حنين : صباح الخير
سعد : شنو هلابتسامه الليوم
حنين : حضرتك تموت بالتعاسه موت بيها وحدك
سعد : ترديني اموت
حنين : دااشاقه تعرف انت كولشي بحياتي
سعد : وين امي متت جوع
حنين : حسوي اني الريوك الليوم ماما تعبانه شوي
سعد : شبيها
حنين : مبيها شي تريد تبقى يم الشيخ 😉
سعد : ههههه براحتها اكول حنو تعرفين وحده وياج بالمدرسه اسمها فنار ؟
حنين : لا ليش ؟
سعد : بنات الضابط مروان تعرفينهم
حنين : رغد ورشا اي اعرفهم رشا وياي بالصف
سعد : ها وشلون علاقتج بيها
حنين : سطحيه ليش
سعد : صديقي معجب بيها المهم معلينا بيهم لا تكوليلها شي
حنين : ( صبيتله الريوك وصعدت لغرفتي فتحت التلفون شفت رعد دازلي صباح الخير ...اتصلت ) الوو
رعد : صباح الخير شلونج
حنين : وينه بس انت فاشل بالمواعده وين اكو واحد كبل هيج يفوت
رعد : ماحب اللف والدوران وعيونج دوخني ماكدرت اتحمل
حنين : هههه لتكول هيج
رعد : احبج ولج
حنين : بس اني بعدي ماعرف هواي عنك
رعد : كتلج اني رعد عبد الله عادل من بني مالك بيتنا ورا مدرستكم عندي بس اخ واحد ابوي متقاعد وامي ربه بيت واني خريج ادارة واقتصاد اشتغل بشركه اهليه عمري ٢٧ سنه والاهم من هذا كوووله احبج
حنين : هههه بس اني ممتاكده من مشاعري تجاهك
رعد : فكري حنين والله مراح تلكين احد يحب بكدي
حنبن : حفكر بس لتستعجل عليه ... يلا راح اسد اجى ابن عمي عمار
رعد : اوك
حنين : ( نزلت اسلم ع عمار ) هلا عمار شلونك
عمار : ع الله
سعد : حنو كلتلي ان بنات الضابط اثنين ... رشا ورغد
عمار : وفنار ؟
حنين : مو من بناته
عمار : يجوز اقاربهم ليش لطشت بالبنيه
سعد : عوفك منها 🙄 تعال وياي خل نطلع
عمار : من رخصتج حنين
