فيصل .....اني خال نرجس
عباس ....نرجس منيه
فيصل .....نرجس الابنيه الي باعلكيا فاضل
عباس .....ها هسه شتريد اتريد
فيصل .....اني جاي أريدك اترجع الابنيه
عباس .....شنو اني جاي العب وياكم ماعدكم ابنيه يمي فاضل هوه باعه اليه انطانياه بدال افلوس تصليح السياره.
فيصل .....افلوس السياره اشكد مو٨ملايين اني انطيك عشره بس رجع الابنيه.
عباس ....اني اخذت تعهد من فاضل بعد معلي بلبنيه بعد انته شتريد شنو دخلك بلموضوع ها لو لاكين واحد احسن مني اتبيعوه اله وينطيكم افلوس اكثر😏
فيصل ....شنو هل حجي اني جاي ارجع الابنيه اخويه ناقص اعرفه زين هيجي باع الابنيه.
عباس ....هسه انته شتريد فهمني
فيصل .....الله يخليك رجع الابنيه اي شي اتريد اني انطيك بس رجع الابنيه الابنيه يتيمة ام وآب ماعده احد غيري
عباس .....روح منا قبل ما اشتكي عليك وهاي المسرحيه متقشمرني بيه يلا منا. محجه شي وراح والله ياالله اشلون ناس اخاف صدك الابنيه يتيمه لا لا هذا سوه مسرحيه علمود ارجع الابنيه
رجعت الشغل
نرجس .....صبح كعدت مالكيته الجهال كعدو بارحه شفت سريلاك ويه غراض فدك خل أسويله رحت فتحت الثلاجة لكيت بيض طلعت اليه والصوفي اسوي جوعانه سويت سريلاك وكلت الابنيه انوب سويت بيض اكل اشويه وأوكل صوفي ماشاءالله ميكعد الحد ما وكلته شلع كلبي رحت شغلت التلفزيون هذه بلهول حطيته على بيبي وانطيت ايلىباد مالتي بيد صوفي ورحت انضف البيت كومه وصخ انضف وأروح واجي على الأطفال أشوفهم شيسوون فدك كاعده ابمكانه كعدته وحطيت مخاد اله لتوكع وصوفي بعده على الايباد ل١٢الضهر يلا خلصت الشغل رحت فتحت الثلاجة لكيت باذنجان وطماطه سويت طاوه تبسي وعفته على الطباخ الأطفال نعسو نومتهم واني من تعب نمت مااعرف ابنفسي.
عباس .....رجعت للبيت اول ماطبيت شفت الطرمه مغسوله ونضيفه طبيت بلبيت البيت كله نضيف بس ماكو صوط الجهال وينهم رحت فتحت باب الغرفه اشوف غرفة الجهال هم نضيفه والجهال نايمين والابنيه هم نايمه عفتهم وطبيت الغرفتي هاي شنو بس غرفتي ممنضف يمكن مطابه اهنا اتخاف مني اووووف تعبان اليوم كله واكف واجي وأروح خل اسبح اشويه ارتاح رحت الحمام اسبح الحمام هم نضيف الحمام صاير وره البيت بلحوش الخارجي وره البيت اشوف فوك الحبل مال ملابس افراش مال جهال كله مغسول واهدومهم واهدومي كومه جان بلحمام كله مغسول من شفت هيج امنضفه ارتاحيت رحت سبحت ورحت للمطبخ كلت اسوي شي اكل شفت طاوه على الطباخ فتحت القبق مالته شفت تبسي والله جنت جوعان اكلت وشبعت اتذكرت ماعدنه مسواك لازم العصر اروح اتسوك رحت نمت لل٥العصر يلا كعدت على صوط الموبايلي يدك باوعت اهووو هاي هدى بلدوام جم مره دكت مجاوبت استغفر الله هاي الابنيه اشكد ماعده كرامه جاوبت
عباس .....الو
هدى ....هلا ابو صوفي اشلونك
عباس ...تمام الحمدالله
