سندريلا

المقدمه

مرحبااااا اسمي فنار عمري 19 سنه بنيه ذات جمال عادي وحياه عاديه .... مواصفاتي طولي 160 وزني 55 يعني وزني مناسب لجسمي شعري اسود يوصل لسفل كتفي بشويه بشرتي حنطاويه يعني لا بيضه ولا سمره بياضي بياض عربي ...عيوني كبار سود اما عائلتي فمكونه من ماما واختي عسل العمرها سنتين اما والدي فتوفى بمرض قبل سنه كان كلش فخور بيه مدللني لاخر دلال بابا يشتغل سايق تكسي وامي خياطه بس الحمد لله مستوره

بابا ابد ما كان معقد كان تاركني براحتي بس تركنا عمامي تبروا مني ومن اختي والكل ضل يصيح امهم تتحمل مسؤوليتهم راحت امي لخوالي ورا وفاة بابا بثلاث اشهر وكان موقف خوالي مخيب جبروا امي تزوج من رجال معاق فاقد بصره عمره 90 سنه بينما كان عمر امي 40 سنه تزوج عمو طارق من ماما لانه كان بحاجه الى احد يعتني بيه

عمو طارق زوج ماما رجال فقد بصره وقدرته ع المشي بعمر 40 سنه فتركته زوجته بعد ان انجبت منه زيد وماادراك مازيد كان اول مشكله من مشاكل حياتي غلافا لعمو طارق الي كان ودود ويانا بس عجزه منعه من ان يقدملنا شي من المساعده

زيد ابن عمو طارق عمرة 28 سنه يشتغل حارس بشركه خاصه بصناعة الكرفانات كان يجينا سبوع يبقى سبوع بالشركه ... السبوع الي يجينا بيه يشتغل جهاز انذار بالبيت يخبصنا يضرب بامي ويعاملها كخدامه عنده ونظرته الي ابد مجانت مريحتني جنت ابذل جهدي لحتى اتجنبه

ماما جانت دوم تكلي انتي سندريلا لابد يجي يوم ويجي اميرج يخلصج من خذي الحياه بس للاسف الليوم عمري 19 سنه واني عتبه الباب ما واصلتلها شلون راح يشوفني الامير حتى محد يعرف ان لهذا البيت اكو بنيه .... بس القدر كان اله كلمه اخرى حاك خيوطه لينسج لي الطريق الوحيد الكان نوره باهت خلافا لابقي الطرق الكانت شديده العتمه

============ قريبااااااااا ============