فنار : رغد اساعدج ؟
رغد : خلصتي شغلج شبسرعه
فنار : انتي تشتغلين ع كيفج اذا ضلين هيج لباجر متخلصين
رغد : تعالي ساعديني لعد
فنار : اكلج رشا ماكو صارت ساعه ب٣
رغد : كلتلي عدها اضافي
فنار : راح يبرد اكلها
رغد : اخذي تلفوني اتصلي عليها
فنار : ( رفعت التلفون متصله ع رشا .... دك ثلاث دكات وفصلته ) مترد
رغد : يجوز بالقاعه
رنى : فنار حبي تكدرين تروحين تجيبينا خبز
فنار : حاضر ( لبست حجابي و غيرت ملابسي وطلعت من البيت .... وين الكى هسه مخبز شبيج غبيه فنار غير تسالين رنى عن المخبز قبل لا طلعين ..... شفت مجموعه شباب ملتمين يسولفون تقربت منهم ) السلام عليكم
سلام : ( لحظه هذي مو نفسها البنيه الي عالجت رجلي ) 😳
رعد : تفضلي
فنار : اني جديده هنا مااندل المخبز وين .... ممكن تدلوني ؟
رعد : طبعا .... هذا الفرع الكدامنا ....
سلام : تعاي اني اوصلج
رعد : 🤨
فنار : ( مشى الولد واني وراه الى ان وصلنا للمخبز ازدحام عليه ) شكرا
سلام : انطيني الفلوس اني اجيبلج الخبز .... ازدحام مراح تكدرين تفوتين
فنار : تفضل ..... تسلم كلك ذوق ( اخذ مني الفلوس وفات من باب المخبز شو الخبازين اخذوا يسلمون عليه ويتلوكوله حتى الواكفين ع كدام الخبز يصيحون باسمه وشلون الوالد و مدري شنو .... منو هذا معقوله فد شخصيه مهمه .... شوي وطلع بيده الخبز )
سلام : تفضلي
فنار : شكرا
سلام : كلتي انتم جدد هنا .... وين جنتوا عايشين
فنار : ها .... ج....جنا بزيونه وهسه اجينا هنا
سلام : ( جذابه وينكم وين زيونه ...... معقوله ماعرفتني متاكد اني متها هذي نفسها البنيه الي نقذتني من قتلنا عم سعد ..... يمكن مشتبهه ؟ لحظه جان اسمها البنيه فنار لهسه اذكر امها من صاحت عليها )
فنار : ( شبيه هذا صفن بوجهي ) من رخصتك
سلام : وين ساكنين انتم هسه
فنار : هناك ....
سلام : بيت شنو يصحولكم ؟
فنار : بيت الضابط محمود ابو رغد .... ليش ؟
