احبكم كومه 😚😚😚😚
عباس .....من كلي انطيك بنت بدال افلوس عقل مضل ابراسي شنو هذه ماعنده غيره ؟ الف فكره اجتي ابراسي البنيه شنو بيه ينطيه هيجي اخاف مو شريفه لو بيه خلل يريد ينومه ابراسي اذا مابيه اي عيب معقوله يبيعه ؟!كتله.
عباس .....انته اشكد ناقص غيره اتراوسني ببنيه الله واعلم شبيه.
فاضل .....والله البنيه كلشي مابيه بس والله دينار ماعندي اذا تستجوب هم ماتحصل شي ابكيفك انطيكياه تكتله تذبحه بعد احنه معلينه بيه اخذه خدامه يمك والله تخدمك وشاطره.
عباس......هجمت علي ضربته الشرطه بلكوه فكوني منه. أيا ناقص غيره👊🏻
بلكوه فكوني منه وطلعوني الساقط فور دمي اشكد ماعنده غيره أساس سز ينطيني ابنيه اشمدريني شنو؟واني اريد اصلح سيارتي ابنيه شسوي بيه. خابرني صديقي المقرب اكثر من الاخ الي هوه يكلي انته اخويه المجابته امي فخابرني كتله على المشكله وعلى حجي هذه الناقص. هوه كلي
صديقي .....اي ليش متاخذ البنيه انته مومحتاج وحده اتراعي جهالك.
عباس ......احمد انته اشتحجي اني اشمدريني الابنيه شنو شريفه موشريفه بلكت سوت شي بجهالي لو باكت بيتي ؟؟
احمد .....انته شعليك بيه انته جيبه الخدمت جهالك اانته بس اقطع عقد سيد عليه وخليه خدامه الجهالك احسن مامتبهذلين بين أمك و أهل مرتك خلي جهالك ينجمعون بيتك تحت ذراعك احسن من بيت هذه وذاك.
عباس .....احمد والله ماادري اني خايف على جهالي لتسوي بيهم شي مادام اخت هاذه الناقص بعد شترجه منه.
احمد.....مو هوه كال انطيكيا بعد معليه بيه بعد شكو من اتجيبه نبه على هل شي انو هيه مجرد خدامه الجهالك وبس وحط كامرات بلبيت وشكله بموبايلك علمود تطمأن.
عباس ......يعني انته هيج اتشوف مااادري يلا امري الله اقبل ببنيه وسيارتي اشلون أصلحه انته تعرف بعدني انطي اقتصاده.
احمد ......سهله هاي اني اداينك عندي حاطه بلمصرف انطيك انته رجعليا اشلون متريد.
عباس .....والله ماادري اشلون اشكرك صدك انته اكثر من اخ اليه
سدين الخط من احمد رجعت للمركز الشرطه لان الناقص بعده بلحبس الى اني أتنازل يلا يطلع رحت كتله
عباس....باع اني موافق على العرض الي عرضته بس ابشرط اريد تنسه جان عدكم بنت ولو اني ميشرفني أخذ منك مره بس اريد خدامه الجهالي هااشكلت؟
فاضل .....انطيك تعهد بعد معليه بيه بس أتنازل على الشكوه
عباس ....موهسه اول مره اتجيب البنت يلا
فاضل .....لعد خل اطلع علمود اجيبلكياه
الضابط .....روح بس احنه انضل انراقبك وراك ترا لتفكر اتسوي شي.
عباس ....طلعنا من الحبس بس شرطين بقو ورا اخاف يشرد
نرجس....اجه خالو العصر كناله اجه شرطه سأل عليك كال اعرف وطب بلغرفه وصاح بيبي كال عندي حجي وياج وانتي فضولية احب اعرف شنو الموضوع رحت اتسمع من وره الباب اسمع خالو يكول البيبي
فاضل .....يمه ابو سياره عرف اني وره الدعمه مال سيارته وأشركه عليه يمه هسه يريد ٨مليون علمود يصلح سيارته
بيبي......هاي اشصار ٨ملايين
فاضل ....مو يمه سيارته برادو غالي تصليحه
بيبي....وانته الله امصخن وجهك شارب واتسوق زين سويت هسه امنين اتجيب الافلوس.
فاضل .....يمه اريدج اتساعديني تنطيني نص المبلغ وتلكين واحد يدايني لان اني محد يدايني
بيبي ....واني امنين اجيب انته تعرفني تقاعد ابوك ميكفي علاجي اني وأبوك
فاضل.....هسه يمه شسوي منطيني يومين مهله لازم انطي الافلوس
نرجس....اني اسمع ماادري اكيف لان هاي حوبتي يطلع بي شافني ماعندي احد جان يأذيني يعرف محد يكله ليش بس اكوله حيل زين يصير بي عفتهم ورحت اكمل شغلي خلص اليومين صار يوم الثالث هم شرطه اجه أخذ خالو للعصر اجه اني جنت اغسل الطارمة طب جان امعصب بيبي سألته
بيبي ....هايمهاشلون طلعوك؟
فاضل .....انحلت يمه !!
بيبي.....انته ماعندك الافلوس اشلون انحلت؟
فاضل ....يمه انطيت نرجس اله بدال الافلوس
نرجس😨😨😨😨😨😨
للحكايه بقيه.....
الكاتبه *ام مهدي *الكورديه
🌹🌹🌹🌹🌹🌹🌹🌹🌹🌹🌹🌹🌹🌹🌹
