*نبيل إتفاجأ جداً ب كلام مؤمن وإتصدم من الخبر السمعو ده، يعني خلاص قصة مؤمن وملاذ انتهت؟ خلاص مؤمن ي تبقى في حياتو وحدة تانية؟
نبيل :مؤمن كيف الكلام ده ياخ، معليش ي صحبي بس أمك دي بتضغط عليك كده ، اي صحتها مهمة وايي شي بس كمان حياتك مهمة م ممكن تعيشها مع انسانة انت م عاوزها
مؤمن:نبيل بقى م فارق معاي شي كلمتك عشان تجي وتساندني محتاجك بس ، هسي خش الحفلة أختك عاوزاك
نبيل:راسي شطب زاتو ونفسي مرقت من حفلة الخطوبة دي
مؤمن:م تحسسني بالذنب ي نبيل 🙂
انا زاتي ح أخش معاك دي خطوبة لميس ياخ
*مؤمن كان داسي وجعو جواهو وم كان عاوز يخرب الحفلة على نبيل فقام جراهو من يدو ودخلو الصالة جوة في نص الدايرة
*الأصحاب البكتمو وجعهم عشان خاطر فرحة صحبهم ديل نعمة والله م بتلقو بالساهل، فإذا عندك صاحب من النوع ده أبقى عليو ألف💕
*نبيل ومؤمن بقو يرقصو ويهججو ،مؤمن حاول ب قدر الإمكان إنو يعمل فيها مبسوط وينطط ومشى ل فاطمة أم نبيل ودخلها جوة الدايرة ويرقص معاها، ودي كلها كانت حركات عشان يوري إنو هو فرحان والموضوع م هاميو
بعدها الحفلة إنتهت ايي زول فات بقى نبيل وأهلو القراب بس ومؤمن رجع البيت..
نبيل طوول الليل هو بفكر في كلام مؤمن وكيف ح يكون الخبر على ملاذ؟ وكيف ح تقدر تتجاوز الموضوع ده؟💔 فكر يتصل ل هند تاني قال أخلي الموضوع ل بكرة
*جا الصباح ونبيل أهلو ميتين من التعب كلهم نايميين من فتر الحفلة والجوطة ،نبيل براهو صحى دخل المطبخ يفتش في حاجة يأكلها قام كسر ليو صحن🤦🏻♀ أمو صحت بالصوت مخلوعة ومشت طوالي عليو..
فاطمة :نبيل ولدي مالك
نبيل:ماف شي ي أمي بس الصحن إتكسر
فاطمة:خفت عليك ي ولدي ، الساعه كم بقت
نبيل :الساعه2ضهر ع فكرة
فاطمة:وووب الوقت إتاخر
نبيل:إتاخر شدييد، انا زاتي طالع
فاطمة:ي ولدي انت تعبان ارقد ارتاح
نبيل :مرتاح ي أمي مرتاح
*نبيل طواالي إستحما وغيّر ومشى ل مؤمن في المستشفى يشوف أمو بس أول م وصل لقوها خرجوها ، طوالي دوٌر عربيتو مشى ليو في البيت..
مؤمن:ابوو النبل كيفك ياخ
نبيل:ي فردة، مشيت المستشفى م لقيتك قلت أجي احمدل السلامة
مؤمن:اي خرجونا
نبيل:وين الحجة؟
مؤمن:كدي اتفضل، قاعدة جوة
*فعلا نبيل دخل سلم ع أم مؤمننبيل :خالتو ألف حمدلله ع السلامة عافية ي رب
أم مؤمن:الله يسلمك ي ولدي ومبروك لاختك كمان م قدرتا أجي
نبيل:م بتقصري عقبال نفرح ب ميار
أم مؤمن:ليه ميار ، الجمعة الجاية عقد صحبك وإنت طبعا م محتاج عزومة
نبيل(سكت مساافة كده حتى رد) :ان شاء الله ربنا يتم على خير
ام مؤمن:كلم أصحابكم كلهم وعقبال عندك الجامعة دي ملحوقة خلونا نفرح بيكم
*نبيل عاين ل مؤمن وهو سامع أمو بتحدد عقدو وهو م قادر يفتح خشمو عشان خاطر صحتها ، طوالي نبيل طلع وهو زعلان م قادر يتكلم خلاص بقى أمام الامر الواقع كل شئ إنتهى ، كان نفسو يفرح ب عرس مؤمن وهو مبسوط من جوة قلبو ويهجج أخر هجيج ويعمل البدايع بس ح يفرح فرح مزيف عشان بس م يحسس مؤمن بالحصل..
أثناء م نبيل بفكر براو مع نفسو إتصلت ليو هند.
