وقفنا في الجزء الفات انو لنا أخت نبيل إنتحرت..
الشرطي:للأسف أختك لنا لقوها منتحرة في غرفتها الليلة الصباح
نبيل(وهو مصدوم) :لنا اختي انا؟؟؟ لالا اكيد ملخبط
*مشى لإمو
نبيل:أ..أمي.. ده كلام شنو.. لنا تنتحر؟؟ل.. لالا اكيد كضب في حاجة حاصلة
الشرطي:انا فاهم موقفك ي استاذ نبيل بس ده الحصل واحنا لازم نحقق في الموضوع ده
نبيل(وهو بكورك) :موضوع شنو وتحقيق شنو انت مجنون؟؟ أختي مستحيل تعمل كده ماف سبب يخليها أصلا..
الشرطي:انا أستأذن إنت حاليا مصدوم بس الجثمان موجودة في المستشفى وأمك قالت م يعملو أي إجراء لو م جيت انت
نبيل:جثمان؟؟؟؟؟😳
*في اللحظة ديك فاطمة جات ل نبيل وحضنتو وبقت تبكي وتقول:بتي ي نبيل😭 قطعة مني😭رجعوها لي.. لييه ي لنا.. لييه😭😭 وااي ي وجعة حشاي عليك ي قلبي الإتقطع عليك عاوزة بتي 😭 رجعها لي ي نبيل وااي واااي
نبيل(وهو م مستوعب اي شي) :الخلاها تعمل كده شنو ي أمي🙂 الخلاها تعمل كده شنو
*في اللحظة ديك نبيل سمع الجيران بتكلمو وبهمسو وكلو كلام"اصلا دي اخر عدم التربية" /"عشان اهلها م شغالين بيها تطلع وتنزل زي م عاوزة"/"يختي دي اخر الغربة الأم براها م بتقدر تربي"
*نبيل عاين للناس وهو عيونو منططة ومستغرب في كلامهم مشى ل لميس اختو
نبيل:لميس ده كلام شنو😳
لميس (وهي مدنقرة راسها وبتبكي) :نبيل💔 لنا لقوها حامل في التشريح
*نبيل رجع خطوتين ل ورا وختا راسو في يدو وما قدر يكتم وجعو ومن غير م يحس صررخ وقال "لناا😫"
ليه عملتي كده ي لنا ليه وطيتي راسنا 😫😫😫 ليه ي لنا ليييه
*وبدأ يتزكر في كل لحظاتو معاها واللحظة الجا البيت وسمعها تبكي وم إهتم بالموضوع وقال في نفسو:
لنا م إنتحرت لنا قتلتها انا إيوة أنا القتلتها أنا المفروض أكون أخوها 'سندها اليحميها وأراعي ليها وأحاسب على أخطاءها وعلى تصرفاتا بس كنت م شغال بيها وطبيعي برة البيت أنا القتلتك ي لنا أنا السلبتا روحك أنا السبب أنا السبب😫😫😫 م قدرت أكون سندك ي ريتني لو وصلتك خطوبة علا ي ريتني لو م اتشاكلتا معاك ي ريتني😭😭
*الوضع كان أصعب مما يكون نبيل جاتو صدمة وإنهيار من الحصل ل لنا وختا المسؤلية كلها عليو بقت المشكلة الاكبر مين الغلط مع لنا وليه؟ التحقيق مشى ب طريقة اسرع من سريعة وطبعا كان الفضل لأنهم أسرة معروفه وعندها مركزها
التجاني أول م سمع بالخبر إتأثر شديد طبعا كان برة البلد بس ركب ع اول طيارة وجا وي ريتو م جا شوفو الحصل👇🏻
التجاني:بتي انا ؟ بتي انا ي فاطمة يتهموها ب قضية شرف
فاطمة:ده م وقت نقاش ي التجاني اتا فقدتها هي فقدتا الضحكاتا كانت مالية علينا البيت فقدتا البتجي من الصباح تقول لي ماما فقدت روحي😭💔
التجاني:ده كلو بسبب إهمالك ي فاطمة خليتي الناس يتكلمو فيني انا مش قلت ليك خلي بالك ع الاولاد ديل
فاطمة:اليد الواحدة ما بتصفق ي التجاني ما بتصفق انا استحملت غربتك دي 25سنة، يوم واحد م سآلتك.. لكن انت كنت وين؟ ولا متزكرنا اصلا انا التعبت وانا الربيت وم بسمح ليك تغلط في تربتي
التجاني:انا اتغربت عشان منو م عشانكم انتو عشان اعيشكم احسن عيشة... هسي الوضع الانتو فيهو ده في زول وصلو ولا زول حصلو
