غير عن الباقي💕
ẩცξξГ ђẩм̃̾ΐĐ 💕
2
بعد ومضان بي كم يوم كانت النتايج حقتنا سمعت في الراديو الخبر دا طوالي قفلتو ما عايزة اعرف الباقي مع اني اشتغلت كويس لكن الخوف الخوووف 🙂💔المهم رجعنا البيت وكان خلاص رمضان كاابسس كابسس
اول يوم في رمضان الكهربا كانت علينا في القطوع وقطعت الساعة 8 بالضبط 🙂❤ومن هذا الممبر احب اشكر ناس الكهربا على مواعيدهم المضبوطة الما بتتاخر ولا ثانية يعني بجد اخيرا لقينا زول سوداني ما ماسورة حب كبييير ليكمم 🙂💘تفف عليكم 💘💘نرجعع
الكهربا قطعت وشحني 33 وطبعا بطاريتي خرا مستنية اخوي يرسل لي التلفون الجديد دا قاعد معاي 6 سنين عينو طلعت قرف مني زاتو 🙂💘وثانيتين بقا شحني 3 ما استغربت لاني متعودة على حركتو الجميلة دي وكمان ما يسمع انو الكهربا قاطعة ما بيصدق طوالي "ووفف"شفطط الشحن يكمل 😘💔💔الزبدة مشيت لي ماما لقيتها مافي مع الجيران قعدت اعاين في بيتنا الجميل مافي حاجه الزول يعملها للقاني مصحفي الجابتو لي صحبتي مسيحية 💕يلا دي صحبتي بالجد بالجد لكن كانت جيرانا في الدينمارك طبعا كنا عايشين هناك وهي نوع الاتراك الجو السودان من بدري شديد المهم لينا 3 سنين ما بنعرف عن بعض حاجه بس بتزكرها بالمصحف دا ❣شلتو وقريت الجزء الاول ودعيت انو اجيب نسبة كويسة وتاني بقيت اعاين في بيتنا الجميل مرا تانية لحدي ما جات امي طلعت لي سمبوسة و جبنة و جزر و لحمة مفرومة ختتهم لي وجرت تاني الجيران 🙂💕لفيتها لفيتها وانا بغني طبعا صوتي حلو شديد 😂تاني اتذكرت انو نحن في رمضان و كمان دا اول يوم انتهيت من السمبوسة طق الكهربا جات 😳😳 وتفك كيف كدا ختيت التلفون في الشاحن و رجعت نمت تاني صحيت العصر صليت وجمعت الظهر معاهو كان باقي ساعة بقا دا نظامي لحدي ما جا اليوم الضربت فيهو غدير صحبتي في نلفون امي اجي دي اتزكرتني من وين سلمت عليها و بتقول لي وين مختفية وكدا 😏 بقيت امشي فيها لحدي ما قالت لي بكرا النتيجة 🙂💕 قلت ليها دايما بتجيبي الاخبار السعيدة واتونست معاها مع اني كنت بجاوب على يدر السوال لكن هي كانت مصرة تتونس وانا شمااهاا دي صحبت شنو البتجي مصلحة دايراني امشي معاها جوسي بيوتي الفي بحري لكن قلت امشي ما مشكلة معاها لاني اصلا دايرة منكير 🙂 قلت ليها خلاص يا زولة بكرا بعد النتيجة لو طلعت نتيجتي كويسة بمشي معاك وقفلنا 🙂رجعت نمت صحيت الصباح لبست لي بنطلون اسكني اسود معاهو بلوزة طويلة لحدي الركبة مربعات كحلي غامق و اسود و طرحة لحمي و جزمة اسبورت وادعي لي يا امي سمعت الدعوة الحلوة وطلعت
يتبع
Wattpad:deabeer
كسرةة
كل يوم حنزل حلقتين و لو في تفاعل بنزل اكتر
