طبعاً نسيت اهنئكم ابشهر رمضان المبارك انشاءالله رمضان مباركعليكم وعلى جميع المسلمين 🤲🏻🤲🏻
الكاتبه*ام مهدي*االكورديه
نرجس......وره العزيمه بجم يوم عمتي وأخته وهدى اجوي البيتنه طبعن عباس مجان بلبيت الصبح اجوي سلمو وكعدو بستقبال واني رحت اجيبلهم ماي من رجعت مشفت هدى استغربت وين راحت بس عمتي ابساع كالت
عمتي .....هدى راحت للحمام هسه تجي صدفه اني من باب الاستقبال الي اطبين بلهول منه شفت هدى طلعت من غرفة عباس اتعجبت كلت هاي شتسوي بلغرفه جبت الهم جاي من ردت اطب سمعت عمتي تحجي همس ويه هدى اتكول
عمتي .....وين حطيتي
هدى .....بلمخده مالته
عمتي ......عمتي اي زين سويتي
نرجس.....اني طبيت سكتو عمتي اتباوع عليه وتبتسم بأنتصار شكيت اكو شي
حطيتلهم الجاي شربو وعمتي كالت
عمتي.....اختي رادت اتشوف الجهال كتله تعاي اخذج شوفيهم
نرجس ......هلا بيكم عمه.
شربو الجاي وراحو بس اني ممرتاحه ابساع رحت الغرفة عباس رحت على المخده شلته فتحت الوجه الأول كلشي مجان بي بس شفت وجه الثاني اشويه مفتوحه ابساع فتكت كله ونكته شفت وكع شي ملفوف بقماش الأسود عرفت هذه سحر لان بيبي جان عده هل أشياء ابسرعه اخذته ورحت الصوفي كتله
صوفي ععه كال اي ابساع اخذته وأخذت السحر للحوش كلت الصوفي ععه يعني بول عليه هم زين صوفي بال علي اشويه ارتاحيت بس عفته ابمكانه وعفت المخده هم نفس شي الحد ما رجع عباس اول ماطب شاف السحر بلحوش عقج حواجبه وكال
عباس.....هذه شنو
نرجس .....اول مره ارتاح وبعدين اشرحلك كل شي. طب غسل وأتغده واجه كال يلا شرحيلي
نرجس.....هيج وهيج كله سولفت وكلت
اني من سمعت اشحجو بس راحو ابساع رحت على مخده ولميت هذه وخليت صوفي يبول علي
عباس....اي زين سويتي واني العصر اروح اراويهم شفي شسوي بيهم وصل الهل مرحله يسون سحر
نرجس.....عباس عوفهم هسه والله يكلبونه عليه يكولون مرتك اتجذب خليهم هسه بس يعرفون احنه عرفنه يسوون سحر غير شكل
عباس.....استغفرالله ولج يرحولج فدوه
نرجس....مخليته يكول الهم ادري هسه يسوون سحر غير شكل خليهم ينتضرون اشوكت يبده مفعول السحر وره هل موضوع تقريباً اسبوع بيت عمه عزمونه على خطوبة ابنهم اني مردت اروح بس عباس كال تعاي وياي على اعناد كلهم اثبتي انتي اقوه منهم.
رحنه اهناكه بس سلمت وكعدت بزاويه وفدك ابحضني وصوفي يمي مخليته يتحرك اجوي ولد عمهم سلمو عليه نزلت راسي وجاوبتهم ورا ساعتين رجعنه اشكد كالو أبقو على عشه بس مبقينه رجعنه عباس مو على بعضه احجي ويا ينتر بيه يا هذا اشبي حته عشه متعشه عفته عشين الجهال وبلدتهم ونومتهم واني هم نمت لان تعبت بلحفله ويه الجهال.
عباس.....رحنه الخطوبة ابن عمي اني التهيت ويه ولد عمي وعمامي وشفت امي صاحتني رحت يمه كالت
امي ....هايه الي فضلته على بت خالتك ها
عباس.....يمه شكو هم
امي .....كلشي ماكو انته نايم وماي يجري من جواك
عباس....يمه متكولين شكو
امي .....مرتك الشريفة صار ساعه تضحك ويه ولد عمك وحتته شفته اخذت رقم ابن عمك
عباس.....يمه انتي متأكده من هل حجي
امي......اي متأكده اني اشوكت جاذبه عليك حتى هاي اختك هم انتبهت
عباس.....عفت امي واني دايخ معقوله نرجس هيج اتسوي رحت شفته كاعده بزويه وشايله فدك ولازمه ايد صوفي ومت باوع على احد يالله هسه اصدك منو امي لو مرتي رجعنه من الخطوبه واني صاير اعصاب مااريد اسوي شي واتندم علي نرجس جانت تحجي وياي واني انتر عليه حتى عشه متعشيت انتبهت هيه ابساع نومت الجهال وهيه طبت وياهم نامت شنو بجذب امسويه نفسه اتنام رايحه تحجي وياهم طبيت بلغرفه شفته نايمه من صدك حتى اتشوخر اعرفه من تعبانه اتشوخر عفته ورحت الغرفتي شفت موبايله بغرفتي بشحن اتذكرت قبل ماانروح كالت موبايلي مابي شحن والشاحنة مالته خربانه لعد اشلون اخذت رقم منهم رحت فردشت الجنطه مالته كلشي ملكيت بي كعدت بلمطبخ وأخويه علي دك عليه شلته
عباس....الو ها علي
علي ....هلا عباس اريد أكلك شي بس لتعصب
عباس ....عبالي هوه هم يحجي علمود نرجس الي سواه اليوم. كتله
كول علاوي ليش اتعصب
علي .....عباس اليوم سمعت امي ونسرين كالولك على أساس نرجس ضاحكه ويه ولد عمك ومآخذه رقم منهم خل اكولك يا صدك الله شاهد عليه واني جنت كاعد يم عادل ابن عمي مرتك من طبو ولد عمك سلمو عليه هيه نزلت راْسه وجابتهم بس كال وعليكم السلام وكعدت بزاويه وجانت لازمه جهالك ومن امي حجت وياك اني جنت وراك واكف ردت ادخل بس كلت عيب هسه كله يعرفون ويصير احجايه على مرتك حتى من انته رحت نسرين سألت امي كالتله
نسرين.....يمه انتي اتكولين صدك
امي....والله ماادري خو هايه الحيه ماادري شمسويه بلولد ميصدك احد بس يمكن صدك لان صار احمر.
علي ....عباس بالله هاي كله الي صار ولتتسع امي اتدور زله عله مرتك.
عباس..........
للحكايه بقيه .....
الي افتهم من هاي الأغنية خل اتكولي
😁😁😁😁😁😁😁😁😁😁😁😁😁😁