فاطمة:القروش م ايي حاجة ي تجاني.. الليلة بتنا ماتت عشان إهمالنا وعشان م لقت الزول اليوعيها إحنا القتلناها من غير قصد وينا قروشك هسي؟قروشك تقدر ترجع لينا لنا؟ قروشك تقدر تخلي لنا تكون بينا تاني؟ وريني
*في اللحظة دي التجاني سكت وقعد طرف السرير وختا راسو في يدو وغمض عيونو وبقى يستغفر ويتحسر في نفس الوقت،يتحسر على عمرو الضاع في الغربة وم قدر يحس بطعم الأبوة يتحسر على أولادو الكانو بحتاجو ليهو في أغلب لحظات حياتهم وم لقوهو جنبهم،التجاني بقى حزين جدا وعاين ل فاطمة وقال ليها :يلعن سنين الغربة ي فاطمة يلعن سنينها💔
*نبيل كان لسه مصدوم وم قدر يصدق الحاصل وطواالي فكّر في عُلا صحبة لنا وقال اكيد ح تكون عارفة الكلب العمل في أختي كده ركب عربيتو وأثناء م بدور في العربية قعد في الأرض مسافة وبقى يقول:لكن ي نبيل كمية البنات الغلطتا معاهم ديل برضو كان عندهم أهل وأخوان💔 اللحظات الضيعتا فيها شرف بت جات عليك.. الوقت الكنت بتتسلى فيهو ب بت ناس ربنا كان بدبر لأختك واحد🙂💔 بالجد إنت القتلتا أختك ي نبيل لأنو في الوقت القالت ليك ي نبيل م بطلع براي بليل سوقني كنت بتتكل ع السواق ،في الوقت السمعتها تبكي م إشتغلت بالموضوع،معقول قلبك بقى حجر معقول قلبك يقسى ل الدرجة دي؟
*نبيل كانت العِبرة خانقاهو ومن غير م يحس لقى نفسو ببكي💔 ب حرقةوللصدف العجيبة هند كانت ماشة في الشارع وشافت زول ببكي بس م قايلاهو نبيل وقلبها الطيب م سمح ليها تخليهو قرربت عليهو وقالت
هند:لو سمحت ي أخ
نبيل(رفع عيونو المليانة دموع وبقى يعاين ليها)
هند :نبيل؟؟؟😳(رجعت ل ورا طوالي
نبيل:هند عليك الله م تمشي💔
هند(وهي مستغربة من نبيل وهو قاعد ع الارض وببكي) :دي خطة جديدة من خططك؟؟😒
نبيل:خطة؟🙂💔انا موجوع بجد
هند:والزيك بتوجعو ولا بحسو،شوف ليك بت إتسلى بيها عشان وجعك يروح
نبيل(وقف على حيلو وبقى يضرب في غزاز العربية من غير م يحس ويكورك) :لااا لااا م تقولي كده😭😭😭😫 خلااص انا تعبت تعبت
والله تاني م اعيدهاا يااارب يااارب😫😫
*هند كانت مخلوعة جدا من موقف نبيل حتى يدينو بقت مليانة دم والغزاز كلو بقى فيهو فا بدت تجر فيهو عشان تبعدو من الغزاز
هند:نبيل الحاصل شنو إستهدى نبيل
نبيل:ياارب سامحني ياارب😫
*هند لاحظت انو الناس بدو يعاينو ل نبيل ف بقت تجر فيهو ب قوة واخدتو ل مكان قريب وقعدتو في الأرض (يعني رغم السواهو معاها بس لسه قلبها عليو💔)
هند:نبيل مهما الحصل م تعمل في نفسك كده ربنا كريم
*وبدت تطلع من شنطتها مناديل ورق ومسكت يدو وبقت تمسح في الدم براحة من بداية اصابعو..
نبيل(بعاين ليها وهو خجلان من نفسو ومكسور) :بعد العملتو فيك برضو بتساعديني؟.
هند:ايي زول محلي كان عمل كده🙂
نبيل:لا والله.. والدليل إنو الناس مانت بتتفرج فيني وانتي الوحيدة الجيتي علي
هند(وهي منكرة للموضوع) :لا انا اصلا بس حبيت يعني بس.
نبيل:انا اسف بجد💔 ربنا عاقبني ي هند وشال مني اختي الصغيرة شالها ب طريقه اكعب مما يكون
هند(ودموعها نزلت طوالي) :استغفر الله اكيد هي في مكان احسن ربنا يرحمها هي محتاجة دعواتك..