هدى......ياا جنت نايم كعتك
عباس .....اي والله جنت نايم اجيت تعبان ونمت
هدى....اسفه عيوني ازعجتك بس ردت اسأل اخباركم اسأل على الجهال اشلونهم كلبي نار عليهم
عباس ....لا عادي زينين الجهال
هدى ....يلا عيني أخذ راحتك في أمان الله
عباس ......سويته منه وطلعت شفت الجهال جاي يلعبون بلهول وهيه كاعده يمهم بس شافتني كامت ونزلت راْسه
مدرت بال اله رحت يم الجهال شلت فدك بسته ريحته اتخبل هاي اول مره هيج ريحته طيبه شلت صوفي هم نفس شي بوستهم وكتله
عباس ....اني طالع ديري بالج على الجهال اي واحد دك الباب لتفتحين هزت راْسه رحت بدلت وطلعت لسوك اسوكت اشكال للبيت حطيتهم بسياره ردت ارجع صديقي احمد خابرني كال معزوم يمي تعال انروح نتعشه واشويه نتونس بعر موديت المسواك للبيت كبل رحت يمه هوه جان عازمني على احسابه يكول
احمد ....انته عريس هاي العزيمه هدية زواجك
عباس .....والله انته بطران يازواج هذه اني كله علمود الجهال
احمد ....من البارحه واليوم مشفت شي منه
عباس .....لاوالله مشفت شي منه اليوم رجعت من الدوام امضفه البيت كله يلمع غاسله ملابسي يمكن صار ١٥يوم مغاسلتهم وامركبه والعصر من شفت جهالي دائر مدائره جنه امهم مو بارحه اجتي والجهال نضيفين ريحتهم يخبل
احمد .....انته بعد شتريد مو اتريد راحة جهالك بعد شنو انشاءالله بت ناس وتداري الجهال ومتضلمهم
عباس .....بقيت يم احمد سهرنه نسيت أصلن هيه والجهال وحدهم بلبيت عبالي مثل قبل ل١١بليل احمد كال
احمد .....ولك عبوس نسيت مرتك وجهالك وحدهم بلبيت يلا كوم كوم ارجع
عباس....اووووو والله نسيت أصلن همه وحدهم بلبيت يلا في أمان الله. رجعت للبيت طبعن هاي الفترا سيارة ابويه يمي لان سيارتي امفلش أداينت من احمد حطيته يم الفيتر جي كال اسبوع يلا يخلص بعد اني بسيارت ابويه اجي وأروح لدوام فبقه يمي رجعت نزلت المسواك حطيت نصه بثلاجه والباقي حطيتهم على الكاونتر الصبح نرجس اتعزلهم هم زين عرفت اسمه من البوم خاله اجه كال نرجس بعد حفضت الاسم طبيت جوه كلا نايمين بس نرجس بعدهي جاي بلغرفه اتعدل ملابس الجهال اتذكرت هيه ماعده افراش رحت جبت مخده وبطانيه ودوشك فتحت باب الغرفه ذبيتهم بي وطلعت رحت الغرفتي بدلت وذبيت نفسي نمت الصبح كعدت على صوت المنبه بدلت ورحت لدوام تقريباً ساعه ب١١الصبح موبايلي دك باوعت هاي شنو جوارينه بيتهم ابصف بيتي هذه شيريد بس لاصاير شي بلبيت جاوبت واني خايف
عباس ....الووهلا ابو عصام اشلونك
ابو عصام ....هلا ابني تمام بس انته بلبيت لوبدوام
عباس ......لا اني بدوام ليش عمي صاير شي
ابو عصام .....والله ابني ماادري بس ابيتك جاي نسمع الصياح واعباط نسوان ابيتك.....
للحكايه بقيه ......
هاي البارت طويل لعيون المتابعين 😚😚😚😚
احبكم كومه
الكاتبه *ام مهدي *الكورديه
🌹🌹🌹🌹🌹🌹🌹🌹🌹🌹🌹🌹🌹🌹🌹
