ياسمين: شبك احمد؟! … يعني الطبيعي انو ابنك يروح معنا
احمد: عنجد شكراً كتير بتعرفي هي اول مره رح اطلع مع ابني سياحة…. بس ما رح تنزعجي لانو هاد شهر عسل؟
قامت ياسمين و تركتو: ههههههه ايه لا تسدء كتير… تصبح على خير
طلعت على غرفتها و نامت بصعوبة… و بعدا لحقها احمد..
احمد: نمتي؟
ياسمين ما ردت: --
طفى الضو و نام…
تاني نهار الصبح صحيت ياسمين بكير اخدت دش و ضلت بعبايتها و نزلت تحضر الفطور مع فايزة و ضبو غراض لشادي مشان يروح معهن… صحيو الكل و افطرو و محدا حكي ولا حرف لوقت ما خلصو اكل..
#مال_الشام
ابو احمد: حضرتو شناتيكن؟ كمان ساعه بتوصل السيارة لتاخدكون على المطار..ياسمين: ايه عمو كلو تمام… و ضبينا شنتاية لشادي كمان..
ام احمد: شو!!!
احمد: ايه امي ما لحقت خبرك… قررنا ناخدو معنا
ابو احمد: لا السياحة ما بتناسب اطفال و انا بنشغل بالي على حفيدي…
احمد: كيف بنشغل بالك عليه وهو مع ابوه؟! … الله يخليلنا ياك ابي بس نحنا كتير حابين ناخدو معنا
ام احمد: ايه لا ما رح تاخدوه معكن!!
ابو احمد: ياسمين انتي شو رأيك؟
ياسمين: والله ياعمي ياريت تسمحولنا… شادي كتير بينحب و بفوت عالالب… و مو معقول يغيب شهر عن ابوه حرام يعني
انبسط احمد كتير بحكيها…
ابو احمد: ماشي… متل ما بدكن…
وقام عن الاكل و ام احمد عصبت كتير و قامتاحمد: شكراً
ياسمين: على شو؟
احمد: انسي… انا ما شفتك ضابه غراضك ما ضل وقت
ياسمين: انا ما رح اخود شي… بس عبايتي هي
احمد: عم تمزحي!!
قامت ياسمين عن الاكل… : لا والله ما بمزح…
احمد: يارب تصبرني…
جهزو غراضهن و طلعو بالسيارة… و دعت ياسمين اهلها و حاولت ما تشغل بالهن لتشوف شو اخرة هالمصيبه الي وقعت فيا و طلعو بطيارتهن… كان شادي عم يبكي و متدايئ..
ياسمين: اعطيني ياه
هيك لوقت ما نزلو على مطار كوالالمبور… عاصمة ماليزيا..
كان تحفة معمارية بكل معنى الكلمة… ضخم و انيق..
احمد كان متعود على هيك بس ياسمين كانت مبهورة بالي عم تشوفو..
مال_الشام
ياسمين: احمد وين طريق الطلعه ما نكون ضعنا!!احمد: هههههههه لا ما ضعنا… هلا في قطار رح نطلع فيه على صالة المغادرة…
اخدو وقت طويل حتى وصلو للمدينة تقريباً ساعه.. نزلو بشقه صغيرة و ترتيبها غريب…
ياسمين: كتيررررر حلو
حط احمد الولد من ايدو: تعبت..
ياسمين: رح نقعد هون؟
احمد: بس الليلة… منام و منرتاح و بكرا عنا مشوار..
ياسمين: وين؟
احمد: بتحبي البحر؟
ياسمين: بعشئووو
احمد: ايه رايحين على منطقة جنب البحر… بينانغ…
ياسمين: بينانغ؟
فات احمد على غرفتو و نام…
حملت ياسمين شادي و لاعبتو و غيرتلو تيابو و نيمتو..لحقت احمد لقتو نايم…
و التخت صغيرر…ياسمين: يعني حتى حضرتك ما فكرت انا وين بدي نام!!!
فتح احمد عين وحده و ابتسم: تعي نامي جنبي…
صار وشها احمر احمر…
ياسمين: فكرتك نايم
احمد: تعي نامي شوي و ارتاحي بكرا عنا نهار طويل..
ياسمين: ما رح نام جنبك… شكراً…
طلعت من الغرفة و تركتو
احمد: عنيدة…
رجع ابتسم…: و حلوة…اتفلت ياسمين بالشقة و تفقدت المطبخ و حست حالها متدايئة من العباية..
مشت على روس اصابعها… تطلعت عالغرفة لقت احمد نايم..
رجعت فتحت شنتاية السفر و طلعت بيجامة ناعمة كتير..و فاتت اخدت دش و سمعت صوت شادي عم يبكي… نشفت بسرعه…
حملتو و صارت تغنيلو ليرجع ينام…ياسمين: شادي حبيبي انا نعسانه خليني نام… شادي لا تكون غليظ متل ابووووك الله يوفئك…
مال_الشام
كان احمد واقف وراها و عم يضحك و يسمعا..ياسمين: ليك هلا انت سكوت و رح طعميك شوكلا… يلا ينام يلا ينام لدبحلو احمد و نرتاح منو ههههههه
احمد: بالله
ارتعبت ياسمين و صرخت… و صار شادي يبكي
احمد: هاد انا
حطت ياسمين ايدها على البها: بسم الله الرحمن الرحيم رعبتتتتني
قرب و اخد الولد منها…
احمد: ليش شلحتي العبايه؟
استحت كتير و ما جاوبتو…
احمد: نامي شوي و انا بهتم بالصغير…
فاتت ياسمين عالغرفة وهي معصبه: غبي…
احمد: سااااااامعكككك
أنت تقرأ
انثى كلاسيكية
Romantizmمرحبا القصة للكاتبة 😍 مال الشام 😍 اولا . مو انا الكاتبة انا بس عم انقل القصة من الفيسبوك . ثانيا . انا دورت بالوتباد و مالقيت القصة مشان هيك حبيت انقلها مشان تستمتعوا بقرائتها . ثالثا . اسمي ع الفيس بوك . sola ali . رابعا . للي بحب الروايات...