بالنسبه للنشر كل سبت وثلاثاء .... ❤
=================================
ام فنار : ماما حبيبتي نظفتي السطح
فنار : ماما صار عشر مرات تساليني كولتلج نظفت كل البيت
ام فنار : دربالج ع عمو طارق رايحه اجيبله دوه
فنار : خليني اروح اني هلمره .... رجاءا ماما عمري مطالعه من البيت بس هلمره خل اروح اني
ام فنار : لا ممنوع اذا عرف زيد يذبحنا اني وياج لسوينا مشاكل خليني اني اروح مدام زيد بالدوام
فنار : ماما
ام فنار : خلاص فنار لا تناقشين
فنار : ( بستسلام كعدت بالبيت بينما طلعت امي تجيب دوه .... سويت شاي مر لعمو طارق )
ابو زيد : طلعت امج
فنار : اي طلعت متتاخر وي وتجي لتخاف
ابو زيد : اذاج البارحه زيد ؟
فنار : لا ماما دخلت بالوقت المناسب
ابو زيد : زيد راح يروح لدوام اسبوع عندج هلسبوع لازم تلكيلج واحد يزوج نزوجج اله بسرعه
فنار : منو يقبل بيه
ابو زيد : اي واحد ممكن يكون احسن من زيد
فنار : شسوي
ابو زيد : ماعرف يابنتي والله ماعرف بس دام انتي هنا محد راح يشوفج
فنار : ماما متخليني اطلع
ابو زيد : لا حول ولا قوة الا بالله العلي العظيم ... الله يحلها .... عطشان بنتي
فنار : ( كمت اجيبله مي جان اشوفه واكع من الكرسي مغشي عليه تخبلت ضليت اصرخ بنص البيت دخلوا علينا الجيران واني اصيح ساعدوه .... خذوه للمستشفى واني رحت وياه .... الدكتور ضل يمه واني ابجي وادك ع راسي سمعت واحد بيه يتصل ع زيد يمه انرعبت بس لا يجي زيد ويشوفني طالعه برا البيت يلعب بيه فلك )
.... : لا تخافين عمو زيد بالطريق
فنار : 😱
.... : ها شبيج
فنار : عمو رجعني للبيت زيد مايقبل اطلع 😟
.... : غير ابوكم تاذى مراح يكول شي
فنار : اني راجعه للبيت اذا اجى زيد لا جيبله طاري
.... : خلي اوصلج
فنار : لا عمو اروح بنفسي .... بس من تشوف امي كوللها الحقيقه بس زيظ ابددد لا تحجيله شي ( طلعت اركض بالشارع اخاف ااجر تكسي وماشايله وياي فلس والمشكله مااندل طريق البيت منين ... ليت افتر بالشوارع فوك الساعه وممحصله شي حتى اسم منطقتنا مااعرفها انووب حتى للمستشفى ضيعت طريقها ..... بالله منو يصدك سالفتي ..... وكفت عند رجال يبيع فواكهه ) العفو عمو تعرف بيت طارق ابو زيد وين
