فنار : شنوو 😱
رغد : شششش تعاي
فنار : ( اخذتني لزاويه بالمطبخ وفتحت التلفون ولا اشوف صوره لهذة الولد الي عرف اسمي ) منو هذا تعرفينه
رغد : هذا سلام شبيج
فنار : منو سلام
رغد : وثول غير كتلج اني معجب بيه
فنار : ها .... هذا المعجبه بيه انتي 😶
رغد : شبيج مثوله الليوم
فنار : بالله شتعرفين عنه حتى نعجبتي بيه
رغد : اعرف كولش متابعته اني
فنار : ماعرف ليش احس نفسي اعرفه
رغد : وين تعرفينه
فنار : مدري
رشا : رغددددددد
رغد : وسم
رشا : ولج تهاني راح تزوج شسوي بروحي
رغد : يااا صدك راح تزوج
رشا : اي ولج 😪 شكد محظوظه ادم يخطبها
رغد : ادم حبيبها ياااااي شكد كيوت
رشا : هنيالي 😑
رغد : لازم نروح لخطبتها .... يمتى خطبتها
رشا : باجر ماما تكول تجهزوا مو تاخرونا
رغد : تجين فنار ؟
رشا : طبعا تجي محد حيضل بالبيت
فنار : شتقربلكم تهاني
رغد : بنت خالي
فنار : بس اني معندي شي البسه
رغد : اخذي فستان مني
فنار : ( كعدنا طول اليل نجهز نفسنا الى ان اجى الصبح بدلنا وتمكيجنا وحده حطت مكياج لثانيه وطلعنا وي عمو مروان لبيت تهاني حتى نحظر خطبتها ..... كعدت بالحفله ماعرف احد بينما البنات اندمجوا بسهوله واني كاعده اجتي بنيه كعدت يمي )
حنين : مرحبا
فنار : اهلا
حنين : ليش كاعده وحدج
فنار : ماعرف احد وانتي ؟
حنين : اتهرب من الناس اني بنت شيخ وهواي يجولي علمود بابا بس اني مااحبىهذي السوالف
فنار : ها يتلوكون قصدج
حنين : بالضبط
فنار : حلو فستانج بس شعجب اسود
حنين : عمي توفى بس مكدرت مااحظر الخطبه تهاني تصير اعز صديقاتي
فنار : الله يرحمه شلون توفى