هند:نبيل وين انت من الصباح بتصل كتير
نبيل:كنت مع مؤمن
هند:صوتك مالو كده ؟.
نبيل :متضايق شوية
هند:في شنو ي نبيل م تخوفني احكي
*نبيل حكي ل هند القصة من اولها وكيف إنو مؤمن خلاص قصتو إنتهت وح يعقد ، وقال ليها توري ملاذ براحة بدون م تصدمها
هند :لا حولا ولا قوة إلا بالله، خلاص يعني ؟ كل شي إنتهى؟ كل أحلامهم العاشوها ضاعت؟ أيامهم الحلوة الخططو ليها إنتهت؟😭
نبيل :هند م تضعفي ملاذ محتاجة ليك في لحظة زي دي
هند:ح أحاول ي نبيل ، خلاص برجع ليك بعدين
*هند بقت في أصعب موقف إنها كيف تصارح ملاذ؟ كيف توصل ليها إنو الإنسان الحلمت معاو عمرها كلو والحبتو من قلبها خلاص أمرو حُسم وبقى ل وحدة تانية💔 هند كانت بتبكي جات داخلة عليها ملاذ
ملاذ:ي بت مالك😳
هند:ماف شي
ملاذ:ي بت انتي بتبكي وتقولي ماف شي؟ اتشكلتي مع نبيل ؟
هند:لالا
ملاذ(وهي ماسكة هند من كتفها) : ي بت انطقي م تقطعي قلبي مالك
هند:ملاذ 😭😭😭 مؤمن عقدو الجمعة😭
*في لحظة الجملة الإتقالت دي ملاذ فكت يدها من هند ورجعت ل ورا ووقفت على حيلها وبدت تقول:
ملاذ:خلاص يعني؟ كل شي إنتهى؟ الأمل البسيط الكنت عايشة عليو خذلني💔خلاص مؤمن بقى لوحدة غيري؟خلاص مؤمن م بقى لي! مؤمن ي هند مؤمن رااح خلاص😭
*ملاذ كانت منهارة بالكامل الموضوع كان صادم بالنسبة ليها بس ما باليد حيلة
*مرات في حاجات بتحصل غصباً عننا، ناس بخشو حياتنا ب صعوبة وبطريقة أصعب بنتعود عليهم وببقو جوانا وفجأة بدون مقدمات يطلعو منها كأنهم م كانو فيها بس للأسف بخلو حبهم جوانا مزروع🚶🏻♀💔*نبيل رجع البيت ودخل اوضتو طوالي ، ما قام الا نص الليل لقى أمو وابوهو قاعدين يتونسو في الاوضة البرة
نبيل:المصحيكم شنو لمن هسي😳
التجاني:قعد نحب في بعض😁
نبيل:هههههه نص الليل لكن
فاطمة :والله ي ولدي في خبر قالو لي ابوك وانا من الفرحة م قدرت انوم لما كنت عاوزة أصحيك
نبيل:خير ي أمي خبر شنو المخليك تصحي نص الليل كده
التجاني:خليني أكلمو أنا
فاطمة :اها قول
التجاني:طبعا ي نبيل ي ولدي زي م عارف أزهري محمد ده صحبي شديد وزول طيباني قبيل إتصل لي قال عقد مؤمن ولدو يوم الجمعة أكيد ح تكون عارف
نبيل:أيوة ي أبوي عارف
التجاني:بس ي ولدي فكرنا انا وأمك نعقد ليكم مع بعض وانتو اصلا الاتنين أصحاب يعني الفرحة فرحتين
نبيل (وقف على حيلو مصدوم) :أنا أعقد؟؟؟ انتو العقد ده عندكم سااهل كده ،أمي أنا لسه م خلصت جامعة فضل لي سنة
فاطمة :يعني شنو إتخرج ب ولدك أو لو عاوز م تجيب أولاد خليك مستقر بس
نبيل:لالا م عاوز أنا
فاطمة :ليه ي ولدي خليني افرح بيك ياخ، عشان أطمن عليك وأشوفك مبسوط
نبيل:أمي أنا م بقدر ولا نفسياتي بتسمح لي ، ومؤمن وحاجات كتيرة بتمنعني
التجاني:حتى لو كانت العروس هند؟ ..
نبيل(وهو بعاين ل امو نظام وريتيو وكده) :هند؟🙂
فاطمة :اااي هند ي ولدي
نبيل:أمي انتي م فاهمة، مؤمن العقد ده غصبا عنو م بقدر انا افرح واشوفو هو موجوع
فاطمة:وانا م عندي عندك خاطر؟🙂
نبيل:ي أمي العرس ده م كده لكن وم بالسرعة دي
فاطمة:انا قلت ليك أعقد بس
نبيل:استغفر الله انا طالع اوضتي.
