غير عن الباقيين
26 والاخيرة ⭐
abeer hamad
وانا بلبس في الاولاد قالو لي انتي ما ماشه معانا قلت ليهم لالا ما بخلي ماما هدى براها قالو لي طييب لبستهم وسرحت ارم وريحتهم و مشو عاينت للبلكونه يمشو وينططو وابوهم الكلب كان لابس قميص كحلي ولا اسود ما عرفت 😩ولابس نظارة سبحان الله جمالو بيزيد يوم ورا التاني ركبو واتحركو ماعارفه فجاه حسيت بي فراغ مع انو دي ما اول مرا يطلعو مع ابوهم براهم لكن دي اول مرا يطلعو مع ابوهم ويبيتو 💔جاني تلفون رديت قالت السلام عليكثم اخت عبير حمد ؟ قلت ليها ايوا اتفضلي قالت لي انا عندي مسلسل ودايراك تكوني المصممه بتاعت الديكور وصدقيني راتبك حيكون حلو شديد اتناقشت معاها في الموضوع واتفقنا كان راتبي بالدولار ....بقيت بمشي الصباح دال و بجي اتغدا و امشي ارتب الديكور للمسلسل مرات بسوق معاي الاولاد ومرات لا عدا شهر وانتهيت من المسلسل وعدي كان كل يوم بيجي من الشغل بيجي يتغدا و بقولي اناا اعملي لي القهوة او الشاي بقيت ما بتلائم وبفرح لما يطلب مني حاجه يلا ماما جاتها سفرية مع صحباتها ماشين دبي سافرت بقينا برانا في البيت جو خالتو هند و مها بقو يحنسوني ويابنت ما تقعدي براك وشنو قفلت البيت وشلت شنطنا سقت البنات ال 4 معاي مشيت وتين قالت لي شقتكم الفوق فيها عدي خلي الاولاد ينومو معاه وانتي نومي معاي قلت ليها كويس الاولاد بقو يشاغلو في اسيل عامل شعرو زي المكنسة بالضبط وناعم واولادي من طبعهم كاوايين ما خلوهو كلو كلو شغالين ليهو المكنسة المكنسة وينططو مشينا الليله كان الجمعة والاولاد مشو الصلاة انا عملت ملاح تقلية معاهو روب ابيض و رسلت اسيل يجيب الكسرة بعد ما جو قعد اكلنا وكل شويه بزيد في الملاحين حقني يكمل ازيد فالنهاية جبنا الحلل حقت الملاحين وبقينا ناكل عدي كان مسكين شديد زي الكانو عيان عيونو واقعة ونخرتو محمرة ما اكل كويس كلو كلو واكلنا الحمدلله وكنت عامله ام علي هو غسل يدو وطلع شقتنا مشيت شلت صحن كبير شويه ختيت قطعتين لي وليهو وطلعت فوق بدون ما زول يشوفني لقيتو راقد في الكنبة وسرحان قعدت ليهو في الارض قدام وشوو بقيت ااكل فيهو هبشت جبهتو لقيتو ناار من الحمة قمت مشيت المطبخ جبت كمادات 😖 كان بيرجف كلو ابا ياكل القطعة كلها رفع راسو قام جاني في الارض ورقد في رجليني بقيت بخت ليهو الكمادات مسك يدي باسها لي طوالي اتذكرت كلام ماما قمت انا ختيت ليهو مسند تحتو وشغلت المكيف وغطيتو ونزلت تحت ما كان دايرني امشي لكن البنعمل فيهو دا حرام جا المغرب عملت الشاي و معاهو كيكه وديت ليهو فوق لققيتو في نفس رقدتو الخليتها فيهو لكن الحمه بقت اقوى ناذديت الناس التحت جو سندو كان زي المغمي عليهو بيحرك خشمو بدون وعي وديناهو المستشفى ادوهو درب وظهر عندو نزله حاده هي اصلا النزله حقتو كعبه شديد لكن المره دي كانت كعبه جدا جدا جدا
انا قعدت معاهو ومعاي اسيل بتنا معاه والباقيين رجعو والاولاد اصللا سيدرا معاهم بتعرف تعمل ليهم شنو عدي بقا بناديني بدون وعي و بهبط طوالي اخدت اجازه من الشغل جا بليل صحاني وزحى لي وطلب اني ارقد جمبو رفضت رفض تام كان بيحنسني وحالتو بتحنن الكافر برجف وحمه تقيله وكدا استسلمت ورقدت ما عديت ساعة قمت طوالي عدى عدي 3 يوم في المستشفى وبقا كويس رجعناهوو البيت لما رجعنا لقينا لينا شيخ في البيت و امي واحمد اخوي قاعدين قامو قعدونا مع الشيخ دا وعقد لينا غصبا عننا 😂😂ورجعنا انا وعدي لبعض تاني وعلاقتنا بقت اقوى من الاول واحلى مشينا بيتي الفي الرياض قام يوم عدي اداني شيك بمبلغ 3 مليار جنيه قلت ليه دا شنو قالي دا حق البيت دا اعتبري انو البيت دا هدية مني ليك لحدي اسه ما سالتو لي طلقت الجربوعة ديك المهم اني سعيدة بيرجعتو لينا عدت الايام وجات اجازة الاولاد واتفاجأت لما لقيتو قاطع لينا تزاكر ومودينا الدنمارك وقالي من الدنمارك حنمشي فرنسا و هولندا و تركيا اي ناس كانت بتشوفنا مع بعض بيقولو لينا ما شاءالله جايين مع بعض وحلويين مع بعض سعادة الاوولاد ما بتتوصف نهائي وسافرنا وقضينا احلى ايام عمرنا 💜💜 قالي انتي غير عن كل الباقيين ...غير عن الباقيين 💜💜💜
وتمت الرواية وعشنا في ثبات ونبات 💜
يلا ادوني رايكم دي اول روايه اكتبها ادوني انتقاداتكم و كدا وروني هل انفع ابقى كاتبه ولا اوقف وابطل عوارة 😂😂😂يلا في امان الله 💗💗💗
