غير عن الباقيين 🚶
Aცeer hamad
يخوانااا الشاااي الشايي بجاااي
صحيت واتلمينا عشان نشرب الشاي كوفتي المعاهو شنوووو المعاهو كيكهه 😭💕وقعدنا نتونس وكدا فقلنا انو مفروض نطلع طلعت العيد الامهات ما حيمشو معانا لانو جاهم بكا حنمشي انا و هديل و هيام و ساره ونون بنات خالاتي قلنا احسن نمشي حتت ترفيهه فف قلنا نمشي مدينة الطفلل 😂❣ سقنا معانا بنات خالاتي صغار يعني وحده في سادس ووحده في ثامن مشينا جهزنا ختيت الطرحه في الكتف و ضنب حصان وطلعنا سقت انا عربية امي 😂المسافة ما بعيدة شديد مشينا ولفتتنا المقص انا ابيت ادخل قعدنت خفت وهم مشو ركبو 🙂🙌قاعدة ومستنياهم جا ماري جمبي هزاع الما بغباني ما اتخلعت شديد بس تابعتو بعيوني ومعاهو نفس الاولاد الفي الصورة جايين يركبو المقص جاتني هيام بنت خالتي قالت لي الا والا تركبي معانااا ومشت اشترت لي التذكرةة وساقتني دخلنا والله قلبي دا بيدق كيفف 💔💔لما اشتغلت بقيت اقول نزلوني قبل ما يبدا الخطر والساعة لما بقيت راسي تحت دي خلاااص تاني بعدها ما حسيت بي حاجهه 💔 لما فتحت لقيت نفسي في كرسي ومعاي ناس كتاار ولمحت هزووعهه 🌚⚡💔تاني رجعنا نلعب العاب حلوة ما خطرةة شديد واستمتعنا ورجعنا البيت لقيناهم لسا ما جو تاني مشينا كنتاكي كان الليله الافتتاح مشيناا ناكللل يعني بجدد يوومم جمييللل وما بيتنسيي 🙂🙌 تالت يوم ناس هديل مشو مدني واحنا رجعنا بيتنا فتحت التلفون نزلت صورنا في المطعم وكدا كنت متوقعه رسالة من هزاع سلامتك ولا حاجه ما لقيت 🙂❣اصلا ما لقيت رساله الا من القروبات الداخلاها دي شفت الاستوريهات القى ليك هزاع خاتي صورة غدير وكاتب happy eid ومنزل صورة تلاته بنات كدا و الباقيين اولاد واشوف استوري غدير منزله صوره ليهم مع بعض ما علقت 🙂🙌ولا اشتغلت بالموضوع كتيرر المهم كان بكرا 4 يوم في العيد وجايانا البنت تنضف عشان ما جات اول يوم يلا نمنا و صحينا وجات البنت كانت لابسه اسورتي الاسورة ضايعةة مني ليها زمن وانا بحبها شدييد المهم خجلت اقوليها دي حقتي لاني حاحرجها كدا لمن قلت لي ماما قالت لي عادي يا بنت ما فيها حاجه قولي ليهاا وقلت ليها وانا داخله في ضفوري والله موقف صعب ادتني ليها طوالي وقالت لي لقبتها واقع في الشارع عشان كدا شلتها هي فضة كانت جابتها لي سحر اختي هدية قبل 6 شهور 💗 المهم انتهت من الغسيل وتاني ما جاتنا كلو كلو لبتسها وصورت يدي طبعا كميرا الايفون دي لو انت شينة بتطلعك ملكة جمال دي الحاجه الطمنتني المهم جا يوم الجمعة وكان بكرا التقديم يلا صحيت لقيت هزاع خاتي صورتي و كم بنت وكم اولاد كدا "جمعة مباركة"قلت ليهو :
"دا شنو؟" "انتي شايفة شنو" "لي خاتي صورتي اصلا منو الاذن ليك تنزلها امسحها سريعع " "ولو ابيت؟" "تمام انا بعرف اتصرف" واديتو بلوك وانا برجف يخوانا صورتي حتنتشر شديد اخواني لو شافوهاربيقتلوني تاني رفعت البلوك كتبت ليهو امسحها انا شينة والناس لما يشوفوها حيخافو 😂 قلت استظرف قراها وما رده بعد ساعة كدا مسحها الحمدلله واديتو بلوك تاني ما نمت الليل قلت لي حفظ صورتي من جمالي يعني لما يحفظها ومتغايزة وخايفة لدرجه مسحت الواتس و برجف يلا نمت بعد تعب صحيت لقبت امي جابت لي ورقة التقديم يلا لقيت جامعة كدا وانا اصلا رغبتي هندسة ديكور (ديزاين ) ف قدمت جامعة السودان و المستقبل و تاني جامعات كدا لقيت نسبتها 78 اتطمنت ودعيت يقبلوني حكومي المهم شايلوني جامعة ال****خاصةة وما معروف الجامعة تفتح متين نسبة لظروف البلد دي
wattpad:deabeer
#يتبهعع
