رنى : فنار عيني كومي ساعدي البنات بتعزيل البيت الشتا ع الابواب
فنار : صار ( كمنا نفرش بالزوالي ونزل بملابس الشتا ونغسل بيهن اني ورغد و رشا .... انكسر ظهري من الشغل من ساعه ٩ نشتغل لساعه ٨ بليل ياله خلصنا وكل وي وحده بيهن سالتني عن قصتي المهم رحت سبحت وتمدتت ع القنفه ارتاح )
ام محمود : شنو هاي ماتستحين
فنار : شنو 😳
ام محمود : رنى سوت الغده وهسه دسوي عشا وجنابج الكسيف متمدده كومي عابت لهلخلقه
فنار : ( كمت للمطبخ ) رنى كعدي اني اسوي عشا
رنى : لا حبي تعبتي انتي روحي ارتاحي
فنار : ام محمود وصتني اسوي عشا
رنى : مالج علاقه بيها روحي يم رغد ورشا
فنار : مشكوره ( صعدت يم البنات طرقت ع الباب ) مرحبا
رغد : هلا فنار تعالي
رشا : لا لا تدخل مكافي خذت ابونا منا بعد تريد تاخذ غرفتنا
رغد : رشا كافي مية مره البنيه عادتلج قصتها
رشا : ممصدكتها
فنار : شلون اخذه وهوه بكد بابا الله يرحمه ولو ماخذته نفس ماتكولين ليش ماعلن زواجه مني دام اني بيتكم 😑
رشا : لان يعرف انطردج
رغد : ع فرض بابا مزوها منو يكدر يطردها
رشا : اني وراح اطردها 😡
فنار : ( خلت الغرفه طلعت منها ) 😥
رغد : عوفيها خبله اختي
فنار : ماعرف شلون اخليها تصدكني والله ماعرف الضابط الا من التحقيق
رغد : مصدكتج شبيج .... اكول فوفو انتي ماحبيتي اقصد يعني ماكو شاب بحياتج
فنار : الشاب الوحيد الي بحياتي زيد 🙄 واكرهه مااحبه 😁
رغد : هههههههه
فنار : انتي شكلج تحبين 🙃
رغد : لا شنو احب ☺️
فنار : لعد شنو هلصوره الي بتلفونج 😜
رغد : خرررب شلون فتح هذا 🥴
فنار : احجيلي مااحجي لاحد
رغد : هذا اسمه سلام يصير ابن الشيخ وين اني وين هوه 😪
فنار : شيخكم ؟
رغد : لا .... بس هءا اليخ معروف بشارعنا شيخ عشرة ال ####
فنار : اوووو ..... وهوه يعرف بكل هلحب 😜
رغد : ولا يعرف منو رغد اصلا
