غير عن الباقيين
Abeer hamad
17
اميي بقت تكسرر تلج تكسر تلج و تقول يا حظها والله حتسكن مع احسن ناس قبلت على عدي قلت ليهو وعيادتك انت مش عيادتك في ما خلاني اتم كلامي قالي خلينا نتناقش في الحاجه دي يوم تاني ما قعدنا معاهم كتير طوالي مشينا بيتنا
عدت الايام وانا بديت اتحبس في بيت خالتي 😂كانت معاي سحر اختي وامي بتجي مراات واهل عدي كانو دايما بجونا اختوو منية ظريفة شديد و بتنحب نوع البنات الضعاف الشعرهم طويل البدخلو انجليزي في الكلام و احلى حاجه لما اتلاقو خالتو و خالتي ام هديل سلمو على بعض شديييد حضنو بعض و بكوو والله اتاثرنا كلنا و بقو ماسكين يدين بعض 💜💜💜💜💜 يااا سلاام على صحوبيه زمان وعلى طاري الصحوبية غدير جابت شنطتها وجاتت تقعد معاي كان باقي للعرس 5 يوم و منية اخت عدي برضو جات بشنطتها 😂😂😂دا غير مارتا اصلا قاعدة معاي و بنات خالتي هديل و هيام الجو من السفر وكدا اتلمو كلهم بقو 24 ساعة بغنو و بصحوني بالطبله و كنا لما نشرب الشاي بيدوني انا صحن بسكويت وكل واحده فيهم بيدوها تلاته في يدها العروس وكدا 😂يلا يوم كانو الامهات مافي بس في نحن الجرس ضرب شديد مشت منية فتحتو وجاتنا فوق قالت سجمي دا العريييس قولت ليها العرييس؟ قصدك اخوك؟قالت لي اييي الليله ووبب نزلو ليهو البنات يتشمشرو وخلوني براي فوق وهو سلم عليهم وكل شويه يعاين بالسلم انا زهجت وقفت جمب باب الغرفه فوق وبقيت انادي يا هديل يا غدير يا منية واحده فيكم تچيني وفعلا جاني زول لكن ما كان وحده من البنات كان عدي وكان بحمر لي وزعلان شديد حتى ما سلم علي قلت ليهو مالك 😳وما رد لي انا خوفت شديد يا مروان مالك انا عملت شنو واخيرا نطق وقال انتي لي عملتي كدا ؟ قلت ليهم عملت شنو وريني وطبعا اصلا عيونو كبار و بقو حمر ويحمر لي انا خوفت شديد و قربت ابكي و برجف منو قالي لي بتخليني اشتاق ليك قدر دا لي خليتيني ادمنتك انا بقيت انادي الممرضات و اخواتي باسمك دايما ما ممكن شهر كامل لا اشوفك لا اسمع صوتك رفعت ليهو حاجبي وربعت يديني فك لي يديني وهو لسه بحمر لي ومسكهم قالي لو اشتقت ليك و مالقيتك حاقتلك فاهمة وبقول كدا بشكل ونزل تحت وانا مخلوعة دا مالو 🙂جوني البنات قالو لي قاليك شنو قاليك شنو مسكت منية قلت ليها انتو عايشين مع المجنون دا كيف بقو بيضحكو اذن المغرب مشينا نشرب الشاي وكانو شالو البسكويت و الحاجات و الجرادل ودوها بيت العرس اللي هو بيتناا قلت ليهم خلاص بعمل ليكم كيكه ابو مشت منية تعملها شربنا الشاي واستنينا ناس خالتو كتير ضربو قالو ما جيين قفلنا البيت ونمنا
Wattpad:deabeer
#يتبع
