غير عن الباقيين 💜
abeer hamad
²⁴
ماما ديل ارقام مامات الفريدنز بتاعننا
-طيب حبيبتي حضرب ليهم واعزمهم انتي امشي رتبي جدولك بتاع بكرا
-ماما بابا حيجي ؟
-اكيد يا حبيبتي حيجي هاك اضربي ليهو واتاكدي منو
ما صدقت ارم شالت وكتبت رقم ابوها الحافظاهو زي اسمها الو بابا انت بكرا حتجي عيميلادي انا و امين؟اي في بيتنا الجديد😊ييييييييي بابا جااي بابا جااي شلت منها تلفوني وهي مشت بتنطط لي اخوها ختيت التلفون في اضاني وقال يا ارمتي انتي ...؟ قبل ما يتم كللمو قفلت الخط ما كنت متضايقة بي انو حيجي عيد ميلادهم لانو متاكده 10000 في الميه انو لو ما جا ارم ممكن تموت من الزعل ارم دي متعلقة بي عدي لابعد الحدود لما تلقى حبوباتها بيتكلمو عنو بتنطط عيونها وتفتح اضنينها كبيير و دايم بتمدحو لي بنات مدرستها عاينت لي لسته الارقام الادتني ليها وبديت اضرب لي امهات صحبانهم و صحباتهم المعاهم في الكلاس في منهم الاكد بي جيتو وفي القال بحاول وفي الاعتذر بعد م انتهيت صليت العصر ومشيت للاولاد لقيتم بيصلو معوداهم على الصلاة وبخوفهم من ربنا و بحببهم فيهو ارم دي ما شاءاالله عليها مفتحة و بتفكر وبتحب تعرف اي حاجه ...تحسسك انها البووس دايم مع بنات اهلها هي البتكون قائدتهم كانت شايله عقلها و تفكيرها العميق من ابوها اما امين دا شال حنية ابوهو وعندو غمازة في خدو اليمين ابتسامتو كانت مريحه و حلوة لكن مشكلتو بتاع مشاكل ومججن الاساتذة كلهم بعد ما صلو جاتني ارم قالت لي ماما ارح السوبر ماركت ونمشي لي حبوبه كنت طالبه من موقع الكتروني عالمي البلالين البتكون اشكالها هادية و طالبه حاجات العيد ميلاد كلها جايبة للبنات الصحون و الكبابي والطربوش على شكل unicorn والاولاد ميكي وصلت قبيل العصر ..قلت ليها خلاص البسي شبشبك وكلمي اخوك مسافه لبست عبايتي لبستها وطلعنا مشيت سناء مول طوالي جرو محل الشكولاتات ارم شالت الكيس المليان من كابري ديني ميلك الفيها اشكال كتيره شلت معاهو كيسين تاني و شلت البارد بكت فيمتو و بكت بيبسي و2 بيبسي دايت كبير لي خالتو هند ولو زول داير معاها وشلت تاني عصاير طبيعية لكن سعودية الصناعة ما مازا وديل مشينا قسم الشبسات شلنا دوريتس و ليز وانكل شبس وشلت تلاته برنقوز لي كان نفسي فيهو وتاني جبنا مناديل ملونه واحد بمبي وواحد ازرق وجبت شوربه حروف و مستلزماتنا الطلبتها مننا سالي البتطبخ لينا تاني غشينا بيت حبوبتهم خالتو هند نزلنا نزلت معاي بارد و البرنقوز عشان ما ادخل يدي فاضية اخواتو كلهم كانو جو ماشاءالله شلت هم بكرا ديل براهم بيملو الصالة قل هو الله احد 😭😂دخلنا وكلعادة رسمت ابتسامه واااسعه في وشوشهممم وسلامهم حلو جداجدا 💜دايما خالتو هند بتقول لي غبيان ولدي يوم طلقك اتونسنا شويه وتين قالت لي ارح نحضر فيلم مشت شقة منية فوق (الشقة حقتها كانو ساكنين فيها لكن زوجها شرط انو يدفع حق الشهر عشان ما يحس انو تقله عليهم ) جات منية سلمت علينا احضان وشوق ومشينا نحضر الفيلم كان فيلم كرتوني وتين جابت صحن و كبت البرينقوز و جو مها و اسيل برضو حضر معانا قعد وكل شويه يمد يدو يشيل من الشبس ويونسنا عشان ما نركز معاهو يشيل ويشيل كملو مننا حتى اول ما كمل من الصحن طوالي قام ولا تمى باقي الفيلم مها قالت ليهو نبقا برنقوز عشان تكمل الفيلم 🙂😂😂😂وقعدنا معاهم لحدي ما حسيت الاولاد نعسو مشيت البيت كانت 8 جات صليت العشاء ومشينا البيت نامو لي في الطريق دخلت العربية جوه البيت و ناديت الفلبينيات شالوهم و امنت العربية ونمت
#يتبع
