بنات قبل بدايه البارت رجاء شديد صوت للبارت لان جاي تجي ابلاغات ع رواياتي واكو روايات فعلا انحذفن فساعدوني لحتى ماتطير الروايه بليز
بالنسبه لهذي الروايه حيكون النشر كل احد واربعاء
=================================
فنار : (مر اسبوع واني بالمخزن يجيبولي اكل مره باليوم ومي بس كلاص باليوم كضيت هذا السبوع اصلي وابجي الى ان بيوم من الايام فتحت رنى الباب وعاطت بيه )
رنى : طلعي
فنار : ليش هيج تسون بيه 😢
رنى : بلا حجي زايد روحي نظفي البيت واريد الغده جاهز
فنار : ( كعدت اشتغل من العشره لل٢ صبيتلهم غده اشرتلي رنى اروح للمطبخ اتغده .... كعدت اكل وابجي نص ساعه واجتي رغد )
رغد : عوفي من ايدج وروحي شيلي السفره
فنار : ممكن نحجي
رغد : اذا عن سلام فماكو داعي .... شوفي اني وياه انخطبنا
فنار : 😳 ( تفرفر بحلقتها كدامي ماعرف ليش انعصر كلبي ) مبروك
رغد : ياويلج لو اشوفج حاجيه وياه لو ملتقيه بيه اطرج بالشارع فاهمه
فنار : ماعندي شي وياه
رغد : انجبي وسمعي الحجي غثيثه
فنار : ( تركتني وراحت ..... شلت السفره وغسلت الماعين انوب عاطت بيه رنى تريدني انظف باقي البيت اخذت المكناسه وفريت ع غرفه غرفه انظفها لساعه اربعه كعدت بالمطبخ تعبانه )
رشا : فنار امي تكول نظفي الحديقه
فنار : ساعديني رشا 😢
رشا : مااكدر اتعاقب 😓
فنار : ( طلعت انظف بالحديقه ولا اشوف شغلاتي مشمرات بيها والبزازين مشككتهن ضليت الم بيهن وابجي لساعه سبعه خلصت البرا سبحت وكعدت بالمخزن اصلي وابجي دخلت عليه رنى مدري شرادت بس من شافتني اصلي عافتني وراحت سجدت واني ابجي جان اسمع الجده تصيح شطلعت من صلاه جعت .... سويت العشا وكعدت بالمطبخ اتعشا )
رغد : عوفي العشا وروحي غسلي الملابس
فنار : ورا العشا ان شاء الله ( رفست الصينيه مالتي مطشره اكلي )
رغد : ( بعصبيه ) كوووومي
فنار : حرررام نعمه الله
رغد : ماما فنار تراددني
فنار : 😳
رنا : لج حيوانه منو انتي لحتى تردين ع بنتي مو زين علينا دخلناج بيتنا
الجده : كله منكم احترمتيهن زايد شوفوا ضلت ترد الحجايه
فنار : ( عصبت رنا عليه ونزلت بيه ضرب الى فكتني رشا منها )
