هاي البارت هديه لعيون المتابعين 😚😚😚😚❤️❤️❤️
ام عباس .....ام سالم اليوم اني جايه اخطب بتج هدى الابني
ام سالم ......خيه أتشرف بيج و ببنج البنيه العباس خطبوه وأخذوه بثوبه
عباس .....لا خيه امرونه أباي شي تردونيه من مليون الحد عشره احنه موجودين
ام سالم ....خيه اي شي يطلع من ايدكم نعم الله
عباس .....اني اسمع واحرك ابدمي امي حطتني كدام امر الواقع بس هاي الخطة متمر عليه خالتي خابرتني علمود اجي امي كدامي تخطب واني استحي بعد ماكول لا بس اني موطفل امشي بحجي نسوان وكفت على حيلي وكلت
يمه انتي منو كلج اتخطبيلي مو هذاك اليوم كلشي انته وكتلج مااريد اني مزوج
ام عباس......لا منته واني ابكيفي اخطبلك وانته الممنون مااريد اي اعتراض
عباس....يمه اني موطفل علمود اتمشيني ابكيفج
ام عباس ....أمشيك ابكيفي وغصباً ماعليك
عباس ....لايمه موغصبن عليه اني مااخطب. وانداريت على خالتي وكملت
خاله عذريني امي من كيفه اجتي خطبتلي اني مموافقه على هاي الخطبه ولا اريد أزوج عندي مرتي اتكفيني وزيادة
ام سالم ....ها عباس ترفض بت خالتك بت الأصول الوحدة بت شارع والله حيف
عباس.....خاله احترامج واجب بس لتغلطين على مرتي مااقبل اي وحده بيكم اتجيب طاري مرتي ابموزينيه حتى لو امي
ام عباس ....شنو هل دايحه غاسله مخك اذا متزوج بت خالتك ماارضه عليك اليوم الدين
عباس .....يمه الخاطر الله كافي بعد مليت والله مليت طول عمرج بس اتفكرين بنفسج اي شي انتي تردي لازم انسوي مو حطمتي حياتي كله هسه اني رجال وشيب تارس راسي وبعدج متفكرين بيه بس مصلحتج اشو اني طول عمري اركض علمود رضاتج بس انتي ولامره فكرتي ابرضاتي اوراحتي يمه ماازوج بت اختج لو تنكلب الدنيه اني احب مرتي وماازوج عليه افتهمتو.
شلت فدك ولزمت أيد صوفي وطلعت سريع واسمع امي تحجي وتدعي على نرجس ياناس ياعالم اني مشايف ام بس اتفكر بمصلحته ولا مره فكرت ابراحتي كلشي بحياتي هيه لازم تتحكم بيه حتى من كلبي اول مره حب حب نرجس بس هيه متفكر بيه اهم شي اتزوج بنات اخته العانسه حتي من ردت أزوج هم هيج سوت الحد مااخذهن هيام هسه هم اتريد بنفس الطريقة أخذ هدى بس هل مره مااخضع اله الى اكطع مهر محكمة على نرجس علمود محد يكدر يحجي بعد اوووف مليت رجعت للبيت اول ماطبيت شفت نرجس بلمطبخ ركضت على جهال أخذتهم وكامت اتبوس بيهم اتكولين سنه مشايفتهم موساعتين اووف ويردون اعوفه عفته ورحت الغرفتي ارتاح من الدوه يمكن غفيت ساعه واجتي نرجس كعدتني وكالت
نرجس....عباس كوم اتعشه
عباس ....مجوعان انتو اتعشو
نرجس....يصير أسألك سوأل
عباس....اي سألي
نرجس....صار جم يوم اشوفك ضايج اكو شي امضوجك
عباس.....تردين الصدك امي
نرجس.....اشبيه عمتي
عباس....هيج وهيج سولفتله كل الحجي اشو هاي عيونه دمعت ورادت اتكوم لزمت ايده وكتله
اشبيج ليش تبجين
نرجس....ماادري ليش الدنيا ميريدلي راحه كلما أكول هانت يصير شي يكلي كلشي والله مصدكت صار عندي سند واحد اشدضهري بي وهسه ابرمشت عين يردون ياخذو مني والله تعبت
عباس ....حضنته وكتله
مادام اني اشم الهوى لتخافين من شي.
كالت وهيه تبجي
نرجس .....اشلون ماخاف وأمك اتريد اتزوجك
عباس .....ومنو الي كلج اني اموافق اتزوج الي عنده كمر ميكلب النجمات
نرجس .....كول والله ماعوفج
عباس.....والله العضيم ماعوفج هسه يلا انروح نتعشه وجهال كامو يبجون
نرجس ....يلا ......
للحكايه بقيه......
الكاتبه *ام مهدي*الكورديه
منو مثلي يحب هاي الأغنية اني آموت علي