نبيل:بس انا زول ملوث مليان بالخطايا ادعي كيف؟اقابل ربنا كيف انا زول ملوث ي هند😫💔
هند:ربنا غفور رحيم💕 وانت م ملوث الزول البعترف بغلطو معناها هو عارف نفسو وأدي نفسك فرصة تانية أبعد من طريقك الوسخ الإنت فيهو ي نبيل أبدأ حياة جديدة ربنا بديك الفرصة ويمكن جات صدفة إني أجي بالطريق ده عشان اقول ليك الكلام واشجعك آبدا من جديد ي نبيل وأنا بدعي ليك💕
*نبيل حسا ب راحة عجيبة في كلام هند ،كلامها معاهو كان زي مُسكّن الأوجاع وبعدها شالت شنطتها ومشت،نبيل بدا يعيد في الحصل معاهو من اول وحياتو الوسخة واصحابو والشقة وناس بيتو وأختو لنا الماتت 💔 لقى نفسو كان بعيد كل البعد عن ربو ولقى كمان إنو ماف زول ح يساعدو يمشي صح ويبدأ من جديد غير هند🙂 بس السؤال هل هند ح تساعد نبيل يقيف من جديد؟ ح تقيف معاهو عشان يتغير ويبقى أحسن؟.نبيل كان خايف من رفض هند بس كان محتاج زول يمسك بيدو زول يوريهو الصح زول يسندو تاني من جديد..
رجع البيت وهو متألم وراسو في الارض م قادر يعاين ولا يتكلم مع زول اول م وصل البيت لقيت جماعه النون مؤمن ونور قاعدين
مؤمن اول م شاف نبيل ب حالتو دي م إتحمل ومسكو وبقى يقول ليهو:شد حيلك ي نبيل شد حيلك💔
نور بطبعها حنينة وم اتحملت تشوف نبيل كده نبيل البتحبو بينها وبين نفسها فا بدون م تحس حضنتو وبقت تبكي💔
نبيل:نوري💔🙂(ب صوت حزيين)
نور(وهي بتبكي) :إنا لله وإنا إليه راجعون البقاء لله ي نبيل البقاء لله😭
*بعد شوية نور عاوزة تمسك نبيل من يدو لاحظت للجروح
نور:ده شنو ي نبيل؟؟!😳
نبيل:ولا شي عاوز انوم اذنكم
*دخل غرفتو وقفلها عليهو، مؤمن ونور م عرفو يعملو شنو الموضوع كان أصعب مما يتخيلو وفي الاوقات دي نبيل هو الكان بسندهم وبطمنهم بالكلام بس بقى هو المحتاج ليهو هسي💔عاوز اليطبطب عليهو ويرفع عنو حزنو اليمسكو من يدو ويوريهو حياة تانية غير العاشها
مؤمن ونور بدو يتكلمو مع بعض
نور:الحل شنو ي مؤمن انا م بقدر اشوف نبيل كده م بقدر😭
مؤمن:الحل م بيدنا ي نور🙂💔.
نور:رجع لي نبيل البعرفو رجعو لي اسمري😭
مؤمن(وهو موجوع لصحبو وموجوع اكتر ل نور) :اسمرك خلاص💔
نور:اكييد في حل اكيد في طريقه انا بتكلم معاهو انا لازم اتكلم معاهو
مؤمن:ي ريتو لو يرد عليك ي نور.
نور:ح امشي ع غرفتو ان شاء الله اتكلم من ورا الباب
*وفعلا نور قامت ومشت ع غرفة نبيل دقت الباب كم مرة م فتح ليها بقت تتكلم من ورا الباب ودموعها في عيونها
نور:نبيل الله يرضى عليك اطلع من الإنت فيهو ده نعمل لي ايي شي بس إنت اطلع عليك الله ي نبيل عشاني😭
*بس لا حياة لمن تنادي💔 م اخدت دقايق ومؤمن جا وراها وبقى يتكلم معاهو برضو
مؤمن:ابو النبل ياخ😢💔 ال بيدنا شنو نعملو عشان تخف وتتحسن
*فجأة نبيل فتح الباب وشعرو مبهدل لحيتو ملخبطة حالتو صعبة وعاين ل نور ومؤمن وقال ليهم:عاوز هند💔
👇🏻
دايماً إتفقدو الناس القريبين منكم أهلكم أو أصحابكم،حسسوهم بحبكم ب المشاعر الحلوة الجواكم ليهم، حبوهم،إهتمو بيهم،عشان والله الموت لما يجي م بيدي إنذار وبعدين نقول ي ريت💔
نتااااابع🚶🏻♀💕