*في عز وجعك بجيك فرح بتكون منتظرو من زماان بس كمية الوجع العايش فيها م بتخليك تشوف الفرح الجاك كأنو جا متاخر أو ده م وقتو🙂💕
*فاطمة إتصلت ل هند وكلمتهاا وفهمتهاا اايي شي وأصرت عليها إنهم يجو البيت يتقدمو
وطبعا رد هند كان نفس رد نبيل إنو كيف تفرح وصحبتها بتتوجع؟.
#الأصحاب البحسو ب وجعتك قبلك ويرفضو يفرحو ديل نعمة💕
*مؤمن عرف من أبوهو إنو التجاني عاوز يعقد ل نبيل وأكيد مؤمن فهم إنو نبيل رافض عشانو طوالي إتصل ل نبيل:
مؤمن:ابووو النبل الوجييه، الزول م يعقد ولا شنو ؟عاوز تحاكيني😂
نبيل:عرفت من وين انت😳 وبعدين عقد شنو ي صحبي انا لسه م كملت الجكس
مؤمن:نبيل وافق بالعقد ع الأقل حسسني بالفرح
نبيل:مؤمن م عاوز نقاش في الموضوع ده ، انا عقد م ح أعقد
مؤمن:وانا بخلي بت الناس وبشرد من البيت عارفني مجنون وبعملا
نبيل:ياخ ده كلام شنو مؤمن انا جادي
مؤمن:انا زاتي ي نبيل، اتخيل عقدنا يكون ف جامع واحد ومع بعض ياخ صحبي العمر كلو ونجي نعقد في نفس اليوم فررحة م بتتوصف
نبيل:برضو م عاوز
*مؤمن بقى يقنع في نبيل ب شتى الطرق لحدي م إقتنع غصباً عنو بس عشان م يجرح مؤمن، ورغم إنو هو عاوز هند ومنتظر اللحظة دي من زممن بس م جات في وقتها وم ح يعيشها ب كمية الفرح الكان عاوزها
*أول م نبيل كلم أهلو إنو خلاص عاوز يعقد، أمو من الفرحة م صدقت طوالي مشت لأهل هند وجو داخلين عليهم..
رقية أول م شافتهم طبعا اتخلعت وقالت في نفسها ديل جايين يعملو شنو عندنا
فاطمة :السلام عليكم ، أم هند ؟
رقية :ايوة اتفضلي
فاطمة :طبعا معليش الزيارة كانت من غير مواعيد وبدون تخطيط بس الوقت م أسعفنا ، أنا جيت وفي بالي الخير وإن شاء الله ألقى الرضا عندكم
رقية :اتفضلي قولي
فاطمة:انا عاوزة أطلب يد هند بتك ل نبيل ولدي ♥
رقية:هند بتي انا؟؟؟ ل ولدك انتي؟؟فاطمة :ااي ،هند البت الطيبة الراقية عليك الله م ترجعيني ووافقي
رقية:انتي متأكدة انك عاوزة هند بتي؟ يعني ناس ب مقامكم عاوزين يناسبونا احنا؟.
فاطمة:م تقولي كده ي أختي الناس معدنها أخلاقها وهند بتك دي الوحيدة الح تقدر تهدي نبيل وتغيرو
رقية:طبعا ف النهاية الكلام والرأي راي الأبو وهند والله يسوي الفيو الخير
*بعدها فاطمة طلعت وهي بين مبسوطة وبين لا
رقية طوالي جات داخلة ع هند
رقية:بتعرفي الود نبيل ده انتي ي بت ؟
هند:ايوة ي أمي بس والله م كلمني انهم جاين وانا م عارفة وم عاوزة اعرس
رقية:ي بتي ماف زول بمنع الحاجة السمحة والعرس ده لا بيدك لا بيدي لما يجي ابوك ونشوف رايو
*طوالي رقية طلعت وخلت هند
هند شالت التلفون واتصلت ل نبيل
هند:مش كلمتك اني م عاوزة عقد هسي؟؟
👇🏻
في ضهر ايي علاقة تبداها ما بالضرورة تكون حب، دايماً أدعي انو م يكون عندها نهاية كعبة او نهاية تجرحك ، حاول بشتى الطرق إنو تخليها سمحة ومزينة بالجمال بعيد عن كل المشاكل ،عشان لما يجي نصيب يفرقكم ولا تحصل حاجة تكون سبب في إنفصالكم ،م تحقد عليها او تكره تكون علاقات من جديد بسبب الحاجات الحلوة الكان فيها💕🚶🏻♀
يتبع......
