انثى كلاسيكية

الفصل الحادي عشر

وصلو عالأوتيـــل وياسمين محتارة .. تلبس الفستان أو لأ !! 

فات احمد وكان عم يلاعب شادي لينيمو .. 

وفاتت ياسمين .. طلعت الفستان لبستو .. فردت شعرها الأسود الطويل
ولبست الأكسسوارات .. و رشت عطر الياسمين .. 

كانت واقفه قدام المراية و عم تفكر بكل شي صار معها .. 

اجا احمد وفات عالغرفة 

احمد : نيمتو لــــ ... ل 

التفتت عليه ياسمين .. ونزلت راسها بالأرض .. 

احمد : بتعرفي .. انتي عنجد ياسمينة 

قرب منها ومسك خصلة من شعرها 

احمد : اكتر شي حلو فيكي شعراتك 

ياسمين : لهيك تركتني ليلة عرسي عم ببكي مو ؟ 

احمد حط ايدو على تمها : خلص هس ما بدي تحكي شي من الماضي 
ياسمين انتي مستحيل تستوعبي شو يعني البي يدء مره تانيه 
مستحيل تفهمي انا اديش عانيت وتعزبت 

ياسمين : بس يا احمد هاد مو ماضي .. 

قرب احمد منها وحط ايدو عالحيط .. طفى ضو الغرفة وهمسلها 

احمد : سدئيني ماضي 

ياسمين بعدت عنو : ما عم بقدر سامحك .. 

وطلعت من الغرفة وهي عم تبكي 

#مال_الشام 

وهيك احمد قرر ينهي رحلة ماليزيا ويرجعو لان أمورهن ما عم تنحل هون 
خبر ياسمين وضبت غراضها .. حكيت مع اهلها وخبرتهن انها راجعه .. 

رجعو والكل استقبلهن وفرحو فيهن .. مضو نهارهن مع اهلهن ورفقاتهن

ياسمين تطلع باحمد بدون ما ينتبه .. ولما يتطلع فيها تشيل عيونا فوراً .. 

أم احمد قربت من ابنها : شبها مرتك ليش هيك ما عم تحكي معك ؟ 

احمد : مو وقتو امي

ام احمد : لا حبيبي وقتو ونص .. ليك انا لقيتلك طريقة لتطلقها بدون ما يزعل ابوك 

سكت احمد و تغير لون وشو 

ام احمد : على فكرة هيفاء حكيت معي و سألت عنك .. 

احمد : هيفاء ؟؟ 

ام احمد : ايه والله .. وقلتلها انك رجعت 

احمد : شو بدها .. يمكن بدها تشوف شادي ؟

ام احمد : لا سألت عنك انته 

استغرب احمد كتير و طلع من البيت وياسمين كانت منتبها عليه لما كان عم يحكي هو وامو
وصارت تفكر شو قالتلو امو حتى انقلب هالقلبة !! 

ام احمد بقلبها : اضرب انا وحظي كل كنة اضرب من التانيه .. هديك طماعه وهي بدها
تمشي ابني متل ما بدها بس ما فشرو التنتين !! خليني بس اخلص من هي الي عندي شوف شي حل

خلص النهار وكانت ياسمين كتير تعبانه من السفر واستقبال الناس .. و احمد ما رجع 

ارتاحت شوي وغفيت .. صحيت الساعه 12 بالليل .. وقفت عالشباك لتشوف سيارة احمد
وشافتو قاعد بالجنينة عم يدخن ... 

نزلت لعندو .. 

ياسمين : ايمت رجعت ؟ 

احمد : من شوي .. 

ياسمين : وين كنت طيب ؟ 

احمد : ياسمين الله يرضى عليكي .. انتي شو بدك ؟ 
انتي رافضه تصيري مرتي .. وهلأ عم تحاسبيني وين كنت وين رحت و وين جيت ؟ 

ياسمين تلبكت : ما عم حاسبك بس هيك سألت .. 

قعدت جنبو وكانت الدنيا شوي برد .. 

ياسمين : تعشيت ؟ 

احمد : مو جوعان 

ياسمين : شو قالتلك امك حتى انقلبت هيك ؟ 

رمى السيجارة من ايدو وداسها بقوة .. 

احمد : امي الي قلبتني هيك ولا تصرفاتك ؟ .. ليش هيك عم تعملي فهميني ؟ 

ياسمين : انا ... انا مو بايدي .. انت ما بتعرف حالك شو عملت فيني 

احمد : ياااسميييييين .. ياسمين افهمي علي .. حاج تعملي فيني هيك 
انا ما كنت متخيل اتطلع بمرا تانيه .. لك انا بيوم عرسك ما قدرت اتطلع فيكي 
ما قدرت شوف شي قدامي .. انتي .. انتي بايدك خليتيني ارجع فكرا عيش طبيعي 
لك سااااااعديني .. ساااااااعديني 

ياسمين : احمد 

ضمها بقوة كتيرررر و كان عم يشدها 

ياسمين : احمد شبك

احمد : انا محتاجك .. محتاجك .. لا تبعدي عني 

حطت ايدها على ضهرو وضمتو هي كمان و نزلت دمعتها 

ياسمين : انا بحبك .. 

فجأة ارتخى ... ورجع لورا واتطلع فيها .. 

احمد : شو قلتي ؟ 

ياسمين : بحبك .. بحبك .. والله كتييييير بحبببببببببك بحبك

اجا من بعيد ضو سيارة .. 

استغرب احمد وياسمين مين جاي بهل وقت .. 

ياسمين : مين ؟

وقف احمد وتطلع منيح وقلها هي سيارة هيفاء 

ياسمين : شوووووو ؟؟؟؟؟؟ 

احمد : فوتي انتي لجوا 

ياسمين : لا ما بدي .. ليش لفوت 

وقفت السيارة .. ونزلت منها هيفاء .. واجت بأتجاه احمد وياسمين