيني… لو بنتك مطرحي شو كنتي رح تحسي.. 

ام احمد: انا.. 

ياسمين: شووو… انتو كيف بتلعبو بحياتي هيك.. 

ام احمد: اهدي… في شي بدي خبرك ياه… نحنا حكينا مع احمد و وصلنا لقرار 

ياسمين: ايه؟