قاتلة ولكن...؟ الجزء الأول (سلسلة ملحمة العشق والانتقام)

💖الحلقة الأولى💖

فى حى من أحياء مدينة الإسكندرية عروس البحر المتوسط، تشرق الشمس بأشعتها الجوناء على منزل بطلتنا وتبعث أشعتها الصفراء الدافئة الجميلة على وجه البطلة الحسناء النائمة بعمق، وتزقزق العصافير الموجودة على الشجرة المقابلة لغرفة ملك، ويرن الهاتف معلناً عن وصول مكالمة من رحمة (صديقة ملك) تقوم ملك من نومها وتجيب على الهاتف.
ملك: ألو يا رحمة فيه حد يصحى
حد الصبح بدرى كده.
رحمة:  بدرى إيه يا بنتى الساعة
٧ الصبح يا ماما وبعدين عندنا محاضرة مهمة ، قومى يا بنتى.
ملك: خلاص ماشي هقوم أهو
نتقابل بعد ساعة.
رحمة: ماشي سلام .
ملك: سلام.
تغلق ملك الهاتف، وتنهض من على
السرير، وتدخل الحمام تتحمم
،وتتوضأ لتصلى صلاة الصبح،
بعدها لبست ملابسها وخرجت
فالتقت بجميلة زوجة أخيها.
(قاتلة ولكن...؟.بقلمى علا جبريل)
ملك: صباح الخير على جميلة  الجميلات.
جميلة: صباح الخير يا حبيبتي
يا بكاشه رايحة الكلية النهاردة
بدرى مش عادتك تصحى
بدرى كده.
ملك: ههههههه قلنا نغير بقى
البت رحمة صحتنى من النوم
بدرى الجزمة دى كنت بحلم
حلم جميل، ده أنا هنفخها لما
أشوفها، بس هى صحتنى لأن
عندنا النهاردة محاضرة مهمة
قووووى، علشان الإمتحانات
قربت وأخيراً هتخَرج بقى.
جميلة: ربنا يوفقك يا حبيبتي وتتخرجي وتبقى مهندسة قد الدنيا.
ملك: يارب. إنما فين بابا وعاصم؟
جميلة: عمى فى غرفته بيلبس وعاصم فوق فى الشقة وهينزل
شوية كده.
ملك: أوك. هدخل أسلم على بابا
لأنى لم أره بالأمس حتى ينزل عاصم.
جميلة: ماشي روحي وأنا
هحضر الفطار
ملك: أوك محتاجة مساعدة منى
ولا حاجة لا سمح الله يعنى.
جميلة: ههههههه. لا شكرا
يا حبيبتي.
ملك: أوك.
وذهبت ملك فى إتجاه غرفة
والدها وفتحت الباب وجدت
والدها ينهى صلاته فاقتربت
منه فنظر لها بحُبه الدائم لها.
ملك: تقبل الله يا بابا
أحمد: منا ومنكم يا حبيبة بابا.
هاااا تعالى قولي لى عاملة إيه؟
ملك: الحمد لله يا بابا أنا قُلت
أجى أشوفك لأنى لم أراك بالأمس.
أحمد: اه ما هو أنا جيت لقيتك
نائمة مرضتش أصحيك.
ملك: تشكر يا حاج. نجيلك يوم
فرح ولادك.أنت لا بقى كبرت
على الحاجات دى يا حجوج.
أحمد: ههههههه. ماشي عاملة إيه
فى دراستك؟
ملك: الحمد لله أهو ماشي الحال
إنما إيه يا بابا عندنا دكاترة
أستغفر الله العظيم، تشوفهم تسقط وتعيد السنة على طول لا وكمان على عرض.
أحمد: ههههههه. بس يا بت
بقى هموت من كتر الضحك
أنتِ متشوفيش الواحد إلا
لازم تقلشى كده
ملك: الله يا حاج مش بفرفشك كده.
أحمد: طيب يا خط الفرفشة
يالا علشان نفطر.
وخرجت هى وأبيها فوجدوا
أخاها يجلس بجوار زوجته
على المائدة.
ملك: الله الله. طيب يا حاج شكلنا
جينا فى وقت مش ولابد يعنى😉.
يالا نرجع مكان ما كنا علشان منبقاش عزول يعنى.
فانفجر الجميع فى نوبة من
الضحك ثم قال أخيها
عاصم:ههههههه. تعالى يا
لمضة عاملة إيه؟
ملك: أنا الحمد لله. كله تمام التمام أنت بقى قولي عامل إيه؟ بقالى كتير مشفتكش.
عاصم: الحمد لله. مهو أنت لو
بتسالي كنت عرفت أنا عامل إيه!😏
ملك: آسفين يا باشا. مش
هتتكرر تانى بس أنت عارف
بقى إللى فيها أنا باجى من
الجامعة أنام شوية وبعدين
أقوم أذاكر ومش بطلع من
غرفتي خالص.
عاصم: يالا ربنا معكِ. أنا هاقوم
بقى علشان أروح المستشفى
وبعدين العيادة.
ملك: خدني معك وأنت نازل.
عاصم: خلفتك ونسيتك أنا.
يالا يا أختي بدل ما أمشى وأسيبك.
ملك: ههههههه. متقدرش أصلا.
يالا عاوز حاجة يا بابا.
ومسكت يده وقبلتها هى وأخيها.
أحمد: لا شكراً يا بنتى.
يالا روحي ربنا معكِ.
ملك: ربنا يديمك لى.
ونزلت هى وأخيها ووجدت
رحمة فى إنتظارها.
رحمة: كل ده يا بنتى يالا هنتأخر
ملك: طيب طيب براحة يحرقك.
رحمة: يخرب بيت برودك يا شيخة.
ملك: ههههههه. معلش بقى
بنتعبك معنا.
رحمة: أنا همشى بدل ما أتشل
وأنا واقفة مع البت دى.
وتركتها وتمشت قليلاً فنادت
عليها ملك.
ملك: إستنى يخرب عقلك.
وذهبت الإثنتان إلى الجامعة و.....
استوب كده
*********
إلى اللقاء ونتقابل بكرة مع الحلقة الثانية بإذن الله
عاوزة أعرفكم آرائكم وانتقاداتكم على الحلقة الأولى قولوا اللى نفسكم فيه وأنا مش هزعل بالعكس هفرح جداااا.
سنكمل الحلقة القادمة إن شاء الله.