اشلونكم 🌹🌹🌹
نرجس .....صار اخذت الجهال ورحت الغرفه مالتهم بس غرفه وصخه جنه متروكه هوه البيت كله وصخ فدك كامت تبجي شفته امنكسه رحت نضفته وسويتله حليب وجبت مخده حطيته على رجلي وكمت انومه وصوفي هم بجه طلعت الايباد مالتي انطيته اله سكت نامت فدك حطيته بلكاع ورحت جبت وصله مسحت الكاروك مالته والفراش الوصخ ذبيتهم على جنب بعدين اغسلهم حطيته بفراشه انوب رحت الصوفي كتله صوفي اتنام ميعرف يحجي كومه خبطلي الله شاهد ولاحرف مفتهمت يمكن يحجي صيني بلاخير افتهمت هوه هم يريد حليب لان كاد ممه طلعت كلت اسأل ابو اشوف يشرب حليب لو شاف اخته شربت هوه هم راد طلعت شفته بلمطبخ جاي يسوي شاي النفسه يالله هسه اشلون اصيحه
نرجس ....ابو مصطفى. صحته فز محجه بس باوع عليه ورفع حاجبه هذه اشبي اشكد كريه. كلت خل ليروح باله بعيد. كتله
ابو مصطفى صوفي هم يريد حليب من ياحليب اسويله
عباس..... يشرب حليب موز هسه اجيبله
نرجس ....راح يجيبله واني رحت بدلت صوفي ونضفت السرير مالته هم وخرت الافراش مالته كلت باجر اغسلهم اشويه واجه بيده جيس بي حليب موز وحلويات حط الجيس يم الباب وراح
جبت الجيس طلعت حليب ونستله الصوفي شفت الجبس والله جوعانه ممتعشيه اخذته اني كمت اخل وأوكل صوفي خلص كال
صوفي .....لولولو
نرجس .....عرفت نعسان يريد ينام هم جبت مخده ونومته وحطيته بفراشه ياربي هسه اني وين انام ماكو لا مخده ولابطانيه ولا شي رحت جبت البطانيه مال صوفي الي كلت اغسله سويته مثل مخده ونمت باكو بطانيه جبت الصايه مالتي اتغطيت بي حطيت واسي مااعرف اشوكت نمت.
عباس ......خليته بلبيت ورحت اجيب الجهال ابيت أهل مرتي رحت دكيت الباب طلعتلي هدى واكلتني بسلام كتله
هدى عفيه جيبي الجهال اريد اروح
هدى ....هاابو مصطفى ليش متكعد بعد وكت
عباس ....لاوالله تعبان اريد اروح
هدي ....الله يساعدك عيني ليش متعوف الجهال يمنه أمك خطيه تتعب خليهم يمي اني اربيهم آلك الله شاهد احبهم جنه جهالي
عباس .....الله يرضه عليج متقصرين بس اريد أخذهم يمي بس بلا زحمه جيبي الجهال عندي شغل
هدى .....صار تدلل هسه دقايق أجيبهم آلك ابعييييني
عباس .....ياربي اشكد اضوج من هاي الابنيه متكول عمره ٣٨تصرفاته مال مراهقه استغفر الله جابت الجهال وكامت تتنعوص
هدى ....عيوني ابو صوفي دير بالك عليهم ترا كلبي يبقه يمكم.
عباس ...... انشاء الله يلا في أمان الله. جبت جهالي ورجعت للبيت شفته كدامي وصيته على الجهال انتبهت عليه اني احجي وهيه عينه على الجهال وعيونه يلمعن اخذت الجهال وراحت اني بقيت بلهول
راسي كام يوجعني كلت خل اسوي شاي اشرب رحت للمطبخ جاي
اسوي وطبت مهتميت اله بس من صاحتني ابو مصطفى وصوته ناعم عبالي جايه تتلوك اعرف هيج بنات من يحجن ويه رجال ينعمن صوتهن مجاوبت بس هيه كملت عرفت علمود صوفي رحت اسوكت الهم حلويات ورجعت خليته بلباب ورحت نمت باجرعندي دوام بنص ليلي كعدت كلت خل اشوف الجهال طبيت بلغرفه شفت الجهال نايمين والفراش مالهم كله مذبوب بزويه عرفت للغسل تنبهت الابنيه نايمه بطانية صوفي جوه راْسه ومتغطيه بصايه مالته والله نسيت انطيه افراش يلا باجر انطيه رجعت نمت صبح من وكت كعدت رحت لدوام بلشت ابشغلي ابنص الشغل اجه الصاحبي كال اكو رجال يريدك كتله اي هسه دقايق اطلعله اني بلمحكمه أداوم اجيب المتهمين اليم القاضي ابقه الحد مايخلصون وارجعه
طلعت لرجال سألني
فيصل ......انته عباس ابن افلان
عباس.....اي نعم اني عباس اتفضل خويه رايد شي
فيصل .....اني خال نرجس ..........
للحكايه بقيه ......
الكاتبه *ام مهدي *الكورديه
🌹🌹🌹🌹🌹🌹🌹🌹🌹🌹🌹🌹🌹🌹
