حبايبي متابعين اريد اوضح الكم موضوع اني قواعدي موقويه
وعربي مالتي موقويه اذا شفتو كلمه غلط او موصح احب اتكولولي هذه هيج مينكتب 😚😚😚
الكاتبه*ام مهدي*الكورديه
نرجس......اليوم كعدت من صبح عجنت وكملت شغلي وريكت الجهال و خليتلهم ألعاب مالتهم وخليت فدك بلحجله صدك نسيت اكللكم صوفي كام يصيحني ماما كلش فرحت من صاحني ماما
اي رحت خبزت طبعن اخبز جم خبزه انزل اباوع على جهال زين فدك بقت ابمكانه وصوفي ملتهي على ايباد يشوف أفلام كارتون على يوتيوب الحدما خلصت الخبز نفسي انكطع كل ساع نازله صاعده نزلت الخبز فرشتهم علو كوانتر اشويه يبردون بعدني ابثوب الخبز الباب اندكت صحت منو اجاني صوت رجال كال اني
كتله عفوا بس منو انته كال اني عمج ابو عباس رحت جبت شالي ركض ومبدلت ثوبي بقيت بلثوب الخبز فتحت الباب وطب عمي ورجال ويا طبو وسلمو عليه واني مستحيه اول مره أشوفهم بس عمي شايفته بصوره عباس شوفنيا عمي سألني
ابو عباس .....شنو عمي خابزه
نرجس ......اي عمو هسه خبزت بس دقيقه اجيبلكم ماي واجي.
رحت ركض للمطبخ وهمه كعدو بستقبال جبت الهم ماي واجيت انطيتهم
ابو عباس ......عمي جهال وينهم
نرجس .....هسه أجيبهم عمو. رحت ركض شلت فدك ولزمت أيد صوفي بلكوه اجه وياي يريد الايباد فمن اخذت صوفي كلي
صوفي ....اليده ماما اليده
نرجس.....اي ماما هسه بس سلم عله جدو وعمو وأنطيكيا
ابو عباس.....يبعد جدك صوفي تعال يم جدو
صوفي .... اليد ماما
علي .....تعال عمو علمود أخذك بسياره
ابو عباس ......يلا بويه علاوي كوم انروح شفنه الجهال صار فتره عباس ميجي وميجيبهم كلت اجي انه أشوفهم يلا بويه كوم انروح
نرجس.....عمي وين رايح أبقى على غده
عمي....لأبويه بيت العامر بس اروح
نرجس..../عمو والله ازعل عليك ابقه جرب طبخي شوف طيب لولا عمي بعد لاتردني
عمي ....هاي هيه بويه هاي كعدنه بس بويه لتخبصين نفسج الغده احنه قبل اشويه اتريكنه
نرجس ......عمو اخذو راحتكم اني عندي شغل.
طلعت منهم ورحت خابرت عباس عكتله ابوك وأخوك يمنه اذا تكدر تعال كال هسه ارجع أخذ اجازه واجي وكتله ابوك شي حب كال عدنه سمج كتله اي كال لعد طلعي ابويه يحل سمج مسكوف كتله هاي هيه لعد رحت طلعت سمجايتين من المجمدة وعرفتهم يموعون ورحت لميت الخبز ورحت بدلت ثوبي ورجعت للمطبخ حطيت جاي على نار وطلعت كيك من الثلاجة اني دائماً اسوي كيك عباس وصوفي يحبون الكيك كطعته وحطيته بلمواعين اجه عباس طب يم اهله صليت جاي اخذته الهم وانوب اخذت الكيك عمي كال
عمي .....عاشت ايدج بويه
نرجس......بلعافيه عمو.
عفتهم وطلعت رحت المطبخ السمج زين مائع وتبلته ورحت احضر المشوايه مال سمج حطيتهم بي وصعدت فوك شغلت التنور وحطيت السمجات بي ونصبت النار علمود ابكيفه يستوي نزلت سويت تمن احمر وطب عباس عليه كال
عباس ....ها نرجوسه الله يساعدج
نرجس ..... الله يسلمك
عباس .....ها اشسويتي
نرجس.....حطيت سنجات٢بتنور وهسه جاي اسوي تمن احمر وباقي اسوي مقبلات
عباس .....سمجات اكبار لولا
نرجس......اي مو انته جبتهم اكبار
عباس....اي اروح اجيب امي وأختي هم امي زعلانه بعده أجيبهم
نرجس.....اي ليش لا روح جيبهم سمجات اهوايه
عباس ....يلا لعد اني اروح اشتردين اجيب وياي
نرجس.....جيب ببسي وطرشي وفواكه هم جيب ماعدنه
عباس.....يلا اني رايح
نرجس....عباس راح يجيب امه وأخته صح وأحبهم بس شسوي خطيه مااريد اكسر كلبه صعدت شفت السمجات باقيلهم اشويه سويت مقبلات ونضفت الخضره وسمحتا صارن حضرتهم بلبلامه وحضرت كل شي وعباس أتأخر يلا اجه جب امه وأخته ويا سلمو عليه من وراخشمهم عباس اجه كال
عباس .....ها خلصتي
نرجس ....اي خلصت بس نفرش السفره. فرشنه السفره واني وعباس اخذنه كل شي على سفره كلهم كعدو واني كعدت يم عباس وخليت فدك بلحجله وصوفي ابصفي انضف سمج واحطه ابحلكه وفدك أوكله شوربه مالته امه كالت
عمتي....عباس هذه الخبز امنين مشتري اشكد حلو
عباس.....يمه هاي مرتي خبزته
عمتي.....جذب غير جذبه 😏
عمي .....الصبح من اجيت شفته استوه خابزه وجابتلي خبز حار. عمتي محجت شي بس عوجت حلكه واتباوع على بته
نسرين .....عباس هذه السمج امنين جايبه دلي بابه على مكان علمود يجيبلنه من يمه
عباس .....السمج هم مرتي شوته بتنور
عمي......رحمه الله على والديج على هل اكل صدك بت أصول ونادره
للحكايه بقيه .......
